സഭാ കവാടത്തിൽ സത്യാഗ്രഹം നടത്തുന്ന എംഎൽഎ ഹാജർ രേഖപ്പെടുത്തി; അബദ്ധം പറ്റിയതെന്ന് പ്രതിപക്ഷം
 

നികുതി വർധനവിനെതിരെ നിയമസഭാ കവാടത്തിൽ സത്യാഗ്രഹം നടത്തുന്ന പ്രതിപക്ഷ എംഎൽഎ നജീബ് കാന്തപുരം സഭയിൽ ഹാജർ രേഖപ്പെടുത്തി. എന്നാൽ ഇത് അബദ്ധത്തിൽ സംഭവിച്ചതെന്നാണ് പ്രതിപക്ഷത്തിന്റെ വിശദീകരണം. ഹാജർ ഒഴിവാക്കാൻ സ്പീക്കർക്ക് പ്രതിപക്ഷം കത്ത് നൽകി

നിയമസഭയിൽ അംഗങ്ങൾക്ക് ഇ സിഗ്നേച്ചറാണ്. ഇന്നലെയാണ് സംഭവം നിയമസഭാ സെക്രട്ടേറിയറ്റ് അറിയുന്നത്. തുടർന്ന് സ്പീക്കർ ഇടപെടുകയായിരുന്നു. ഇതോടെയാണ് അബദ്ധം സംഭവിച്ചതെന്ന വിശദീകരണവുമായി പ്രതിപക്ഷം രംഗത്തെത്തിയത്.