🔥My Dear Rowdy🔥: ഭാഗം 36

രചന: അർച്ചന

കാലിലെയും കയിലെയും പ്ലാസ്റ്ററും ഒക്കെ ആയി ഞാൻ മെല്ലെ എഴുന്നേൽക്കാൻ വേണ്ടി നോക്കിയതും വീണ്ടും ബാലൻസ് തെറ്റി അവളുടെ മേലേക്ക് വീണു... അതും കൃത്യമായി അവളുടെ അധരങ്ങളും ആയി എന്റെ ചുണ്ടുകൾ കൂട്ടി മുട്ടി.... ഞാൻ അപ്പോൾ തന്നെ ചരിഞ്ഞു കിടന്നതും അവൾ എങ്ങനെ ഒക്കെയോ എഴുന്നേറ്റു ഇരുന്നു എന്നെ തുറിച്ചു നോക്കാൻ തുടങ്ങി.... അത് കണ്ടതും ഞാൻ കാണാത്ത് പോലെ നടിച്ചു എഴുന്നേൽക്കാൻ നോക്കി... അപ്പോൾ തന്നെ അവൾ ഓടി വന്നു എന്നെ പിടിച്ചു എഴുന്നേൽപ്പിച്ചു ബെഡിൽ കൊണ്ട് പോയി കിടത്തി... എനിക്ക് പുതപ്പിച്ചു തന്ന് എന്നെ നോക്കി പേടിപ്പിച്ചു കൊണ്ട് നടുവിന് കയ്യും കൊടുത്തു പോകുന്നത് കണ്ടതും ഞാൻ ചെയ്തത് കുറച്ചു കൂടിപ്പോയോന്ന് വരെ തോന്നി... അപ്പോൾ തന്നെ ഞാൻ അവളുടെ കൈ പിടിച്ചു വലിച്ചു അവിടെ നിർത്തിച്ചു """എന്താ... "" എന്റെ മുഖത്തു പോലും നോക്കാതെ അവൾ എന്നോട് ചോദിക്കുന്നത് കേട്ടിട്ട് ഞാൻ ഒന്ന് പുച്ഛിച്ചു ചിരിച്ചു...

എന്നിട്ട് അവളെ കുറച്ചു കൂടെ അടുത്തേക്ക് വലിച്ചു.... ******** എന്റെ നടുവിന്റെ കാര്യത്തിൽ ആകെ ഒരു തീരുമാനം ആക്കിയതും പോരാ അവന്റെ കോപ്പിലെ ഒരു ഉമ്മയും... ആർക്ക് വേണം...ജസ്റ്റ്‌ ഒരു ലിപ് ലോക്ക് എങ്ങാനും ആണെങ്കിൽ ഓക്കേ... ഇത് ഒരുമാതിരി.... ഛെ... ഛെ.. മാക്കാൻ വേഗം ചെരിഞ്ഞു കിടന്നതും ഞാൻ അവനെ പിടിച്ചു വലിച്ചു എഴുന്നേൽപ്പിച്ചു ബെഡിൽ കൊണ്ട് പോയി കിടത്തി... നീ എനിക്ക് തന്ന ഈ പണിക്ക് ഡബിൾ സ്ട്രോങ്ങിൽ തന്നെ ഒരു മുട്ടൻ പണി ഞാൻ തന്നിരിക്കും മോനേ കാട്ടുമാക്കാനേ..... അവനെ നോക്കി പല്ല് കടിച്ചു അത്രേം മനസ്സിൽ പറഞ്ഞു തിരിച്ചു നടക്കാൻ നിൽക്കുമ്പോൾ ആണ് അവൻ എന്റെ കയ്യിൽ പിടിച്ചു വലിച്ചത്.... മോളെ കല്ലൂ... നിന്റെ മുഖം വീർപ്പിക്കൽ ഏറ്റു... ചെക്കന് സാഡ് ആയി... ഇനി ഒരു സോറി കൂടെ പറയും... അപ്പൊ കുറച്ചു ജാഡ ഒക്കെ കാട്ടി നിന്നോ എന്ന് എന്റെ മനസ് എന്നോട് തന്നെ പറഞ്ഞതും ഞാൻ ഒന്ന് ഊറി ചിരിച്ചു അവനെ തിരിഞ്ഞ് നോക്കി...

