🔥 ചെകുത്താൻ 🔥 : ഭാഗം 12

രചന: ആമി

പെട്ടെന്നാണ് അവള് എന്റെ ഷോൾഡറിൽ മുറുക്കെ പിടിച്ചത് . ഞാൻ ഞെട്ടിത്തിരിഞ്ഞ് നോക്കിയതും അവളുടെ നിറഞ്ഞ കണ്ണുകളാണ് ഞാൻ കണ്ടത് . അത് കണ്ടപ്പോ എന്റെ ചങ്കിൽ നിന്ന് ചോര വരുന്ന പോലെ തോന്നി എനിക്ക് . അവളുടെ കണ്ണുനീര് തുടക്കാനായി കെെ ഉയർത്തിയതും അത് അങ്ങനെ തന്നെ താഴ്ത്തിയിട്ട് അവളെ നോക്കി “ ശ്രീ ... യേ .. ട്ടാ .. ” അവള് വിതുമ്പിക്കൊണ്ട് വിക്കി വിക്കി വിളിച്ചു “ മ്മ് പറ ” ഞാൻ കുറച്ച് ഗൗരവത്തിൽ തന്നെ പറഞ്ഞു “ ഏട്ടാ ,,, എനിക്ക് ... ഏട്ടനെ ” “ ആഹ് ,,, എന്നെ ... ” ഞാൻ കാല് സീറ്റിൽ കയറ്റി വച്ച് അവളുടെ നേരെ തിരിഞ്ഞിരുന്നു കൊണ്ട് ചോദിച്ചു “ എനിക്ക് ... ” അവളിരുന്ന് വിതുമ്പുവാണ് അവളെ ഒന്ന് ചേർത്ത് പിടിക്കണം ,,, കണ്ണുനീര് തുടച്ച് കൊടുക്കണം എന്നൊക്കെ ആഗ്രഹം ഇല്ലാഞ്ഞിട്ടല്ല ... അവൾക്കെന്നോടുള്ള ഇഷ്ടം അവളായിട്ട് തന്നെ പറഞ്ഞിട്ട് മതി എന്ന് വിചാരിച്ച് കണ്ട്രോള് ചെയ്ത് ഇരിക്കണതാണ് . പക്ഷേ ഈ കോപ്പ് പറയണതുമില്ല 😬😬 “ പറ അഹാന ” ഞാൻ കുറച്ച് മയത്തില് പറഞ്ഞു “ എനിക്ക് ഏട്ടനെ ... ഇഷ്ടാണ് ഏട്ടാ ” അവള് തേങ്ങിക്കൊണ്ട് കണ്ണടച്ച് പിടിച്ച് പറഞ്ഞു പിന്നെ ഞാനൊന്നും നോക്കിയില്ല ,,, അവളുടെ കെെ പിടിച്ച് വലിച്ച് അവളെ എന്റെ നെഞ്ചിലേക്കിട്ടു 😍

അവളെന്നെ ഇറുകെ കെട്ടിപ്പിടിച്ച് കരഞ്ഞു കൊണ്ടിരുന്നു ഞാൻ പതിയെ അവളുടെ മുഖം എന്റെ നെഞ്ചിൽ നിന്നടർത്തി മാറ്റി എന്റെ കെെക്കുമ്പിളിൽ കോരിയെടുത്തു . കണ്ണും മുഖവുമൊക്കെ ആകെ ചുമന്ന് വന്നിട്ടുണ്ട് ,, കരഞ്ഞതു കൊണ്ട് . ഞാൻ രണ്ട് കയ്യിലേയും തള്ളവിരല് കൊണ്ട് അവളുടെ രണ്ട് കണ്ണിലേയും കണ്ണുനീര് തുടച്ചു കൊടുത്തു . അവള് വിശ്വാസം വരാത്ത പോലെ എന്നെ നോക്കി . ഞാനൊന്ന് സെെറ്റടിച്ചു കാണിച്ചിട്ട് അവളെ എന്റെ നെഞ്ചിലേക്ക് തന്നെ കിടത്തി . അവള് ഉടുമ്പിനെ പോലെ അള്ളിപ്പിടിച്ചിരിക്കാണ് എന്റെ കോട്ടില് 😍😍 “ എന്തിനാ ... എന്തി .. നാ .. വെ .. റുതെ ... എന്നെ ” അവള് തേങ്ങിക്കരഞ്ഞു കൊണ്ട് ചോദിക്കാണ് എന്തിനാ അവളെ പറ്റിച്ചത് എന്നായിരിക്കും ചോദ്യം . “ നിന്റെ നാവിൽ നിന്ന് തന്നെ അറിയാനൊരു ആഗ്രഹം .. അതുകൊണ്ട് ” ഞാൻ അവളെ ഒന്നുകൂടി എന്നിലേക്ക് ചേർത്ത് പിടിച്ചു കൊണ്ട് പറഞ്ഞു “ ഏട്ടൻ എങ്ങ ... നെയാ ... അ .. അറിഞ്ഞെ ” “ ഇന്നലെ ഞാൻ നിന്റെ റൂമിലാ കിടന്നെ ” ഞാനത് പറഞ്ഞതും അവള് എന്റെ കോട്ടിലുള്ള പിടുത്തം ഒന്നുകൂടി മുറുക്കി ,,, വെറുതെ മനുഷ്യന്റെ കണ്ട്രോള് കളയാനായിട്ട് 😬😉 “ വീട്ടിലേക്ക് പോയാലോ ” ഞാൻ ചോദിച്ചു “ വേണ്ട ” അവള് ചിണുങ്ങിക്കൊണ്ട് പറഞ്ഞു “ പിന്നെ ?? ”

