എലത്തൂർ ട്രെയിൻ തീവെപ്പ് കേസ്: ഷാരുഖ് സെയ്ഫിയെ 27 വരെ റിമാൻഡ് ചെയ്തു
 

എലത്തൂർ ട്രെയിൻ തീവെപ്പ് കേസിലെ പ്രതി ഷാരുഖ് സെയ്ഫിയെ വീണ്ടും ജുഡീഷ്യൽ കസ്റ്റഡിയിൽ വിട്ടു. ഇന്ന് കൊച്ചി എൻഐഎ കോടതിയിൽ ഹാജരാക്കിയ ശേഷമാണ് റിമാൻഡിൽ വിട്ടത്. ഈ മാസം 27 വരെയാണ് റിമാൻഡ്. ഇന്നുച്ചയോടെയാണ് എൻഐഎ സംഘം പ്രതിയെ കോടതിയിൽ ഹാജരാക്കിയത്

കേസുമായി ബന്ധപ്പെട്ട് ഡൽഹി ഷഹീൻബാഗിൽ പത്തിടങ്ങളിൽ എൻഐഎ പരിശോധന നടത്തിയിരുന്നു. ഷാരുഖ് സെയ്ഫിയുടെ വീട്ടിലും സമീപ പ്രദേശങ്ങളിലുമായിരുന്നു പരിശോധന. ഡിജിറ്റൽ ഉപകരണങ്ങളടക്കം ഇവിടെ നിന്നെടുത്ത് പരിശോധനക്ക് അയച്ചിട്ടുണ്ട്.