അവൻ എന്റെ മുഖത്തേക്ക് തന്നെ കുറച്ചു സമയം നോക്കി നിൽക്കുന്നത് കണ്ടു ഞാൻ കൈ കൊണ്ട് എന്റെ മുഖം ഒക്കെ ഒന്ന് തൊട്ട് നോക്കി... ഒന്ന് കണ്ണാടിയിൽ പോയി നോക്കണം എങ്കിൽ ഇവൻ കൈ വിടണ്ടേ... ഇനി ഇപ്പൊ വീണപ്പോൾ മൂക്ക് എങ്ങാനും ഇവന്റെ മൂക്കും ആയി ഇടിച്ചു പാണ്ടിലോറി കയറിയ തവളയുടെ പോലെ ആയോ എന്തോ.... ഞാൻ വീണ്ടും അവനെ നോക്കിയപ്പോൾ അവൻ കുറച്ചു നേരം കൂടി എന്നെ നോക്കിയ ശേഷം കുറച്ചു കൂടി അവന്റെ അടുത്തേക്ക് വലിച്ചു.. ഒരു സോറി പറയാൻ ഇത്രേം ബിൽഡപ്പ് വേണോന്ന് ചിന്തിച്ചു അവനെ നോക്കി നിൽക്കുന്ന സമയം അവൻ പറയുന്നത് കേട്ടിട്ട് എന്റെ തലയിൽ ഉണ്ടായിരുന്ന നാലഞ്ചു കിളികൾ കൂടി പറന്നു പോയി... """ന്ത്‌...🙄🙄 """ ഞാൻ കണ്ണും മിഴിച്ചു അവനെ നോക്കിയതും അവൻ അത് വീണ്ടും പറഞ്ഞു..... """te amo, te casarás conmigo mi amor""" """""ഡോ... താൻ എന്താ വിചാരിച്ചേ... ഏഹ്.. തന്നെ കാണാൻ വല്ല്യ ലുക്ക് ഒന്നും ഇല്ല.. എന്നിട്ടും ഞാൻ നിന്നെ എങ്ങനെ നോക്കിപോയി എന്ന് എന്റെ ഹൃദയത്തിന് മാത്രേ അറിയൂ....

ആ എന്നോട് തന്നെ ഇയാൾ ഏതെങ്കിലും അമറിനെ അറിയോന്ന് ചോദിച്ചാൽ.... സത്യം ആയിട്ടും പത്തിൽ പഠിക്കുമ്പോൾ എന്നെ വന്നു പ്രൊപ്പോസ് ചെയ്ത ആ അമറിനെ ആണ് ഉദ്ദേശിച്ചത് എങ്കിൽ ആള് വേറെ പെണ്ണിനെ കെട്ടി എന്ന് ആണ് ഇപ്പോൾ കിട്ടിയ വാർത്ത... പിന്നെ ഈ അമറിന്റെ മുന്നേ പറഞ്ഞത് ഒക്കെ താൻ തന്റെ മാറ്റവളോട് ചെന്ന് പറഞ്ഞാൽ മതി.....മനുഷ്യന് മനസിലാവാത്ത ഭാഷയിൽ തെറി വിളിക്കുമ്പോൾ അറ്റ്ലീസ്റ്റ് അത് കേൾക്കുന്ന ആൾക്ക് അതിന്റെ എബിസിഡി അറിയോന്ന് എങ്കിലും ആലോചിക്കണം... മനസിലായോടാ കാട്ടുമാക്കാനെ..... എന്നാലും... എന്നോട് തന്നെ... """"""" അത്രേം പറഞ്ഞു ഒന്ന് മൂക്ക് വലിച്ചു കേറ്റി കണ്ണൊക്കെ തുടച്ചു ഞാൻ താഴേക്ക് പോയി.... എന്നാലും ഞാൻ എന്തിനാ ഇത്രേം ഷോ ഇറക്കിയത് എന്നാ എനിക്ക് മനസിലാവാത്തത്... ആഹ് എന്തേലും ആവട്ട് .. സ്വയം പിറുപിറുത് ഒരു കൈ നടുവിന് താങ്ങി കൊണ്ടും മറ്റേ കൈ കൊണ്ട് മാക്കാന്റെ കിസ്സ് കിട്ടിയ ചുണ്ട് തടവിക്കൊണ്ടും ഞാൻ ഏതോ ലോകത്ത് എന്നത് പോലെ നടക്കുമ്പോൾ ആണ് ആരോ ആയി കൂട്ടിമുറ്റിയത്.... _____________ [മാധു]