ഞാൻ ഒരു കള്ളച്ചിരി പാസാക്കിക്കൊണ്ട് ചോദിച്ചു “ ബീച്ചില് പോകാം ” അവള് പറയുന്നത് കേട്ടപ്പോ സത്യായിട്ടും അവൾക്ക് ഒരുമ്മ കൊടുക്കാൻ തോന്നി . പിന്നെ റിസ്ക് എടുക്കാൻ നിന്നില്ല 😂😉 “ ആഹ് പോകാം ” ഞാൻ സമ്മതിച്ചു അവള് വേഗം തന്നെ എന്റെ മേലെ നിന്ന് എഴുന്നേറ്റ് ഡ്രസ്സ് ഒക്കെ നേരെയാക്കി കണ്ണൊക്കെ തുടച്ച് നല്ല കുട്ടിയായി ഇരുന്നു ... കാറ് നേരെ ചെറായി ബീച്ച് ലക്ഷ്യം വച്ച് നീങ്ങി .... ✨✨✨✨✨✨✨✨✨✨✨✨✨✨✨✨ [ ആദി ] കുട്ടൻ അവളെയും കൊണ്ട് പോയതിനു പിന്നാലെ ഞാൻ എന്റെ ക്യാബിനിലേക്ക് പോയി .. ഡോർ തുറന്ന് അകത്ത് കടന്നപ്പോൾ ആ നീർക്കോലി അവളുടെ ക്യാബിനിൽ ഇരുന്ന് ഫോണിൽ കളിക്കാണ് . ചെറിയൊരു പണി കൊടുത്താലോ എന്ന് കരുതി ഞാൻ കോട്ട് ശരിയാക്കിക്കൊണ്ട് എന്റെ ചെയറിൽ കയറി ഇരുന്നിട്ട് ആ ബട്ടൺ പ്രസ്സ് ചെയ്തു ,, മറ്റേ അവളുടെ ക്യാബിനിലേക്കുള്ള സെെറൺ അത് കേട്ടതും അവള് ചാടിപ്പിടഞ്ഞ് എഴുന്നേറ്റ് ഡോർ തുറന്ന് എന്റെ അടുത്തേക്ക് വന്നു . “ എന്താ സാർ വിളിച്ചെ ” അവള് വളരെ ബഹുമാനത്തോടെ ചോദിക്കുന്നത് കേട്ടപ്പോ ഞാനവളെ അടിമുടിയൊന്ന് നോക്കി ,, ആള് മാറിയോന്ന് . ഏയ് ,, ഇല്ലല്ലോ ,, ഇതാ നീർക്കോലി തന്നെയാണല്ലോ 😇 ഇവക്കിതെന്തു പറ്റി ,,

ഇത്ര പെട്ടെന്ന് ഒരു ബഹുമാനമൊക്കെ “ എന്താ സാർ ” അവള് പിന്നെയും ചോദിക്കുന്നത് കേട്ടപ്പോഴാണ് ഞാൻ സ്വബോധത്തിലേക്ക് വന്നത് ഞാൻ വേഗം തന്നെ അവളിൽ നിന്ന് നോട്ടം തെറ്റിച്ചു കൊണ്ട് ടേബിളിൽ ഇരുന്ന ഒരു ഫയൽ എടുത്ത് അവളുടെ കയ്യിൽ കൊടുത്തു അവള് അതും കയ്യില് പിടിച്ച് തിരിച്ചും മറിച്ചും നോക്കിയിട്ട് എന്നെ ഒന്ന് നോക്കി “ ഇന്ന് രാത്രി ഒമ്പത് മണിക്കുള്ളിൽ ഇത് ടെെപ്പ് ചെയ്ത് എനിക്ക് മെയിൽ ചെയ്തിരിക്കണം ” ഞാനത് പറഞ്ഞതും അവളുടെ മുഖത്തെ ആ ബഹുമാനമൊക്കെ ഇന്ത്യാ മഹാരാജ്യം തന്നെ വിട്ടു പോയി എന്നെ തുറിച്ച് നോക്കാണ് “ പറ്റില്ല എന്നുണ്ടെങ്കിൽ ഇപ്പോ തന്നെ പറയാം ” അവള് സെെൻ ചെയ്ത് തന്ന ആ എഗ്രിമെന്റ് പേപ്പർ കയ്യിലെടുത്ത് പിടിച്ചു കൊണ്ട് ഞാൻ പറഞ്ഞു അവളൊന്നും മിണ്ടാതെ ചവിട്ടിത്തുള്ളി ആ ഫയലും കൊണ്ട് അകത്തേക്ക് പോയി 😂😂 ‘ മോളേ ഇഷാന ,,, നീ സ്വയം ഈ കമ്പനിയിൽ നിന്ന് പോകണം . അതിന് എവിടം വരെ പോകാനാണെങ്കിലും ഈ ആദവ് റെഡിയാണ് 😎 ’ ഞാനൊന്ന് കോട്ടിച്ചിരിച്ചു കൊണ്ട് അവളെ നോക്കി ... ഇപ്പോഴേ ടെെപ്പിംങ് തുടങ്ങി ,, പ്യാവം 😇 പെട്ടെന്നാണ് എനിക്ക് കുട്ടന്റെയും അഹാനയുടെയും കാര്യം ഓർമ്മ വന്നത് . ഞാൻ വേഗം തന്നെ ഫോൺ എടുത്ത് കുട്ടന്റെ നമ്പർ ഡയല് ചെയ്തു .

ഫസ്റ്റ് റിംഗിൽ തന്നെ കോൾ അറ്റൻഡ് ആയി “ എന്തായി കുട്ടാ ” അവൻ കോൾ അറ്റൻഡ് ചെയ്ത ഉടനെ തന്നെ ഞാൻ ചോദിച്ചു “ ഓൾ സെറ്റ് മച്ചാ 👍 ” അവൻ വളരെ സന്തോഷത്തോടു കൂടി പറഞ്ഞു “ ഓ.കെ ... എൻജോയ് ,,, ക്യാച്ച് യു ലേറ്റർ ” അവൻ എന്തെങ്കിലും മറുപടി പറയുന്നതിന് മുൻപായി തന്നെ ഞാൻ കോൾ കട്ട് ചെയ്ത് ഫോൺ ടേബിളിൽ വച്ചു ഞാൻ എന്റെ ചെയറിൽ ഇരുന്ന് കറങ്ങിക്കൊണ്ട് ആ നീർക്കോലിയെ തന്നെ നോക്കിയിരുന്നു .... പെട്ടെന്ന് എന്റെ മനസ്സിലേക്ക് ദേവൂട്ടി കടന്നു വന്നു ഞാൻ ചെയറിൽ ചാഞ്ഞിരുന്നു ,,, എന്റെ കണ്ണുകൾ പതിയെ അടഞ്ഞു ... ഓർമ്മകൾ വർഷങ്ങൾ പുറകിലേക്ക് സഞ്ചരിച്ചു .... 🔸🔸🔸🔸🔸🔸🔸🔸🔸🔸🔸🔸🔸🔸🔸🔸 🔹🔹🔹🔹🔹🔹🔹🔹🔹🔹🔹🔹🔹🔹🔹🔹 ശ്രീനന്ദനം തറവാട് ,, എന്റെ അമ്മയുടെ വീട് .. അച്ഛമ്മക്കും അച്ഛച്ഛനും മൂന്ന് മക്കൾ ,, രണ്ട് പെണ്ണും ഒരാണും . അതിൽ മൂത്തത് എന്റമ്മ ,, ദേവകി . രണ്ടാമത്തേത് കുട്ടന്റെ അമ്മ ,, ദേവനന്ദ . ഇളയത് അവരുടെ രണ്ട് പേരുടെയും അനിയൻ ,, ദേവദത്ത് . വർഷത്തിലൊരിക്കൽ എല്ലാവരും കൂടി തറവാട്ടിൽ ഒത്തു ചേരണമെന്നത് അച്ഛമ്മക്ക് നിർബന്ധമുള്ള കാര്യമായിരുന്നു . അതുകൊണ്ട് തന്നെ എല്ലാവരും ആയി ഒരു നല്ല ബന്ധം തന്നെ ഉണ്ടായിരുന്നു അമ്മക്കും അച്ഛനും .

