മതപഠന ക്ലാസിന് പോയ 16കാരിയെ പീഡിപ്പിച്ച കേസ്; മദ്രസ അധ്യാപകന് 187 വർഷം തടവുശിക്ഷ

മതപഠന ക്ലാസിന് പോയ വിദ്യാർഥിനിയെ പീഡിപ്പിച്ച കേസിൽ മദ്രസ അധ്യാപകന് 187 വർഷം തടവുശിക്ഷ. 16കാരിയെ പീഡിപ്പിച്ച കേസിലാണ് മദ്രസ അധ്യാപകന് തടവുശിക്ഷയും 9 ലക്ഷം രൂപ പിഴയും ശിക്ഷ വിധിച്ചത്. കണ്ണൂർ പഴയങ്ങാടിയിലാണ് സംഭവം. ആലക്കോട് സ്വദേശി മുഹമ്മദ് റാഫിക്കാണ് ശിക്ഷ. 2020 മുതൽ 2021 വരെ ഒരു വർഷം പീഡിപ്പിച്ചെന്നാണ് കേസ്. സ്വർണ മോതിരം നൽകി വശത്താക്കിയായിരുന്നു പീഡനം. തളിപ്പറമ്പ് അതിവേഗ പോക്‌സോ കോടതിയാണ് ശിക്ഷ വിധിച്ചത്. മുഹമ്മദ് റാഫി നേരത്തെയും പോക്‌സോ കേസിൽ പ്രതിയാണ്.