"""ഇപ്പൊ നിന്റെ പേടി മാറിയോ.... """ കണ്ണിറുക്കി ചിരിച്ചു കൊണ്ട് ആദി പറയുന്നത് കേട്ടതും ഞാൻ ഒന്നും മിണ്ടാതെ എഴുന്നേറ്റു നിന്നു.... അപ്പോൾ തന്നെ അവൻ എഴുന്നേറ്റതും ഞാൻ വേഗം റൂമിലേക്ക് നടന്നു... അവൻ പിറകെ വന്നു എന്റെ കൈ പിടിച്ചു നിർത്തിച്ചതും ഞാൻ അവന്റെ കവിളിൽ ആഞ്ഞടിച്ചതും ഒരുമിച് ആയിരുന്നു.... """ഇപ്പൊ പേടി പോയി.... """ എന്നും പറഞ്ഞു കുറച്ചു വേഗത്തിൽ തന്നെ പുറത്തേക് നടന്നു... റൂമിന് പുറത്ത് എത്തിയതും ഒന്ന് തിരിഞ്ഞ് നോക്കിയപ്പോൾ കാണുന്നത് കവിളിൽ കയ്യും വച്ചു ഇവിടെ ആരാ ഇപ്പൊ പടക്കം പൊട്ടിച്ചത് എന്ന് ചിന്തിച്ചു നിൽക്കുന്ന ആദിയെ ആണ്... അവന് ബോധം വരുന്നത് വരെ ഇവിടെ നിന്നാൽ പിന്നെ എന്റെ കാര്യത്തിൽ വേഗം ഒരു തീരുമാനം ആക്കും എന്ന് അറിയുന്നത് കൊണ്ട് ഞാൻ വേഗം മുന്നോട്ടു നടന്നു.... ചുണ്ടിൽ കൈ കൊണ്ട് പോയതും നീറ്റൽ വന്നു ഞാൻ എരുവ് വലിച്ചു നടന്നതും ഏതിരെ വന്ന ആളും ആയി കൂട്ടി മുട്ടി രണ്ടും താഴെ എത്തി... """നീയോ... """ കല്ലു എന്നെ നോക്കി ചോദിച്ചതും ഞാനും അതേ എക്സ്പ്രഷനിൽ അവളെ നോക്കി... """നിന്റെ ചുണ്ടിൽ എന്താ പറ്റിയെ...

