Kerala
കോഴിക്കോട് കളിക്കുന്നതിനിടെ ഫ്‌ളാറ്റിന്റെ ഏഴാം നിലയിൽ നിന്നും വീണ് രണ്ടാം ക്ലാസ് വിദ്യാർഥി മരിച്ചു
കോഴിക്കോട് പന്തീരങ്കാവിൽ ഫ്‌ളാറ്റിന്റെ ഏഴാം നിലയിൽ നിന്നും വീണ് രണ്ടാം ക്ലാസ് വിദ്യാർഥി മരിച്ചു. നല്ലളം കീഴ് വന പാടം എംപി ഹൗസിൽ മുഹമ്മദ് ഹാജിഷ്-ആയിഷ ദമ്പതികളുടെ മകൻ ഇവാൻ ഹൈബലാണ്(7) മരിച്ചത്.
ഇരിങ്ങല്ലൂർ ലാൻഡ് മാർക്ക് അബാകസ് ബിൽഡിംഗിൽ വെച്ച് ഇന്നലെ രാത്രിയാണ് അപകടം. കളിക്കുന്നതിനിടെ ബാൽക്കണിയിലേക്ക് കയറിയ കുട്ടി താഴേക്ക് വീഴുകയായിരുന്നു.
ശബ്ദം കേട്ട് ഓടിയെത്തിയ സെക്യൂരിറ്റി ജീവനക്കാരും മറ്റുള്ളവരും ചേർന്ന് കുട്ടിയെ ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
