🔥എന്റെ മാത്രം : ഭാഗം 18

എഴുത്തുകാരി: അല്ലി

അവന്റെ കൈകൾ അവളുടെ കൈകളിൽ പിടിത്തമിട്ടതും അവൾ ഒന്ന് ഞെട്ടി..... കള്ളം പിടിക്കപ്പെട്ട കുറ്റവാളിയേപ്പോലെ കണ്ണ് ചിമ്മി അവനെ തിരിഞ്ഞ് നോക്കിയതും ആ ഒരു ഒറ്റ നിമിഷം കൊണ്ട് അവളെ പിടിച്ച് വലിച്ച് ശിവൻ മടിയിലിരുത്തിയതും ഒത്തായിരുന്നു.... തരിച്ച് പോയ്‌ ഭദ്ര...അവനിൽ നിന്ന് മാറാൻ നോക്കുന്തോറും അവളുടെ വയറിന് മീതെയുള്ള അവന്റെ കൈകൾ ഒന്നും കൂടി അമർത്തി അവളുടെ കഴുത്തിലേക്ക് മുഖo അമർത്തി... അവളിൽ വെപ്രാളമുണ്ടായി വിടടാ... വിടാൻ... അവന്റെ കൈയിൽ ശക്തമായ് അടിച്ച് കൊണ്ട് കുതറി മാറാൻ നോക്കവേ അവളുടെ മുടിയിലെ കാച്ചിയയെണ്ണയുടെ മണം ആഞ്ഞു ശ്വസിക്കുകയായിരുന്നു ശിവൻ.... എടാ..........എന്നും അലറി കൈമുട്ടുകൊണ്ട് അവന്റെ വയറ്റിൽ ഒറ്റ തൊഴി വെച്ചു കൊടുത്തു.... വേദനയോടെ അവളിൽ നിന്നുള്ള പിടി മാറ്റി വയറ് തടകിക്കൊണ്ട് അവളെ കണ്ണുരുട്ടി പേടിപ്പിച്ചു..... ഞാൻ പറഞ്ഞതാ അനാവശ്യമായ് എന്റെ ദേഹത്ത് തൊടരുതെന്ന്..... നിനക്ക് എന്ത്‌ വേണമെങ്കിലും ആകാമല്ലേടി ഉരംപ്പെട്ടവളെ... എന്റെ മീശ പിരിച്ച് വെച്ച് എന്റെ നെറ്റിയിൽ ചന്ദനവും തൊട്ടത് എന്നോട് ചോദിച്ചിട്ടാണോ....??? എടി ആണോന്ന്....???? ഒറ്റ അലർച്ച... പക്ഷെ അതിലും അവന്റെ കുസൃതിനിറഞ്ഞ പ്രണയം നിറഞ്ഞ സന്തോഷമുണ്ടായിരുന്നു. അത് ഞാൻ...താനാണോ അ അനിലിനെ അടിച്ച് പരിവം ആക്കിയത്..?? പെട്ടെന്ന് അവൾ കേറി ചോദിച്ചതും അവൻ അടിമുടി ഒന്ന് നോക്കി... അറിഞ്ഞിട്ടെന്തിനാ.... വല്ല കൊട്ടേഷൻ തരാനാണോ???? ഏഹ്... മുച്ച്.... ഇന്ന് ഞാൻ അവനെ കണ്ട് അനിലിനെ അവനാ പറഞ്ഞത്. താൻ.... ആ ഞാനാ.... അതിന് നിനക്ക് നൊന്തോ???