""" ഞാൻ ചോദിക്കുന്നതിന് മുന്നേ അവൾ എന്നോട് ചോദിച്ചതും ഞാൻ അപ്പോൾ തന്നെ ചുണ്ടിൽ ഉണ്ടായ കൈ പിൻവലിച്ചു അവളെ നോക്കി ഒന്ന് ഇളിച്ചു കൊടുത്തു.... അപ്പോൾ തന്നെ അവൾ ബാക്കിലേക്ക് നോക്കിയതും കവിളിൽ കയ്യും വച്ചു ചിന്താവിഷ്ടനായി വരുന്ന ആദിയെ കണ്ടതും അവൾ എന്നെ ആക്കി കൊണ്ട് നോക്കി തലയാട്ടി.... ""അപ്പോൾ നിന്റെ ചുണ്ടിൽ എന്താ... "" ഞാൻ ചോദിച്ചതും അവൾ അപ്പോൾ ഒന്നുല്ല എന്നും പറഞ്ഞു എഴുന്നേറ്റു ഓടാൻ നിന്നതും ഞാൻ കൈ പിടിച്ചു വലിച്ചു അവിടെ തന്നെ ഇരുത്തി... ""പറയൂ മോളൂസേ... """ അപ്പോൾ തന്നെ പെണ്ണ് എല്ലാം വിസ്തരിച്ചു പറഞ്ഞു തന്നു....അത് കേട്ട് ഞാൻ ചിരിച്ചു ചിരിച്ചു ഒരു വഴിക്കായ്... """പിന്നെ ഉണ്ടല്ലോ...അവൻ എന്നെ എനിക്ക് മനസിലാകാത്ത ഭാഷയിൽ തെറി വിളിച്ചു....""" """മനസിലാകാത്ത ഭാഷ ആണെങ്കിൽ പിന്നെ അത് തെറി ആണെന്ന് നിനക്ക് എങ്ങനെ മനസിലായി... """ എന്ന് ഞാൻ ചോദിച്ചതും അവൾ ഒന്ന് ഇളിച്ചു തന്നു... ""ആ മാക്കാൻ അത് പറയുന്ന സ്റ്റൈലും സാഹചര്യവും ഒക്കെ നോക്കുമ്പോൾ തെറി ആവൻ തന്നെയാണ് ചാൻസ്... "" എന്തോ വല്യ സംഭവം കണ്ടെത്തിയ പോലെ അവൾ പറയുന്നത് കേട്ട് ഞാൻ അതിനെ തന്നെ നോക്കി... ""എങ്കിൽ നീ അത് എന്താന്ന് പറയ്.. ഞാൻ കണ്ടു പിടിച്ചു തരാം..."" എന്ന് പറഞ്ഞതും അവൾ എന്നെ നോക്കി പല്ല് കടിച്ചു...

"""അവൻ എന്ത് തേങ്ങയാ പറഞ്ഞത് എന്ന് ഓർത്തു നിൽക്കൽ അല്ലേ എന്റെ പണി... പക്ഷെ അവൻ ഒരു അമറിന്റെ കാര്യം പറഞ്ഞിരുന്നു.... """ ""ഏത് അമർ..."" ""എന്നെ പത്താം ക്ലാസിൽ പ്രൊപ്പോസ് ചെയ്ത അമർ ആണോന്ന് ഞാൻ ചോദിച്ചു... പക്ഷെ അവൻ ഒന്നും പറഞ്ഞില്ല...."" ""ആഹ് എന്തേലും ആവട്ട്... തത്കാലം അത് വിട്ടു നമുക്ക് ബാക്കി കളിക്കാം വാ..""" എന്ന് പറഞ്ഞു ഞാൻ വീണ സ്ഥലത്തു നിന്ന് എഴുന്നേറ്റതും കല്ലു ഞാൻ ഇല്ല എന്നും പറഞ്ഞു ചാടി എഴുന്നേറ്റു.... """ഞാൻ കളി നിർത്തി... എനിക്ക് ഭയങ്കര നടു വേദന.... """ എന്ന് പറഞ്ഞു അവൾ എന്നെ ഒന്ന് നോക്കുന്നത് കണ്ടതും ഞാൻ ഒന്ന് അമർത്തി മൂളി അവളേം കൊണ്ട് താഴേക്ക് പോയി.... ************** ""എല്ലരും കണക്കാണ്... 😤""" അമ്മു ""ഞാൻ മലയാളം ആണ്...😁"" ചെപ്പു ""എന്നാ ഞാൻ ഇംഗ്ലീഷ് 😁"" മാധു ""ഞാൻ തമിഴ്...😁""" കല്ലു """എന്റെ അമ്മൂ... ബാക്കി കളി നമുക്ക് നാളെ കളിക്കാം... നീ ഇങ്ങനെ കിടന്നു കലപില കൂട്ടാതെ... ഇപ്പൊ വന്നു ഫുഡ് കഴിച്ചു കിടന്നു ഉറങ്ങാൻ നോക്ക്.. """ മമ്മ വന്നു പറഞ്ഞതും ചെപ്പുവും മാധുവും കല്ലുവും ഡയിനിങ് ടേബിളിൽ എത്തി... അപ്പോഴാണ് ആദി കവിളിൽ കയ്യും വച്ചു അങ്ങോട്ട്‌ വന്നത്..