എന്റെ ഓർമ്മ ശരിയാണെങ്കില് എനിക്ക് മൂന്ന് വയസ്സ് ഉള്ളപ്പോഴായിരുന്നു മാമന്റെ മാരേജ് . അന്ന് ഞങ്ങള് മൂന്ന് പേരൊള്ളൂ ,, ഞാനും അരവിന്ദ് ഏട്ടനും ആദർശ് ഏട്ടനും ,, അഹാന ഇല്ല . കൃത്യം ഒരു വർഷം കഴിഞ്ഞപ്പോൾ ഞങ്ങളുടെ ഫാമിലിയിലേക്ക് ഒരു പുതിയ അതിഥി കൂടി വന്നു . ദേവിക ,,, ദേവദത്ത് മാമന്റെയും ഭദ്ര ചിറ്റയുടെയും മകളായ അവൾ എല്ലാവർക്കും ദേവി ആയിരുന്നു ,, എനിക്കൊഴികെ . എനിക്കവൾ ദേവൂട്ടി ആയിരുന്നു അവള് ജനിച്ച അന്ന് മുതല് കേട്ടിരുന്ന ഒരു കാര്യമാണ് ദേവി ആദിക്കുള്ളതാണെന്ന് . ഒരു നാല് വയസ്സുകാരൻ പയ്യന് അതൊന്നും മനസ്സിലാക്കാനുള്ള പ്രയം ഉണ്ടാകില്ല എന്നുള്ളത് നേര് തന്നെയാണ് . പക്ഷേ വർഷങ്ങൾക്ക് ശേഷവും അതേ കാര്യം തന്നെ എല്ലാവരാലും ആവർത്തിക്കപ്പെടുമ്പോൾ അവന്റെ മനസ്സിനും ഒരു ചാഞ്ചാട്ടം ഉണ്ടാകും . അത് തന്നെയാണ് എനിക്കും സംഭവിച്ചത് . പതിയെപ്പതിയെ അവളെന്റെ മനസ്സിൽ കയറിപ്പറ്റി അവളേക്കാൾ ഒരു വയസ്സിന് ഇളയതായിരുന്നു എന്റെ അഹാന . അഹാനയും അവളും ബെസ്റ്റ് ഫ്രണ്ട്സായിരുന്നു . മിക്കപ്പോഴും അവള് വാശി പിടിച്ച് ഞങ്ങളുടെ വീട്ടിൽ നിൽക്കുമായിരുന്നു . അത് അഹാനയെ കാണാനല്ല ,, എന്നെ കാണാനായിരുന്നു

ക്ഷേത്രത്തിലും ആൽമരത്തണലിലും പാടവരമ്പത്തും അമ്പലക്കുളത്തിലും ഒക്കെയായി ഞങ്ങളുടെ പ്രണയം വളർന്നു . നാട് മുഴുവൻ അറിഞ്ഞു ,, ഞങ്ങൾ തമ്മിൽ ഇഷ്ടത്തിലാണെന്ന കാര്യം . വീട്ടിൽ ഇത്തിരി പോലും എതിർപ്പില്ലാതിരുന്നതിനാൽ ഞങ്ങൾ ഞങ്ങളുടെ പ്രണയകാലം ശരിക്കും ആസ്വദിച്ചു ഈ കലിപ്പന്റെ പെണ്ണാണ് ദേവൂട്ടി എന്ന് എന്റെ നാട്ടിലെയും അതുപോലെ തന്നെ അവളുടെ നാട്ടിലെയും ഓരോ പുൽക്കൊടിക്ക് പോലും അറിയാമായിരുന്നു . അതുകൊണ്ട് തന്നെ അവളുടെ പുറകെ നടക്കാനോ പ്രേമിക്കാനോ ഒറ്റ ഒരുത്തനും മുതിർന്നിരുന്നില്ല . ഞങ്ങളുടെ പ്രണയം കൂടുതലും കണ്ടറിഞ്ഞത് കുട്ടനായിരുന്നു ❤ വർഷങ്ങൾ കടന്നു പോയി .... ഞാൻ പ്ലസ് ടു കഴിഞ്ഞ് കമ്പനിയിൽ കയറി ... അവള് അപ്പോ സ്കൂളില് പഠിക്കായിരുന്നു പിന്നെയും വർഷങ്ങൾ ആരെയും തിരിഞ്ഞു നോക്കാതെ കടന്നു പൊയ്ക്കൊണ്ടിരുന്നു .... അവള് ഡിഗ്രി ആയി ,,, ആലുവ UNION CHRISTIAN COLLEGE ല് . ഒരു ദിവസം ക്ലാസ് കഴിഞ്ഞ് ഞാൻ വിളിക്കാൻ ചെല്ലാം ,, അവളോട് കോളേജിൽ വെയിറ്റ് ചെയ്യാൻ പറഞ്ഞു . ഞാൻ കുറച്ച് ബിസിയായിപ്പോയ കാരണം ചെല്ലാൻ കഴിഞ്ഞില്ല ,,, വിളിച്ചു പറയാനും പറ്റിയില്ല . അത്രക്ക് ഇംപോർട്ടന്റ് ആയിട്ടുള്ള ഒരു മീറ്റിംഗ് ആയിരുന്നു ഉള്ളില് ഉരുകിയാണ് മീറ്റിംഗ് അറ്റൻഡ് ചെയ്തത് . മീറ്റിംഗ് കഴിഞ്ഞ ഉടനെ തന്നെ പുറത്തിറങ്ങി അവളെ വിളിച്ചെങ്കിലും നിരാശയായിരുന്നു ഫലം ,, അവളുടെ ഫോൺ സ്വിച്ച്ട് ഓഫ് ആയിരുന്നു .