എനിക്ക് നൊന്തുന്നുമില്ല. അവന് അങ്ങനെ തന്നെവേണം...... പിന്നെ.... പിന്നെന്താ??? എനിക്ക് വേണ്ടിയല്ലേ അവനെ അടിച്ച് ചമ്മന്തിയാക്കിയത്.. അത് അറിഞ്ഞപ്പോൾ നിങ്ങളോട് ഇച്ചിരി മതിപ്പൊക്കെ തോന്നിട്ടോ അമരവദിയിലെ ശിവശങ്കര....... അത് കേട്ടപ്പോൾ അടി വയറ്റിൽ മഞ്ഞു വീഴുന്ന ഒരു സുഖം... മതിപ്പ് കൊണ്ടാണോ നീ നേരത്തെ അങ്ങനെയൊക്കെ ചെയ്തത് ?? ഏഹ്.... അകത്തെ സന്തോഷത്തെ മുഖത്ത് വരുത്താതെ പുച്ഛത്തോടെയുള്ള അവന്റെ വാക്കുകൾക്ക് മുന്നിൽ ശരിക്കും ഭദ്ര ചൂളി പോയ്‌.... എന്താ നിന്റെ നാവ് കുഴഞ്ഞോ ?? നിന്നോടാ ഞാൻ ചോദിക്കുന്നത്... അത് ഞാൻ അറിയാതെ അപ്പോഴത്തെ ആവേശത്തിൽ ചെയ്തതാ.. എന്ന് വെച്ച് നിന്നെ പോലെ കേറിപിടിക്കാനൊന്നും ഞാൻ വന്നില്ലല്ലോ?? ഇടുപ്പിൽ കൈ വെച്ചാണ് അവളുടെ സംസാരം.. ഇപ്പോൾ ശരിക്കും പഴയ കുറുമ്പി പെണ്ണായി അവൾ മാറിയതു പോലെ അവൾക്ക് തോന്നി..... മാത്രം ഞാനും ആവേശത്തിൽ കേറിപിടിച്ചതാണെന്ന് കരുതിക്കോടി.. എനിക്കെപ്പോൾ ആവേശം വരുന്നോ അപ്പോഴൊക്കെ നിന്നെ കേറി പിടിക്കും എന്ത്യേ????? കണ്ണ് തള്ളി നിൽക്കുവാണ് അവൾ...... ഇയാൾ ഇത് എന്തോന്ന് എന്നൊരു എക്സ്പ്രഷൻ..... പെട്ടെന്ന് ജോയുടെ വണ്ടി അവിടെ മിറ്റത്ത് വന്ന് നിന്നതും രണ്ടാളും അങ്ങോട്ട് നോക്കി... ഇതിനുള്ള മറുപടി ഈ ഭദ്ര പിന്നെത്തരും അത്രയും പറഞ്ഞിട്ട് അവൾ അകത്തേക്ക് കേറി പോകുമ്പോൾ ശിവൻ ചിരിയോടെ അത് നോക്കിയിരുന്നു..... എന്നതാടാ ശങ്കര രാവിലെത്തന്നെയൊരു ഇളക്കം.. ഏഹ്??? എന്താടാ നസ്രാണി എനിക്ക് ഇളകികൂടെ....അല്ല നീയെന്ത രാവിലെതന്നെ ഇങ്ങോട്ട്??? ആ അത് പറയാനാ ഞാൻ വന്നത്... ഞാൻ വയനാട് വരെ പോവാ... രണ്ട് ദിവസം അവിടെയൊക്കെ ഒന്ന് അലഞ്ഞു നടന്നിട്ട് വരാം..... എന്താ ഇപ്പോൾ ഒരു പോക്ക് അവിടെ അമ്മച്ചി എടഞ്ഞു നിൽക്കുവാ അല്ലേ???

അതേടാ ആ കിളവി ഒരു തഞ്ചം തരുന്നില്ല......എന്റെ ചെവി കടിച്ചു തിന്നുവാ... ജോയ് പറയുന്നത് കേട്ട് ശിവയ്ക്ക് ചിരി വന്നു.... ഓഹ് നീ ചിരിച്ചോ.. അല്ല നെറ്റിയിൽ ചന്ദനമൊക്കെ നീ അമ്പലത്തിൽ പോകാനൊക്കെ തുടങ്ങിയോ.... അത് അവള് തൊട്ട് തന്നതാടാ.... ഉത്സാഹത്തോടെ അവന്റെ പറച്ചിൽ കേട്ട് ജോയ് വാ തുറന്ന് നിന്നും..... നമ്മടെ ഭദ്രകൊച്ചോ......... നമ്മടെയല്ല എന്റെ.