. ""എന്താടാ... പല്ല് വേദന ആണോ.... """ മമ്മ ചോദിക്കുന്നത് ഒന്നും അവൻ കേട്ടിട്ട് കൂടി ഇല്ല.... ലുക്ക് ഫുൾ മാധുന്റെ നേരെ ആണ്... എന്നാൽ മാധു അതിനെ ഒന്ന് മൈൻഡ് പോലും ചെയ്യാതെ ഫുഡിൽ കോൺസൻട്രേറ്റ് ചെയ്തു.... """ഡാ... നിന്നോട് ആണ് ചോദിച്ചേ.. "'" പപ്പ അവനെ തട്ടി വിളിച്ചതും അവൻ ഞെട്ടി കൊണ്ട് അവരെ നോക്കി എന്താന്ന് ചോദിച്ചു.... """അത് തന്നെയാ നിന്നോടും ചോദിച്ചേ... എന്താ പറ്റിയത് """ പപ്പ ചോദിക്കുന്നത് കേട്ട് ആദി പരുങ്ങാൻ തുടങ്ങി.... """ഒന്നുല്ല... "" അത്രേം പറഞ്ഞു അവൻ മാധുന് നേരെ ഓപ്പോസിറ്റ് പോയി ഇരുന്നു... കല്ലു ആണെങ്കിൽ വായപൊത്തി പിടിച്ചു ചിരിക്കുന്നുണ്ട്... അത് കണ്ടപ്പോഴേ അവിടെ നടന്നത് ഒക്കെ വള്ളി പുള്ളി വിടാതെ കല്ലുന് ഓതികൊടുത്തിട്ടുണ്ടെന്ന് ആദിക്ക് മനസിലായി.... അവളെ നോക്കി ഒന്ന് ഇളിച്ചു കൊടുത്തു അവൻ അമ്മുന്റെ നേരെ തിരിഞ്ഞു.... """നീ എന്തിനാ അമ്മു മുഖവും വീർപ്പിച്ചു ഇരിക്കുന്നെ.... വന്നു ഫുഡ് കഴിക്ക്... """ """എനിക്ക് വേണ്ട.... """ അമ്മു കലിപ്പ് ആയതും അവൻ അവളെ നോക്കി കണ്ണുരുട്ടി കാണിച്ചു.. """നിനക്ക് വേണ്ടെങ്കിൽ നിന്റെ ചിക്കൻ ഫ്രൈ ഞാൻ എടുത്തു... ""' എന്നും പറഞ്ഞു ചെപ്പു പാത്രത്തിൽ കയ്യിടാൻ പോയതും അമ്മു ഓടി വന്നു അവന്റെ തലമണ്ട നോക്കി ഒന്ന് കൊടുത്തു.....

"""കൊല്ലും ഞാൻ....""" ചെപ്പുനെ നോക്കി പേടിപ്പിച്ചു കൊണ്ട് അവൾ ഭക്ഷണം കഴിക്കാൻ തുടങ്ങി... """ആദി... നീ നാളെ എന്റെ കൂടെ ഓഫീസിലേക്ക് വരണം...കേട്ടല്ലോ... "" ഭക്ഷണം കഴിക്കുന്നതിന്റെ ഇടയിൽ പപ്പ പറഞ്ഞത് കേട്ടതും അവൻ ഒന്ന് ഞെട്ടി... """അത് പപ്പാ... """ """എസ്ക്യൂസ് ഒന്നും പറയാൻ നിൽക്കണ്ട... പറഞ്ഞത് അങ്ങ് കേട്ടാൽ മതി.... """ പപ്പ തീർത്തു പറഞ്ഞതും അവൻ ചെപ്പു നെ നോക്കി... ചെപ്പു ഇളിക്കുന്നത് കണ്ടപ്പോൾ തന്നെ ആദി അവനെ നോക്കി ഇളിച്ചു കൊണ്ട് ഒന്ന് തലയാട്ടി കാണിച്ചു.... ""പപ്പാ... എന്റെ കൂടെ ചെപ്പുവും വരും.."" അവനെ നോക്കി ഇളിച്ചു കൊണ്ട് ആദി പറഞ്ഞതും ചെപ്പു ആദിനെ നോക്കി പല്ല് കടിച്ചു... """എടാ മഹാപാപി... "" ചെപ്പു വിളിക്കുന്നത് കേട്ടതും ആദി """എന്തോ... "" എന്നും പറഞ്ഞു ഫുഡ് കഴിച്ചു... """"അത് ശെരിയാ.... ഞാൻ അത് അങ്ങോട്ട്‌ പറയാൻ നിൽക്കുകയാണ്.... ചെപ്പു... നീയും കൂടെ ഇവന്റെ കൂടെ പോയിക്കോ... """" പപ്പ പറഞ്ഞത് കേട്ട് ചെപ്പു ബബബ പറയാൻ തുടങ്ങി.. """അത് അങ്കിൾ.... നാളെ എനിക്ക് ഓഫീസിൽ പോകാൻ പറ്റില്ല... """" ചെപ്പു പറയുന്നത് കേട്ടതും എല്ലാരും ചെപ്പുന്റെ മേലേക്ക് ലുക്ക് വിട്ടു... ""അത് എന്താ നിനക്ക് നാളെ ഓഫീസിൽ പോകാൻ പറ്റാത്തത്... """