ഞാൻ വേഗം തന്നെ ചിറ്റയെ വിളിച്ച് അവളെത്തിയോ എന്നന്വേഷിച്ചു . അവളെന്നെയും കാത്ത് കോളേജിൽ നിൽക്കുകയാണെന്ന് കുറെ മുന്നേ ചിറ്റയെ വിളിച്ച് പറഞ്ഞിരുന്നത്രെ . പിന്നെ ഞാൻ മുന്നും പിന്നും നോക്കാതെ കാറും എടുത്ത് അവൾടെ കോളേജ് ലക്ഷ്യമാക്കി പോയി കോളേജിനു മുന്നിലെത്തിയപ്പോൾ കോളേജ് ഗേറ്റ് അടച്ചു പൂട്ടിയിരുന്നു . അവിടെ ഉണ്ടായിരുന്ന സെക്യൂരിറ്റി ചേട്ടനോട് അവളെക്കുറിച്ച് അന്വേഷിച്ചു ,, അവള് ഒരിത്തിരി മുന്നേ പോയി എന്നാണ് ആള് പറഞ്ഞത് . ഞാൻ പിന്നെ അധികം ആലോചിച്ച് നിൽക്കാതെ ബസ് സ്റ്റോപ്പിലേക്ക് ചെന്നു . കോളേജിന് മുന്നിൽ തന്നെയാണ് ബസ് സ്റ്റോപ്പ് . പക്ഷേ സ്റ്റോപ്പിൽ അവളെയെന്നല്ല ,, ഒറ്റ കുട്ടികളെ പോലും എനിക്ക് കാണാൻ സാധിച്ചില്ല ഞാൻ വേഗം തന്നെ കുട്ടനെ വിളിച്ച് ഒന്ന് അന്വേഷിക്കാൻ പറഞ്ഞു . എന്നിട്ട് ഞാൻ വീട്ടിലേക്കുള്ള വഴിയിലൂടെ പോയിനോക്കി പകുതി വഴിയെത്തിയപ്പോഴാണ് ഒരു ആൾക്കൂട്ടം കണ്ടത് ... മനസ്സിലേക്ക് ഓടിവന്ന് വേണ്ടാത്ത ചിന്തകളെയൊക്കെ ആട്ടിപ്പായിച്ചു കൊണ്ട് ഞാൻ കാർ സെെഡാക്കി ഇറങ്ങി ആ ആൾക്കൂട്ടത്തിനടുത്തേക്ക് ചെന്നു “ എന്താ ചേട്ടാ ഇവിടെ ” അവിടെ കൂടിനിന്നിരുന്ന ഒരാളോട് ഞാൻ ചോദിച്ചു “ ആക്സിഡന്റാണ് ,,, പാവം ഒരു ചെറിയ പെൺകൊച്ചാണ് ”

അയാളുടെ വാക്കുകൾ എന്റെ കാതിൽ തുളഞ്ഞുകയറി ഞാൻ അവിടെ കൂടിനിന്നിരുന്ന എല്ലാവരെയും തള്ളിമാറ്റി ഏറ്റവും മുൻപിലേക്കെത്തി ... ചോരയിൽ കുളിച്ച് കിടക്കുന്ന ആ പെൺകുട്ടിക്ക് എന്റെ ദേവൂട്ടിയുടെ അതേ ഛായ ഉണ്ടായിരുന്നു . ഞാൻ അവളുടെ കയ്യിലേക്ക് നോക്കി ,,, അവളുടെ കഴിഞ്ഞ ബെർത്ത്ഡേക്ക് ഞാൻ വാങ്ങിച്ച് കൊടുത്ത പച്ചനിറത്തിലുള്ള കുപ്പിവളകൾ കണ്ടതും എന്റെ സകലനിയന്ത്രണവും വിട്ട് ഞാൻ പൊട്ടിക്കരഞ്ഞു “ ദേവൂട്ടീീീീ ... ” ഞാൻ നിലത്ത് മുട്ടുകുത്തിയിരുന്ന് അലറിക്കരഞ്ഞു ആരുടെയോ കരസ്പർശം അറിഞ്ഞ് തിരിഞ്ഞു നോക്കിയപ്പോൾ കുട്ടൻ .. “ എടാ ,, ഹോസ്പിറ്റലിൽ കൊണ്ടുപോകാം ” അവൻ ശാന്തമായി പറയുന്നത് കേട്ടപ്പോഴാണ് ഞാനും ആ കാര്യം ഓർത്തത് തന്നെ . അവളെ എന്റെ കെെകളിൽ കോരിയെടുത്ത് കാറിൽ കയറ്റി കിടത്തി ,, ഞാനും കയറി . കുട്ടനാണ് ഡ്രെെവ് ചെയ്തത് ഹോസ്പിറ്റലിലെത്തി നേരെ ഐ.സി.യുവിലേക്ക് കയറ്റി . മിനിറ്റുകൾ കഴിഞ്ഞതും ഡോക്ടർ പുറത്തേക്ക് വന്നു “ ഡോക്ടർ ,,, ദേവൂട്ടി ” ഞാൻ ഡോക്ടറുടെ അടുത്തേക്ക് നടന്നു കൊണ്ട് ചോദിച്ചു “ സോറി ,,, ഷീ ഈസ് നോ മോർ ” തല താഴ്ത്തിപ്പിടിച്ച് ഡോക്ടർ ആ പറഞ്ഞ വാക്കുകൾ ചങ്കില് കത്തി കുത്തിക്കയറ്റുന്ന പോലെ തോന്നി . ഞാൻ ചുമരിൽ ചാരി താഴേക്ക് ഊർന്നിറങ്ങി നിലത്തിരുന്നു “ ആദീ വാ എഴുന്നേൽക്ക് ” കുട്ടൻ എന്നെ പിടിച്ചെഴുന്നേൽപ്പിച്ചു . പിന്നീടങ്ങോട്ട് എല്ലാം യാന്ത്രികമായിരുന്നു ....