🔥. എന്റെ മാത്രം 🔥... ശിവൻ തിരുത്തി പറഞ്ഞു..... ഓഹ് സമ്മതിച്ചു.... നിന്റെ മാത്രം ഭദ്ര.. പോരെ.... അവന്റെ ഒരു പത്രാസ്സ്.... അതിന് ശിവൻ പൊട്ടി ചിരിച്ചു... കൂടെ ജോയും..... *********** അങ്ങോട്ട് മാറ് രാധമ്മേ കാല് ശരിയായെന്ന് കരുതി അടുക്കള ഭരണം ഏറ്റെടുക്കാമെന്ന് കരുതണ്ടാ... രാധമ്മയുടെ കൈയിൽ നിന്നുo പ്ളേറ്റ് മേടിച്ച് ഭദ്ര പറഞ്ഞതും അവർ നല്ല കുട്ടിയായി മാറി നിന്നും... അത് അവിടെ നിൽക്കട്ടെ ബാക്കി കഥ പറ..... രാധമ്മ ആകാംഷയോടെ ചോദിച്ചു. പിന്നെന്താ അവനോട് രണ്ട് വർത്തമാനം പറഞ്ഞിട്ട് ഞാൻ ഇങ്ങോട്ട് പോന്നു.... അപ്പോൾ എന്റെ മോനോട് നീ താങ്ക്സ് പറഞ്ഞില്ലേ?? ഏഹ്?? രാധമ്മ അത് പറഞ്ഞപ്പോൾ ഭദ്ര താടിക്ക് കൈ കൊടുത്തി ആലോചിച്ചു... എന്നിട്ട് ഇല്ലെന്ന് തലയാട്ടി...... അതുകൊള്ളാം....... അങ്ങനെയാണോ വേണ്ടേ?? അത് വിട് നിനക്ക് വേണ്ടി എന്തിനാ അവൻ അങ്ങനെ ചെയ്‌തതെന്ന് ചോദിച്ചോ?? ഇല്ല....... കൊള്ളം... ഇതൊക്കെ അറിയണ്ടേ.... എപ്പോഴും മിടുക്കിയാണെന്ന് പറഞ്ഞിട്ട് ഇത് മാത്രം എന്ത് പറ്റിഎന്റെ മോൾക്ക്. നിനക്ക് വേണ്ടി എന്തിന് അവൻ അങ്ങനെ ചെയ്തു എന്നൊക്കെ നീ അറിയേണ്ടതല്ലേ പെണ്ണെ....... അത്... ഞാൻ ഓർത്തില്ല രാധമ്മേ...... ഹ്മ്... ഇപ്പോൾ വാ കഴിക്കാൻ കൊടുക്കാം. പിന്നെ സമയം പോലെ നീ തന്നെ ചോദിക്ക്.... അതിന്റെ ആവിശ്യം ഉണ്ടോ രാധമ്മേ ???

ഞാൻ നേരത്തെ ഇച്ചിരി പുകഴ്ത്തി പറഞ്ഞായിരുന്നു. അത് മതി...... നിന്റെ ഇഷ്ട്ടം....... അത്രയും പറഞ്ഞ് രാധമ്മ പുട്ടും കടലയും എടുത്ത് കൊണ്ട് പോയ്‌.... ഭദ്ര ഒന്ന് ആലോചിച്ചു. ശിവൻ..... ഉത്തരo കിട്ടാത്തെ മനുഷ്യൻ.. ********** കഴിക്കാൻ ശിവനും ജോയ്യുമിരുന്നു.... രാധമ്മയിരിക്ക് ഞാൻ വിളമ്പാo അതും പറഞ്ഞ് ഭദ്ര ശിവന്റെ അടുത്ത് അവരെ യിരുത്തി.... ശിവനെ ഒന്ന് പാളി നോക്കി. ആ മുഖത്ത് യാതൊരു ഭാവവുമില്ല.... വേണ്ടാ മോളെ..... അവിടെ ഇരിക്ക് രാധമ്മച്ചി..... എന്നിട്ട് ആദ്യ ഒരു ഉരുള അവന്റെ വായിലോട്ട് വെച്ചു കൊടുത്തേ........ ജോയ് അത് പറഞ്ഞതും ശിവൻ കലിപ്പിൽ അവനെ നോക്കി. ജോയ് ഒന്ന് ഇളിച്ച് കാണിച്ചു.... ഭദ്രയ്ക്ക് അത് നല്ലതായി തോന്നി.. രാധമ്മ ഭദ്രയേ നോക്കി.. കൊടുക്കാൻ കണ്ണ് കൊണ്ട് ആഗ്യം കാണിച്ചു.... ഇല്ലെന്ന് തലയാട്ടിയതും അവൾ നോക്കി പേടിപ്പിച്ചു.. അത് കണ്ടതും രാധമ്മ ഇച്ചിരി പുട്ടിന്റെ കൂടെ കടലയും കുഴച്ച് അവന്റെ നേരേ പ്രതിക്ഷയോടെ നീട്ടി.. കൈ നന്നായിട്ട് വിറയ്ക്കുന്നുണ്ട്.... എനിക്ക് വേണ്ടാ....... ശിവൻ മുഖം വെട്ടിത്തിരിച്ചു.... അത് കണ്ടപ്പോൾ അവരുടെ കണ്ണുകൾ നിറഞ്ഞു.... സങ്കടത്തോടെ ഭദ്രയേയും ജോയേയും നോക്കി... പേടിയായിരിക്കും............. ഭദ്ര പുച്ഛത്തോടെ പറയുന്നത് കേട്ട് ദേഷ്യത്തോടെ ശിവൻ അവളെ നോക്കി... ഞാൻ എന്തിന് പേടിക്കണം.... പല്ല് കടിച്ച് അവൻ ചോദിച്ചു.... രാധമ്മേ സ്നേഹിക്കുമോന്ന് പേടി.... അതുകൊണ്ടല്ലേ വേണ്ടെന്ന് പറഞ്ഞത്...... അത് നിന്റെ വെറും തോന്നൽ മാത്രവാ.. ഇവരോട് ഒരു തരി സ്നേഹം പോലും ഈ ജന്മം എനിക്കുണ്ടാകില്ല..... ഇച്ചിരി വാരി തന്നെന്ന് വെച്ച് സ്നേഹിക്കാനും പോകുന്നില്ല..... എന്നാ നീ അത് മേടിച്ച് കഴിക്ക് അമരവദിയിലെ ശിവശങ്കര........

ഭദ്ര വെല്ലുവിളിയോടെ പറഞ്ഞതും അവൻ ജോയ്യേ നോക്കി... കഴിക്കാൻ കണ്ണുകൾ കൊണ്ട് ആഗ്യം കാണിച്ചു. . വേറെ നിവൃത്തിയില്ലാതെ അവൻ മെല്ലേ വാ തുറന്നു... രാധമ്മ സന്തോഷത്തോടെ ഒരു അമ്മയുടെ സ്നേഹത്തോടെ അവന്റെ വായിൽ വെച്ച് കൊടുത്തു.. ഇഷ്ടക്കേട് അവന്റെ മുഖത്തുണ്ടായിരുന്നെങ്കിലും ഉള്ളിൽ എവിടെയോ സുഖമുള്ള ഒരു നോവ് അവൻ അറിഞ്ഞു... ആ കാഴ്ച കണ്ടു കൊണ്ടിരുന്ന ബാക്കി രണ്ടാളും സന്തോഷത്തോടെ അത് നോക്കി നിന്നും... ജോയ് അമ്പടി മിടുക്കിയെന്ന രീതിയിൽ ഭദ്രയേ നോക്കി...... എന്താടോ..... അവൾ അവന്റെ നോട്ടം കണ്ട് ചോദിച്ചതും ഒന്നുമില്ലെന്ന് തുമ്മൽ കൂച്ചി പൂട്ട് അകത്താക്കാൻ നോക്കി...... വീണ്ടും രാധമ്മ അവന് കഴിക്കാൻ കൊടുത്തതും അവൻ വേണ്ടെന്ന് കൈ കാണിച്ച് തനിയെ കഴിക്കാൻ തുടങ്ങി. അതിന് മുന്നേ വിജയഭാവത്തിൽ അവളെ നോക്കി.... പക്ഷെ അവനറിഞ്ഞില്ല ശരിക്കും ജയിച്ചത് അവളാണെന്ന് 🙂🙂 രാധമ്മയ്ക്ക് അത്രയും മതിയായിരുന്നു... ഇനി മരിച്ചാലും വേണ്ടിയില്ലെന്നുള്ള അവസ്ഥ.  ജോയ് പോയതും ശിവൻ കവലയിൽ വെറുതെ ജിപ്സിയുടെ മുകളിലിരുന്ന് സിഗരറ്റ് ചുണ്ടോട് വെച്ച് ചുറ്റും നോക്കിക്കൊണ്ടിരുന്നു. വല്ലാത്തൊരു തണുപ്പ് മനസ്സിൽ തോന്നിതുടങ്ങിയത് പോലെ അവനറിഞ്ഞു ..... ഒരു മകന്റെ ആത്മാവിൽ അലിഞ്ഞു ചേർന്ന ഭൂമിയിലെ ആദ്യ വ്യക്തിയെന്ന് പറയുന്നത് അവന്റെ അമ്മ തന്നെയാണ്.... രാവിലെ എന്തോ അവരുടെ കൈയിൽ നിന്നും കഴിച്ചപ്പോൾ വീണ്ടും വീണ്ടും ഇനിയും വേണമെന്ന് മനസ്സിന്റെ ഒരു കോണിൽ പറയുന്നുണ്ടെങ്കിലും തന്റെ ആത്മഭിമാനം ഒന്നിനും സമ്മതിച്ചില്ല.. ഭദ്രയുടെ കാര്യം ഓർക്കുമ്പോൾ ഭ്രാന്തമായ ആവേശമാണ് അവന്. അറിയില്ല വല്ലാത്തൊരു ഭ്രാന്ത് തന്നെയാണ് എനിക്കവളോട്. ആ #%*മോനെ അടിച്ചു പരുവമാക്കിയതിന് ഒരു താങ്ക്സ് പോലും ആ കരിവണ്ട് പറഞ്ഞില്ല.

