കുതിച്ചുയർന്ന് സ്വർണവില; പവന് 840 രൂപ വർധിച്ച് സർവകാല റെക്കോർഡിൽ

സംസ്ഥാനത്ത് സ്വർണവിലയിൽ വൻ കുതിപ്പ്. പവന് ഇന്ന് ഒറ്റയടിക്ക് 840 രൂപയാണ് വർധിച്ചത്. ഇതോടെ ഒരു പവൻ സ്വർണത്തിന്റെ വില 66,720 രൂപയിലെത്തി. സംസ്ഥാനത്തെ ഏറ്റവുമയുർന്ന വിലനിലവാരത്തിലാണ് സ്വർണം ഇന്ന് വ്യാപാരം നടക്കുന്നത് ഗ്രാമിന് 105 രൂപയാണ് വർധിച്ചത്. 8340 രൂപയിലാണ് ഒരു ഗ്രാമിന്റെ വ്യാപാരം. ഇന്നലെ സ്വർണവില പവന് 320 രൂപ വർധിച്ചിരുന്നു. കഴിഞ്ഞ രണ്ട് ദിവസത്തിനിടെ 1160 രൂപയുടെ വർധനവാണ് സ്വർണത്തിനുണ്ടായത് 18 കാരറ്റ് സ്വർണവും സർവകാല റെക്കോർഡിലെത്തി. ഗ്രാമിന് 85 രൂപ ഒറ്റയടിക്ക് വർധിച്ച് 6840 രൂപയായി. 54,720 രൂപയാണ് പവന്റെ വില