അതിനിടയിൽ വിവരം അറിഞ്ഞ് ഓരോരുത്തരായി എത്തിത്തുടങ്ങി . മാമൻ വന്നു ,, ചിറ്റയെ കൊണ്ടുവന്നില്ല . ആംബുലൻസിൽ കയറ്റി അവളെ തറവാട്ടുവീട്ടിലേക്ക് കൊണ്ടുപോയി . പുറകെ എന്റെ കാറിൽ ഞാനും കുട്ടനും . തറവാട്ടിലെ മുൻവശത്ത് അവളുടെ വെള്ളപുതപ്പിച്ച ശരീരം കിടത്തി . ആരൊക്കെയോ കരയുന്നു ,, ആരോ രാമായണം വായിക്കുന്നു ... എനിക്കതൊന്നും കാണാനുള്ള ശേഷിയില്ലാത്തതിനാൽ ഞാൻ പുറത്തേക്ക് ഇറങ്ങിപ്പോയി “ എടാ ,, ബോഡി ഇപ്പോ എടുക്കും .. നീ കാണുന്നില്ലേ ” കുട്ടൻ എന്റെ ഷോൾഡറിൽ കെെ വച്ചു കൊണ്ട് ചോദിച്ചു ഞാൻ അവനൊരുത്തരം നൽകാതെ നടന്നു .. അവളുടെ അടുത്തെത്തി അവളെ കാണാനായി മുഖത്ത് മൂടിയിരുന്ന തുണി മാറ്റാൻ തുടങ്ങിയതും അവിടെയാകെ ഒരു ആക്രോശം ഉയർന്നു കേട്ടു “ കാണരുതവളെ !! ” എല്ലാവരും ആ ശബ്ദത്തിനുടമയെ നോക്കി ,, ചിറ്റ “ നീയാണവളെ കൊണ്ടുപോയി കൊന്നത് .. പിന്നെയും കാണാൻ വന്നതെന്തിനാടാ നീ ... പാവമല്ലേരുന്നൂടാ അവള് .. നിന്നെ അവൾക്ക് ഒരുപാട് ഇഷ്ടം ആയിരുന്നില്ലേ ,, എന്നിട്ടും എന്തിനാടാ നീ എന്റെ കുഞ്ഞിനെ കൊണ്ടുപോയി കൊലക്ക് കൊടുത്തത് ” ചിറ്റ കരഞ്ഞു കൊണ്ട് ചോദിക്കുന്നത് കേട്ട് എല്ലാവരുടെയും നോട്ടം എന്നിലേക്കായി ഞാൻ അവളെ കാണാതെ തിരിച്ച് നടന്നു ... കണ്ണുനീര് കൊണ്ട് ഒന്നും വ്യക്തമാകുന്നുണ്ടായിരുന്നില്ല ... കാറെടുത്ത് എങ്ങോട്ടെന്നില്ലാതെ ഓടിച്ച് പോയി .. പിന്നീട് ഒരിക്കൽ പോലും ഞാൻ തറവാട്ടിലേക്ക് പോയിട്ടില്ല ,,

ഇപ്പോ നാല് വർഷം ആയി എല്ലാം കഴിഞ്ഞിട്ട് . പക്ഷേ എന്റെ മനസ്സിൽ നിന്ന് അതൊന്നും ഒരിക്കലും മാഞ്ഞ്പോകില്ല . അതിന് ശേഷം പല തവണ ചിറ്റ എന്നോട് സംസാരിക്കാൻ ശ്രമിച്ചിട്ടുണ്ടെങ്കിലും ഞാൻ അത് കേൾക്കാൻ പോലും കൂട്ടാക്കിയിരുന്നില്ല , മനസ്സ് മുഴുവൻ അന്ന് ചിറ്റ പറഞ്ഞ ആ വാക്കുകൾ ആയിരുന്നു എല്ലാം മറക്കാൻ വേണ്ടിയാണ് സിഗരറ്റ് വലി തുടങ്ങിയത് . കുട്ടൻ ഒരുപാട് തടഞ്ഞതാണ് ,, പക്ഷേ ഞാൻ അതൊന്നും ചെവിക്കൊണ്ടില്ല . എനിക്കെന്റെ സമാധാനം മാത്രമായിരുന്നു ആവശ്യം . കുട്ടൻ പറഞ്ഞത് ഞാൻ അനുസരിക്കാതിരുന്നത് കൊണ്ടാകാം എന്നോടുള്ള വാശിക്കെന്ന പോലെ അവനും സിഗരറ്റ് വലിക്കാൻ തുടങ്ങി . അതെനിക്ക് ഷോക്കിന് മേൽ ഷോക്കായി . അതുകൊണ്ട് കുട്ടന് വേണ്ടിയെങ്കിലും വലി നിർത്താമെന്ന് ഞാൻ കരുതിയെങ്കിലും അവിടെയും ഞാൻ തോറ്റുപോയി ,, എനിക്കതിന് കഴിഞ്ഞില്ല ... അറിയാതെയാണെങ്കിലും രണ്ട് പേരുടെ ജീവിതം ഞാൻ കാരണം നശിച്ചു എന്നോർക്കുമ്പോൾ മരിച്ചാൽ മതിയെന്ന് വരെ തോന്നിപ്പോകാറുണ്ട് . പക്ഷേ അതിനും കഴിയുന്നില്ല .. അതുകൊണ്ട് തന്നെ ഇങ്ങനെയൊക്കെ അങ്ങ് ജീവിക്കുന്നു ... 🔸🔸🔸🔸🔸🔸🔸🔸🔸🔸🔸🔸🔸🔸🔸🔸 🔹🔹🔹🔹🔹🔹🔹🔹🔹🔹🔹🔹🔹🔹🔹🔹

