കണ്ണൂർ പാനൂരിൽ മാരകായുധങ്ങളുമായി യുവാവ് പോലീസിന്റെ പിടിയിൽ
 

കണ്ണൂർ പാനൂർ മനേക്കരയിൽ മാരകായുധങ്ങളുമായി യുവാവ് പിടിയിൽ. പൊന്ന്യം വെസ്റ്റ് സ്വദേശി അശ്വന്താണ് പിടിയിലായത്. ഒപ്പമുണ്ടായിരുന്ന രണ്ട് പേർ ഓടി രക്ഷപ്പെട്ടു. പാനൂർ മേഖലയിൽ ആർഎസ്എസ്-കോൺഗ്രസ് സംഘർഷം നിലനിൽക്കുന്നതിനിടെയാണ് സംഭവം. എന്നാൽ അശ്വന്തിന് ഇതുമായി ബന്ധമില്ലെന്ന് പോലീസ് പറയുന്നു

ഇന്നലെ ഒരു വിവാഹവീട്ടിൽ ഗുണ്ടാസംഘങ്ങൾ തമ്മിൽ ഏറ്റുമുട്ടിയിരുന്നു. സ്വർണക്കടത്തുമായി ബന്ധപ്പെട്ട തർക്കങ്ങളാണ് ഏറ്റുമുട്ടലിന് കാരണമായത്. സംഘർഷാവസ്ഥ നിലനിൽക്കുന്നതിനാൽ പ്രദേശത്ത് പോലീസ് പരിശോധന നടത്തിയിരുന്നു. ഇതിനിടെയാണ് അശ്വന്ത് പിടിയിലാകുന്നത്.