സംസ്ഥാനത്ത് ചരിത്രത്തിലെ ഏറ്റവുമുയർന്ന വിലയിൽ സ്വർണം; പവന് ഇന്ന് ഉയർന്നത് 280 രൂപ

സ്വർണവില വീണ്ടും സർവകാല റെക്കോർഡിൽ. ദിവസങ്ങൾക്ക് ശേഷം സ്വർണവില ഇന്നലെ വീണ്ടും 64,000ത്തിലേക്ക് കയറിയിരുന്നു. ഇന്ന് 280 രൂപ കൂടി പവന് വർധിച്ചു. ഇതോടെ ഒരു പവൻ സ്വർണത്തിന്റെ വില 64,560 രൂപയായി. സംസ്ഥാനത്ത് പവന് ഇതുവരെ രേഖപ്പെടുത്തിയതിൽ ഏറ്റവുമുയർന്ന നിലവാരത്തിലാണ് ഇന്ന് വ്യാപാരം നടക്കുന്നത് ഫെബ്രുവരി 11ന് രേഖപ്പെടുത്തിയ 64,480 രൂപയായിരുന്നു ഇതുവരെയുള്ള റെക്കോർഡ്. അതാണ് ഇന്ന് തകർന്നത്. ഗ്രാമിന് 35 രൂപ വർധിച്ച് 8070 രൂപയായി. കഴിഞ്ഞ രണ്ടാഴ്ചക്കിടെ മാത്രം പവന് 2920 രൂപയും ഗ്രാമിന് 365 രൂപയുമാണ് വർധിച്ചത് 18 കാരറ്റ് സ്വർണം ഗ്രാമിന് 30 രൂപ വർധിച്ച് 6640 രൂപയിലെത്തി. വെള്ളിവിലയിൽ ഒരു രൂപ വർധിച്ച് ഗ്രാമിന് 108 രൂപയിലെത്തി.