“ സാർ ” ആരുടെയോ ശബ്ദം കേട്ടാണ് ഞാൻ ചിന്തകളിൽ നിന്നുണർന്നത് . കണ്ണ് തുറന്ന് നോക്കിയപ്പോൾ മുൻപിൽ ആകാശ് “ ആഹ് ,,, എന്താണ് ആകാശ് ” ഞാൻ ചെയറിൽ നേരെ ഇരുന്ന് കൊണ്ട് പറഞ്ഞു “ സാർ ,, ടെെം ” ആകാശ് അത് പറഞ്ഞപ്പോൾ ഞാൻ വാച്ചിലേക്ക് നോക്കി ,,, എട്ട് മണി 😱 ഞാൻ ആ നീർക്കോലിയുടെ ക്യാബിനിലേക്ക് നോക്കി ,, അവളവിടെ ഉണ്ടായിരുന്നില്ല . “ എല്ലാവരും പോയി സാർ ” ആകാശിന്റെ സൗണ്ട് കേട്ടതും ഞാൻ ചെയറിൽ നിന്ന് എഴുന്നേറ്റ് ടേബിളിൽ വച്ചിരുന്ന ഫോൺ കയ്യിലെടുത്ത് പുറത്തേക്കിറങ്ങി ആകാശ് എന്നെ വീട്ടിൽ ഡ്രോപ്പ് ചെയ്തിട്ട് പോയി . ഞാൻ അകത്തേക്ക് ചെല്ലുമ്പോ കുട്ടനും അഹാനയും അമ്മയും അച്ഛനും ഹോളിലുണ്ട് . ഏട്ടന്മാര് പോയെന്ന് തോന്നുന്നു 🙊 ഞാൻ നേരെ റൂമിലേക്ക് കയറിപ്പോയി ✨✨✨✨✨✨✨✨✨✨✨✨✨✨✨✨ [ അഹാന ] ഒരുപാട് നേരം ശ്രീയേട്ടന്റെ കൂടെ ബീച്ചില് ചിലവഴിച്ചു ,,, ഏട്ടന്റെ കെെ കോർത്ത് പിടിച്ച് നടന്നു ,,, എന്റെ ഒരുപാട് നാളത്തെ ആഗ്രഹങ്ങളായിരുന്നു ഇതൊക്കെ . അത് ഇത്ര വേഗം നടക്കുമെന്ന് സ്വപ്നത്തിൽ പോലും കരുതിയിരുന്നില്ല . ദേവിയോട് ഒരുപാട് നന്ദി പറഞ്ഞു ,, നാളെ രാവിലെ ഒരു പുഷ്പാർച്ചന നടത്തിയേക്കാമെന്ന് നേരുകയും ചെയ്തു . കറക്കമൊക്കെ കഴിഞ്ഞ് തിരിച്ച് വീട്ടിലെത്തിയപ്പോ സന്ധ്യ ആയിരുന്നു വീട്ടിലെത്തി കാർ ഷെഡിലേക്ക് കയറ്റി ഇട്ട് കീ എന്റെ കയ്യിൽ തന്നിട്ട് ശ്രീയേട്ടൻ ഏട്ടന്റെ ബുള്ളറ്റിന്റെ അടുത്തേക്ക് നടന്നു .

ഞാൻ വേഗം ഓടിച്ചെന്ന് ഏട്ടന്റെ കയ്യിൽ കയറി പിടിച്ചു . ഏട്ടൻ തല ചെരിച്ച് നോക്കി ,,, “ എവിടേക്കാ ” “ വീട്ടിലേക്ക് ” അത് കേട്ടതും ഏട്ടന്റെ കയ്യിലുള്ള എന്റെ പിടുത്തം വിട്ടിരുന്നു “ എന്തിന് ” “ അമ്മ വിളിച്ചിരുന്നു ,, ഇന്ന് ഞാൻ ചെല്ലാമെന്ന് പറഞ്ഞിരുന്നു ” ഏട്ടൻ ബുള്ളറ്റിൽ കയറിയിരുന്ന് കീഹോളിലേക്ക് കീ ഇട്ടു കൊണ്ട് പറഞ്ഞു ഇഷ്ടമാണെന്ന് പറഞ്ഞിട്ട് മണിക്കൂറുകളായിട്ടുള്ളൂ ,, അപ്പോത്തന്നെ ഏട്ടൻ പോകണ് ... എനിക്കെന്തോ വല്ലാത്ത സങ്കടം വന്ന് ,, കണ്ണൊക്കെ നിറഞ്ഞ് വന്നു . പക്ഷേ ഏട്ടൻ കാണാതിരിക്കാനായി താഴെ നോക്കിനിന്നു “ എന്താടീ ” ഏട്ടൻ ബുള്ളറ്റ് തിരിച്ചു കൊണ്ട് ചോദിച്ചു “ പോകണ്ട ” ഞാൻ തലയുയർത്താതെ തന്നെ പറഞ്ഞു “ എന്തേ ” “ പ്ലീസ് ഏട്ടാ പോകണ്ട ,,, നാളെ പോകാം ” ഞാൻ ചിണുങ്ങിക്കൊണ്ട് പറഞ്ഞു “ മുഖത്തേക്ക് നോക്കിയേ ” ഏട്ടൻ പറഞ്ഞെങ്കിലും ഞാൻ നോക്കിയില്ല പിന്നെ രണ്ടാമത് ഏട്ടൻ പറയുവല്ല ചെയ്തത് ,,,,, ബുള്ളറ്റ് നീക്കി എന്റെ അടുത്ത് വന്ന് ഏട്ടന്റെ കെെ കൊണ്ട് എന്റെ മുഖം പിടിച്ചുയർത്തി . ഞാനിപ്പോ കരയും എന്ന അവസ്ഥയിലായിരുന്നു . അത് കണ്ടിട്ടോ എന്തോ ഏട്ടന്റെ മുഖവും വല്ലാതായി “ നാളെ രാവിലെ തന്നെ വരാം ” ഏട്ടൻ എന്റെ മുഖത്ത് നിന്ന് കെെ എടുത്ത് കൊണ്ട് പറഞ്ഞു “ നാളെ രാവിലെ തന്നെ പൊയ്ക്കോ ”