പപ്പ കടുപ്പിച്ചു ചോദിക്കുന്നത് കേട്ടതും അവൻ ഒന്ന് പല്ലിളിച്ചു കാണിച്ചു... """"അത് അങ്കിൾ.... എനിക്ക്.... എനിക്ക്... വീട്ടിൽ പോണം...എന്റെ പപ്പയും അമ്മയും എന്നെ കണ്ടിട്ട് എത്ര നാൾ ആയി... അതുകൊണ്ട് ഞാൻ നാളെ അങ്ങോട്ട്‌ പോകാൻ തീരുമാനിച്ചിരിക്കുകയാണ്..... """' """ഓഹോ... എന്നിട്ട് നീ ഇത് അവരോട് പറഞ്ഞോ..."" മമ്മ """ആഹ്... ഞാൻ ഇപ്പൊ കാൾ ചെയ്തു വച്ചതെ ഉള്ളൂ.... അമ്മ എന്നോട് വേഗം അങ്ങോട്ട് പോകാൻ പറഞ്ഞിരിക്കുകയാ.... """ ചെപ്പു ""ഓഹോഹോ... എന്നാലേ എന്റെ ചെപ്പു നാളെ രാവിലെ തന്നെ ഇവന്റെ കൂടെ ഓഫീസിൽ പോയിരിക്കണം... മനസിലായല്ലോ....""" പപ്പ ""അങ്കിൾ... അപ്പൊ എന്റെ പപ്പ... അമ്മ...എനിക്ക് അവരെ കാണണം""" ചെപ്പു കൊച്ചു കുട്ടികളെ പോലെ ചിണുങ്ങാൻ തുടങ്ങിയതും പപ്പ എഴുന്നേറ്റു ഫോൺ എടുത്തു അവന് കാണിച്ചു കൊടുത്തു... ""നിന്റെ പപ്പയും അമ്മയും ഇപ്പൊ എവിടെയാ ഉള്ളത് എന്ന് കാണ് ആദ്യം... എന്നിട്ട് നീ അവരെ കാണാൻ പോക്.. "" പപ്പയുടെ ഫോണിലേക്ക് നോക്കിയ ചെപ്പു ഞെട്ടി തരിച്ചു എഴുന്നേറ്റു നിന്നു... """എന്നാലും എന്നോട് ഈ ചതി വേണ്ടായിരുന്നു.... """ ഫോണിലേക്ക് നോക്കി പിറുപിറുക്കുന്ന ചെപ്പുന്റെ അടുത്തേക്ക് അമ്മുവും കല്ലുവും മാധുവും ആദിയും വന്നു... ഫോണിൽ നോക്കിയ അവർ കണ്ടത് ലണ്ടനിൽ നിന്നും ഉള്ള ചെപ്പുന്റെ പപ്പയുടെയും അമ്മയുടെയും പിക് ആണ്.... അത് കണ്ടതും ആകാംക്ഷയോടെ നോക്കി നിന്ന എല്ലാരും ചിരിക്കാൻ തുടങ്ങി... പ്യാവം ചെപ്പു...😂 അങ്ങനെ ഫുഡ് അടി ഒക്കെ കഴിഞ്ഞു കല്ലു ആഷിന്റെ ഫുഡും ആയി റൂമിലേക്ക് വിട്ടു...........തുടരും...... 

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...