ആലത്തൂരിൽ നിയന്ത്രണം വിട്ട കാർ കടയിലേക്ക് പാഞ്ഞു കയറി ഒരാൾ മരിച്ചു

ആലത്തൂരില്‍ നിയന്ത്രണം വിട്ട കാര്‍ ചായക്കടയിലേക്ക് ഇടിച്ചു കയറി ഒരാള്‍ മരിച്ചു. ആലത്തൂര്‍ തെന്നിലാപുരം കിഴക്കേത്തറ കണ്ണന്‍ (58) ആണ് മരിച്ചത്. ഇന്ന് രാവിലെ 7.15 നാണ് അപകടമുണ്ടായത്. വെനിലാപുരം കിഴക്കേത്തറ ബസ് കാത്തിരിപ്പ് കേന്ദ്രത്തിന് സമീപം പെട്ടിക്കടയില്‍ ചായ കച്ചവടം നടത്തുകയായിരുന്നു കണ്ണന്‍. ഇന്ന് രാവിലെ കണ്ണന്‍ പെട്ടിക്കടയ്ക്ക് മുന്‍പില്‍ നില്‍ക്കുന്ന സമയത്താണ് അപകടമുണ്ടായത്. പെട്ടിക്കടയും തകർന്നു നാട്ടുകാര്‍ ഉടന്‍ തന്നെ കണ്ണനെ ഇരട്ടക്കുളത്തെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാന്‍ ആയില്ല. ഡ്രൈവര്‍ ഉറങ്ങി പോയതാണ് അപകട കാരണമെന്ന് പോലീസ് പറഞ്ഞു.