എലത്തൂർ ട്രെയിന്‍ തീവെപ്പ്: പ്രതി ഷാറൂഖ് സെയ്ഫിയുടെ ജാമ്യപേക്ഷ ഈ മാസം 18 ന് പരിഗണിക്കും
Apr 13, 2023, 20:44 IST
കോഴിക്കോട്: എലത്തൂർ ട്രെയിന്‍ തീവെപ്പ് കേസിൽ പ്രതി ഷാറൂഖ് സെയ്ഫിക്കായുള്ള ജാമ്യപേക്ഷ സമർപ്പിച്ചു. ലീഗൽ എയ്ഡ് ഡിഫന്‍സ് കൗൺസലിലെ ചീഫ് ഡിഫന്‍സ് കൗൺസിൽ അഡ്വ പീതാംബരനാണ് മൂന്നാം ക്ലാസ് മജിസ്ട്രേറ്റ് കോടതിക്ക് മുമ്പാകെ ജാമ്യപേക്ഷ സമർപ്പിച്ചത്. ജാമ്യപേക്ഷ ഈ മാസം 18 ന് പരിഗണിക്കാനായി മാറ്റി.
അതേസമയം, പൊലീസ് കസ്റ്റഡിയിൽ തുടരുന്ന ഷറൂഖുമായി തെളിവെടുപ്പ് അടക്കമുള്ള നടപടികൾ പുരോഗമിക്കുകയാണ്. കേസിൽ കൂടുതൽ തെളിവുകൾ കണ്ടെത്താനാണ് ശ്രമം. പ്രതിക്ക് കേരളത്തിൽ തന്നെ മറ്റ് എവിടെയെങ്കിലും ആരേങ്കിലുമായി ബന്ധമുണ്ടോ എന്നതടക്കം വിശദമായി അന്വേഷണം പുരോഗമിക്കുകയാണ്.