അതെങ്ങനെ അവളല്ലേ മുതല് ..... ഓരോന്ന് ആലോചിരിക്കുമ്പോഴാണ് വല്യച്ചന്റെ കാർ അത് വഴി പോയത്. പെട്ടെന്ന് തന്നെ ജിപ്സിയിൽ നിന്നും ചാടി യെഴുന്നേറ്റു പ്രതീക്ഷയോടെ വണ്ടിക്കുള്ളിൽ നോക്കുമ്പോൾ തന്നെ നോക്കി ദഹിപ്പിക്കുന്ന വല്യച്ചനെയാണ് കാണുന്നത്..... അപ്പോഴാണ് കയ്യിലിരിക്കുന്ന സിഗരറ്റ് അവൻ ശ്രദ്ധിക്കുന്നത്. പെട്ടെന്ന് തന്നെ താഴെയെറിഞ്ഞ് മുഖം താഴ്ത്തി ഒരു ചെവിയിൽ പിടിത്തമിട്ട് നിൽക്കുന്ന അവനെ കണ്ടപ്പോൽ വല്ലാത്ത വാത്സല്യം വല്യച്ചന് തോന്നി. അവനെകടന്ന് വണ്ടി മുന്നോട്ട് പോകുമ്പോൾ രണ്ട് ഹൃദയങ്ങൾ പരസ്പരം അടുത്തു ചെല്ലാൻ കൊതിക്കുന്നുണ്ടായിരുന്നു.... കണ്ണിൽ നിന്നും വണ്ടി മായുന്നവരെ ശിവൻ അങ്ങനെ നോക്കി നിന്നും....വൈകിട്ട് ജോലി കഴിഞ്ഞ് സന്ധ്യയ്ക്ക് വീട്ടിലോട്ട് പോകാൻ പോയപ്പോഴാണ് ശിവൻ ജിപ്സി കഴുകുന്നത് കണ്ടത്. ഇന്ന് രാധമ്മ പറഞ്ഞ കാര്യം ഓർമ്മ വന്നു . പിന്നെ രണ്ടും കല്പിച്ച് അവന്റെ അടുത്തേക്ക് പോയ്‌...... അതേ....... പുറകിൽ നിന്ന് അവൾ വിളിച്ചതും ശിവൻ ഒന്ന് മൂളി.... എന്താ ??? അവളെ നോക്കാതെ യാണ് ചോദ്യം...... അത്... പിന്നെ.... അവൾ തപ്പിത്തടഞ്ഞു...... എന്തെങ്കിലും പറയാനുണ്ടെങ്കിൽ പറഞ്ഞിട്ട് വേഗം പോകാൻ നോക്കടി..... ഇച്ചിരി ജാടയിട്ട് ശിവൻ പറഞ്ഞു.. ഇവനോടൊക്കെ മിണ്ടാൻ വന്ന എന്നെ അടിക്കണം.. കാർക്കോടക്കാൻ... അവൾ പുറു പുറുത്തു..... പിന്നെ ഒന്നും ആലോചിച്ചില്ല അവനെ ഒന്ന് നോക്കി. താങ്ക്സ്............. ഒറ്റ ശ്വാസത്തിൽ നീട്ടി പറഞ്ഞു..... എന്ത്.... ഞെട്ടിയവൻ തിരിഞ്ഞതും അവന്റെ കൈയിലിരുന്ന ഓസിലെ വെള്ളം അവളുടെ ദേഹത്തേക്ക് തെറിച്ചൊഴുകി........🔥...............................................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...