മലപ്പുറത്ത് വവ്വാലുകൾ കൂട്ടത്തോടെ ചത്തനിലയിൽ; സാമ്പിൾ പൂനെയിലേക്ക് പരിശോധനക്കയച്ചു

മലപ്പുറം തിരുവാലിയിൽ വവ്വാലുകൾ കൂട്ടത്തോടെ ചത്ത നിലയിൽ. പൂന്തോട്ടത്തിലെ റോഡരികിലെ കാഞ്ഞിരമരത്തിൽ തമ്പടിച്ചവയിൽ 17 വവ്വാലുകളാണ് ചത്തുവീണത്. കാരണം കണ്ടെത്താനായി വവ്വാലുകളുടെ സാമ്പിളുകൾ പൂനെ വൈറോളജി ഇൻസ്റ്റിറ്റ്യൂട്ടിലേക്ക് അയച്ചിട്ടുണ്ട് കഴിഞ്ഞ ദിവസമാണ് വവ്വാലുകൾ കൂട്ടത്തോടെ ചത്തുവീണത്. ചിലത് മരക്കൊമ്പുകളിൽ തൂങ്ങിക്കിടക്കുകയും ചെയ്തു. സമീപവാസികൾ വിവരം അറിയിച്ചതിനെ തുടർന്ന് വനപാലകരും വെറ്ററിനറി വിഭാഗം ഉദ്യോഗസ്ഥരും ആരോഗ്യവകുപ്പ് അധികൃതരും സ്ഥലത്തെത്തി അധികം പ്രായമില്ലാത്ത വവ്വാലുകളാണ് ചത്തുവീണത്. കനത്ത ചൂടാണ് മരണകാരണമെന്നാണ് പ്രാഥമിക നിഗമനം. നാട്ടുകാർ ആശങ്ക അറിയിച്ചതോടെയാണ് സാമ്പിളുകൾ പൂനെയിലേക്ക് അയച്ചത്.