വിക്കി വിക്കി ഞാൻ പറഞ്ഞു ഏട്ടൻ പിന്നെ ഒന്നും നോക്കിയില്ല ,,, ബുള്ളറ്റിൽ നിന്നിറങ്ങി കീ ഊരിയെടുത്ത് ബുള്ളറ്റ് ഷെഡിലേക്ക് കയറ്റി വച്ചിട്ട് എന്റെ അടുത്തേക്ക് വന്നു “ മതിയോ ” ഏട്ടൻ എന്റെ മുഖം കയ്യിൽ കോരിയെടുത്തു കൊണ്ട് ചോദിച്ചു അതിന് മറുപടിയായി ഞാൻ ചിരിച്ചു കൊണ്ട് തലയാട്ടി “ എന്നാ വാ ,,, നല്ല വിശപ്പ് ,,, എന്തെങ്കിലും ഉണ്ടാക്കിത്താ ഏട്ടന് ” ഏട്ടൻ എന്റെ തോളിലൂടെ കയ്യിട്ടു കൊണ്ട് പറഞ്ഞു “ ഉവ്വ ,,, ഞാൻ ഉണ്ടാക്കിത്തന്ന് ഏട്ടൻ കഴിച്ചത് തന്നെ 😂 ” ഞാൻ ചിരിച്ചു കൊണ്ട് പറഞ്ഞു “ അതെനിക്കറിയാലോ ,,, ചൂടുവെള്ളം പോലും തിളപ്പിക്കാൻ അറിയാത്തവളാണ് എന്റെ പെണ്ണെന്ന് ” ഏട്ടന്റെ നെറ്റി എന്റെ നെറ്റിയിൽ ചേർത്ത് വച്ചു കൊണ്ട് ഏട്ടൻ പറഞ്ഞു ഞാൻ മുഖം കോട്ടിക്കൊണ്ട് ഏട്ടനെ തള്ളിമാറ്റി അകത്തേക്ക് കയറിപ്പോയി പുറകെ തന്നെ ഏട്ടനും കയറി വന്നു റൂമില് പോയി ഫ്രഷായി ബാൽക്കണിയിൽ നിന്ന് തല തുവർത്തിക്കൊണ്ടിരുന്നപ്പോഴാണ് ആരോ ബാക്കിലൂടെ വന്ന് വയറിലൂടെ ചുറ്റിപ്പിടിച്ചത് . ഞാൻ തല ചെരിച്ച് നോക്കിയപ്പോ ശ്രീയേട്ടൻ ഒരു കള്ളച്ചിരിയും പാസാക്കിക്കൊണ്ട് നിൽക്കുന്നു കയ്യിലിരുന്ന ടവ്വൽ ചാരുബെഞ്ചിലേക്കിട്ട് ഏട്ടന്റെ പിടുത്തം കുറച്ച് ലൂസാക്കി നേരെ ഏട്ടന് അഭിമുഖമായി നിന്നു ഏട്ടൻ എന്നെത്തന്നെ നോക്കി നിക്കാണ് “ എന്തേ ” ഞാൻ പുരികം പൊന്തിച്ചു കൊണ്ട് ചോദിച്ചു ഏട്ടൻ ഒന്നും മിണ്ടാതെ എന്നിലുള്ള പിടുത്തം ഒന്നുകൂടി മുറുക്കി . ഞാനൊന്ന് പൊങ്ങിപ്പോയി

“ ഒരുമ്മ താ ” ഏട്ടൻ എന്റെ ചുണ്ടിലേക്ക് നോക്കിക്കൊണ്ട് പറഞ്ഞു ഏട്ടന്റെ നാവിൽ നിന്നും അത് കേട്ടതും എന്റെ ശരീരത്തിലൂടെ ഒരു മിന്നല് കടന്നു പോകുന്ന പോലെ തോന്നി “ ഇല്ല ” ഞാൻ താഴേക്ക് നോക്കിക്കൊണ്ട് പറഞ്ഞു “ ഇല്ലേ ” “ ഇല്ല ” “ പിന്നെന്തിനാടീ കോപ്പേ ഇന്ന് പോകണ്ട എന്നൊക്കെ പറഞ്ഞെ ,, വെറുതെ മനുഷ്യനെ വടിയാക്കാനായിട്ട് 😬 ” ഏട്ടൻ അതും പറഞ്ഞ് എന്നിൽ നിന്ന് അകന്ന് മാറി . സത്യം പറഞ്ഞാ നല്ല ചിരി വന്ന് ,, പക്ഷേ ചിരിച്ചാ ഇങ്ങേര് എന്നെ വെട്ടിനുറുക്കും . അതുകൊണ്ട് ചിരി അടക്കിപ്പിടിച്ച് ഏട്ടന്റെ അടുത്തേക്ക് നീങ്ങി ഏട്ടനോട് ചേർന്ന് നിന്നു . എന്റെ രണ്ട് കെെകളും ഏട്ടനെ വലയം ചെയ്തു ,, ഏട്ടൻ തിരിച്ച് എന്നെയും 😌 എത്ര നേരം അങ്ങനെ നിന്നെന്നറിയില്ല . പെട്ടെന്ന് താഴെ നിന്ന് അമ്മ വിളിക്കുന്നത് കേട്ടു . വേഗം തന്നെ ഞങ്ങൾ രണ്ട് പേരും കൂടി താഴേക്ക് ഇറങ്ങിച്ചെന്നു ചായയും തിളപ്പിച്ച് വച്ച് അമ്മ ഞങ്ങളെ നോക്കിയിരിക്കാണ് ,, അച്ഛൻ ന്യൂസ് കാണുന്നുണ്ട് . ചായ കുടിച്ച് കഴിഞ്ഞിട്ടും ആദിയേട്ടനെ കണ്ടില്ല പെട്ടെന്നാണ് മുറ്റത്ത് ഒരു കാർ വന്ന് നിർത്തുന്ന ശബ്ദം കേട്ടത് . അപ്പോ തന്നെ ആദിയേട്ടൻ അകത്തേക്ക് കയറി വരികയും ചെയ്തു . ഞങ്ങളെ എല്ലാവരെയും ഒന്ന് നോക്കിക്കൊണ്ട് ഏട്ടൻ മുകളിലേക്ക് പോയി ,, പുറകെ തന്നെ ശ്രീയേട്ടനും പോയി ✨✨✨✨✨✨✨✨✨✨✨✨✨✨✨✨ [ ഇഷു ]

