രാജ്യത്ത് തുടർച്ചയായ 11ാം ദിവസവും ഇന്ധനവില വർധിച്ചു; പെട്രോളിന് ഇതുവരെ കൂടിയത് 6.03 രൂപ

രാജ്യത്ത് തുടർച്ചയായ പതിനൊന്നാം ദിവസവും ഇന്ധനവില ഉയർന്നു. പെട്രോൾ ലിറ്ററിന് 55 പൈസയും ഡീസൽ ലിറ്ററിന് 57 പൈസയുമാണ് വർധിച്ചത്. പതിനൊന്ന് ദിവസത്തിനുള്ളിൽ പെട്രോളിന് 6.03 രൂപ ഉയർന്നപ്പോൾ ഡീസലിന് 6.08 രൂപയുടെ വർധനവാണുണ്ടായത്.

ഈ മാസം ഏഴ് മുതൽ എല്ലാ ദിവസവും പെട്രോൾ, ഡീസൽ വില ദിനംപ്രതി വർധിപ്പിക്കുന്നുണ്ട്. വില വർധന അടുത്ത ആഴ്ച വരെയുണ്ടാകുമെന്നാണ് എണ്ണക്കമ്പനികൾ നൽകുന്ന സൂചന. കേന്ദ്രസർക്കാർ എക്‌സൈസ് നികുതി വർധിച്ചതാണ് വിലക്കയറ്റത്തിന് കാരണമായി പറയുന്നത്.