ആ കടുവയുടെ മരണം എന്റെ കെെ കൊണ്ട് തന്നെയായിരിക്കും ,, നോക്കിക്കോ 😬 ഇന്നും തന്നിട്ടുണ്ട് ഒരു ലോഡ് ടെെപ്പ് ചെയ്യാൻ ,, ആ കോട്ടിട്ട കടുവ 😡😡 ഓഫീസിൽ നിന്ന് കുറച്ച് ടെെപ്പ് ചെയ്തു ... പോരാൻ നേരം എന്റെ ക്യാബിനിൽ നിന്ന് ഇറങ്ങി ആ കടുവയെ നോക്കിയപ്പോൾ ആള് ചെയറിൽ ചാരി കണ്ണടച്ചിരിക്കാണ് .. ഓഹ് എന്താ സുഖം ,,, ഓടിച്ചെന്ന് മറിച്ചിട്ടാലോ ... ആഹ് അല്ലെങ്കി വേണ്ട ,, ഈ തെണ്ടിയോട് കളിച്ചാ പണി തിരിച്ച് തന്നെ കിട്ടും . അതുകൊണ്ട് ഉള്ള ജീവൻ കൊണ്ട് വിട്ടു പോകാം എന്ന് കരുതി പുറത്തേത്തിയപ്പോൾ അമി ഉണ്ടായിരുന്നു പുറത്ത് അവനോട് പരാതിയും പരിഭവവും പറഞ്ഞ് വീട്ടിലെത്തി അവന് ഒരുമ്മയും കൊടുത്ത് അകത്തേക്ക് കയറി റൂമിലെത്തി വേഗം തന്നെ ടെെപ്പിംഗ് തുടങ്ങി “ ആ കള്ളക്കടുവയെ എങ്ങാനും കയ്യിൽ കിട്ടിയാരുന്നെങ്കി പീസ്പീസ് ആക്കായിരുന്നു ” ഞാൻ പിറുപിറുത്തുകൊണ്ട് ടെെപ്പ് ചെയ്തു കൊണ്ടിരുന്നു ഒമ്പത് മണിയാണ് ഇന്നത്തെ ഡെഡ്ലെെൻ .. ഇഷൂ ,, കമോൺ ഫാസ്റ്റ് 💪 നിർത്താതെ ടെെപ്പ് ചെയ്ത് അവസാനം 8:50 ന് ടെെപ്പിംഗ് കഴിഞ്ഞു ... ✌ “ഹാ ” ഞാൻ ബെഡിൽ നിന്നെഴുന്നേറ്റ് കെെ ഉയർത്തി ഒന്ന് പൊങ്ങി താണു പിന്നെ വേഗം തന്നെ അത് കടുവക്ക് മെയിൽ ചെയ്തു ഫ്രഷായി താഴെ പോയി ഫുഡും കഴിച്ച് ഉമ്മിക്കും അബ്ബിക്കും ഓരോ ഉമ്മയും കൊടുത്ത് നേരെ റൂമില് വന്ന് ബെഡിലേക്ക് മറിഞ്ഞു ‘ ആഹാ ,,, എന്ത് സുഖം ,,, എന്ത് രസം 😇 ’ ✨✨✨✨✨✨✨✨✨✨✨✨✨✨✨✨ [ ആദി ]

വീട്ടിലെത്തി നേരെ റൂമിൽ ചെന്ന് ഫ്രഷായപ്പോഴാണ് ഒരു സമാധാനം കിട്ടിയത് . ഫ്രഷായി തല തുവർത്തിക്കൊണ്ട് ഇറങ്ങിയപ്പോൾ കുട്ടൻ ഉണ്ടായിരുന്നു റൂമില് “ എവിടേക്കാ പോയിരുന്നെ ” ഞാൻ അവനെ നോക്കാതെ തന്നെ ചോദിച്ചു “ ചെറായി ബീച്ച് ” അവൻ പറഞ്ഞു “ ആഹ് ... ” ഞാൻ അവനിൽ നിന്ന് നോട്ടം തെറ്റിച്ചു കൊണ്ട് ബാൽക്കണി ലക്ഷ്യമാക്കി നടന്നു “ നീയെന്തേ താമസിച്ചെ ” ബാൽക്കണിയിൽ നിന്ന് പുറത്തേക്ക് നോക്കിക്കൊണ്ടിരുന്നപ്പോഴാണ് ബാക്കിൽ നിന്ന് കുട്ടന്റെ ചോദ്യം “ ലേറ്റായിപ്പോയി ” ഞാൻ അവന്റെ നേരെ നോക്കി ഒന്ന് ഇളിച്ചു കാണിച്ചു കൊണ്ട് പറഞ്ഞു അവനെന്തോ പറയാൻ വന്നതും എന്റെ ഫോണിൽ മെസേജ് വരുന്ന നോട്ടിഫിക്കേഷൻ സൗണ്ട് കേട്ടു . ഞാൻ പോകാൻ വേണ്ടി നിന്നതും “ ഞാനെടുത്ത് വരാം ” എന്ന് പറഞ്ഞ് കുട്ടൻ അകത്തേക്ക് ചെന്ന് ടേബിളിൽ ഇരുന്ന എന്റെ ഫോൺ എടുത്ത് വന്നു “ ടാ തെണ്ടീീ ,,, നീ ഇന്നും അവൾക്ക് പണി കൊടുത്തല്ലേ 😬 ” അവൻ ഫോൺ കയ്യിലിട്ട് കറക്കിക്കൊണ്ട് ചോദിച്ചു “ ആഹ് ” ഞാൻ ചിരിച്ചു കൊണ്ട് മൂളി “ ഇന്ന് എത്ര മണിയാ ഡെഡ്ലെെൻ ” “ ഒമ്പത് മണി ” “ ആഹ് ,, ഇന്നാ ,, എത്തിയിട്ടുണ്ട് ” അവൻ ഫോൺ എന്റെ നേരെ നീട്ടിക്കൊണ്ട് പറഞ്ഞു “ ടെെം എത്രയായി ” ഞാൻ ഫോൺ വാങ്ങിച്ചു കൊണ്ട് ചോദിച്ചു “ 8:51 ” കുട്ടൻ ചിരിച്ചു കൊണ്ട് പറഞ്ഞു “ F*** ” ഞാൻ ബാൽക്കണിയിലെ കെെ വരിപ്പിൽ ആഞ്ഞടിച്ചു കൊണ്ട് പറഞ്ഞു “ പൊന്ന് മോനേ ആദീ ,, ഞാൻ നിനക്ക് ഫ്രീ ആയിട്ട് ഒരു ഉപദേശം തരാം ” അവനത് പറഞ്ഞതും ഞാൻ എന്താ എന്ന അർത്ഥത്തിൽ അവനെ നോക്കി “ അതായത് ഉത്തമാ ..... ”......തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...