🔥എന്റെ മാത്രം : ഭാഗം 55

എഴുത്തുകാരി: അല്ലി

" ഇയാൾ കള്ളം പറയുവാ ഏട്ടത്തി അപ്പുപ്പൻ അങ്ങനെ ചെയ്യില്ല.... ഇവൻ കള്ളനാ.... " ആരുട്ടൻ ദേഷ്യത്തോടെ ബാലന്റെ നേരെ തിരിഞ്ഞു. ഭദ്ര ഒന്നും മനസ്സിലാകാതെ അങ്ങനെയിരുന്നു. " അറിയാം ഒരിക്കൽ കള്ളനായവൻ പിന്നെയെന്ത് പറഞ്ഞാലും വിശ്വസിക്കില്ലെന്ന്. പക്ഷെ സത്യം ഇതാണ് ഭദ്രേ.........അയാളാണ് ഇങ്ങനെയൊക്കെ ചെയ്യാൻ പറഞ്ഞത്. പത്ത് പിള്ളേർക്ക് വിദ്യ പറഞ്ഞു കൊടുക്കുന്ന എന്റെ തലയിൽ നിന്നോടുള്ള പ്രണയം കൊണ്ട് ഭ്രാന്ത് പിടിച്ച സമയത്ത് തെറ്റോ ശരിയോയെന്ന് ഞാൻ ചിന്തിച്ചില്ല. പക്ഷെ സത്യം ഇതാണ്...ഇനി പറഞ്ഞില്ലെങ്കിൽ അത് വല്യ തെറ്റായി പോകുമെന്ന് എനിക്ക് തോന്നി.. പോകുവാണ്. എന്നോട് നീ ക്ഷമിക്കണം.....

അത്ര പറഞ്ഞ് അവൻ അവിടെ നിന്ന് പോകുമ്പോൾ നിലത്തിരുന്ന് ഒന്നും മനസ്സിലാകാതെ കണ്ണ് നിറയ്ക്കുവായിരുന്നു അവൾ. ശിവനെ കാണാതെ രാധമ്മ ഹാളിൽ വന്നതും ആ മുറി തുറന്ന് കിടക്കുന്നത് കണ്ടത്. മുറിയിലേക്ക് കേറിയതും അവിടുത്തെ കാഴ്ച കണ്ട് അവരുടെ ദേഹo കുഴയുന്ന പോലെ തോന്നി... തന്റെ ഡയറി പിടിച്ചു കൊണ്ടിരിക്കുന്ന ശിവൻ സകല ശക്തിയും ചോർന്ന് അവർ അവന്റെ അടുത്തേക്ക് നടന്നു. മോനെ......... അവൻ തല ഉയർത്തി നോക്കി. ആ മുഖം കണ്ടപ്പോൾ രാധമ്മയ്ക്ക് പേടിതോന്നി. ഇത് നിങളുടേതല്ലേ...??? അവന്റെ യാണ് ചോദ്യം. പറയ്യ്... നിങ്ങളുടെയല്ലേ???? വീണ്ടുമുള്ള ചോദ്യത്തിൽ അതേയെന്ന് തലയാട്ടി...

" എനിക്കറിയണം ... എല്ലാം അതും നിങ്ങളുടെ നാവുകൊണ്ട് തന്നെ .. പറ ഈ ഡയറിയിലുള്ളത് സത്യമാണോ.? " അലറികൊണ്ടുള്ള ശിവന്റെ ചോദ്യത്തിന് മുന്നിൽ രാധമ്മ വെട്ടിവിറച്ചു പോയ്‌ തകർന്നു ഇന്നെല്ലാം തകർന്ന് ഭസ്മമായ് ഇത്രയും കാലം താൻ ആരെയും അറിയിക്കാതെ മനസ്സിൽ കുഴിച്ചു മൂടിയ കാര്യങ്ങൾ... ആരറിയരുതെന്ന് കരുതിയ കാര്യങ്ങൾ അവന്റെ മുന്നിൽ തന്നെ തെളിഞ്ഞു വന്നു. എന്തിന് ഇങ്ങനെയൊരു പരീക്ഷണം.. തന്നോട് മണ്ണടിഞ്ഞ് എല്ലാം പോകില്ലായിരുന്നോ? പോയിട്ട് അവനെ വെറുതെ വിടുമായിരുന്നോ അവനെ....? " നിങ്ങൾ മിണ്ടാതെ ഇങ്ങനെ നിൽക്കുന്നത്പോലും എന്നെ ഭ്രാന്ത്‌ കേറ്റുവാ......

പറയ്യ്....ഇതെല്ലാം ഉള്ളതാണോ ??? " വീണ്ടും അവന്റെ അലറക്കം ആ നാല് ചുവരുകൾക്കിടയിൽ മുഴുകി " അതേ.... അതിലുള്ളതെല്ലാം സത്യമാണ് " അത്ര മാത്രം പറഞ്ഞ് നിറ കണ്ണുകളോടെ അവർ മുഖമുയർത്തി അവനെ നോക്കി. പിടിച്ചു നിൽക്കാൻ പറ്റാതെ പതറിയിരിക്കുകയാണ് അവൻ. കണ്ണുകൾ നിറഞ്ഞു തൂകി...... കൈ കൾ വിറച്ചു....... ഹൃദയമാകെ മുള്ളു മുരിക്കുകൊണ്ട് കുത്തിയിറക്കുന്ന വേദനയോടെ അവൻ കട്ടിലിലിരുന്നു...... രാധമ്മ ആകെ തകർന്നു.... " എല്ലാം സത്യമാണ്.... അയാൾ... നിന്റെ മാമ്മച്ചാൻ.... നിന്റെ വല്യച്ചന്റെ മാമ്മൻ അയാളാണ് നിന്റെ അച്ഛനെയും അമ്മയേയും കൊന്ന് നിന്നെ അനാഥനക്കിയത്.

അയാളാണ് എന്റെ ജീവിതം തകർത്തത്. എല്ലാം അയാളാണ്... ആ ക്രൂരൻ....... അയാളെ പേടിച്ച ഇത്രയും നാൾ ഇങ്ങനെ നീറി നീറി ഞാൻ ജീവിച്ചത്. അയാളെ പേടിച്ച നിന്നോട് സത്യമൊന്നും ഞാൻ പറഞ്ഞത്. ഒരു പക്ഷെ എല്ലാ സത്യവും നീ അറിഞ്ഞെന്ന് അയാൾ മനസ്സിലാക്കിയാൽ എന്തും ചെയ്യും നിന്നെ..... എന്തും " രാധമ്മയുടെ മുഖം ദേഷ്യം കൊണ്ട് ചുവന്നു. " എന്തിന് അയാളെങ്ങനെ ചെയ്തു. എന്ത്‌ തെറ്റാ എന്റെ അച്ഛനും അമ്മയും അയാളോട് ചെയ്തത്..... അയാളുടെ സിരകളിലൊഴുകുന്ന ചോര യുടെ അവശിപ്പല്ലേ എന്റെയും.... " " അല്ല.............. " എടുത്തടിച്ച പോലെയുള്ള രാധമ്മയുടെ വാക്കുകൾ കേട്ട് ഞെട്ടി അവൻ ഇരുന്നയിടത്ത് എഴുന്നേറ്റ് ശിവൻ അവരെ നോക്കി.

പക്ഷെ ആ മുഖത്ത് വല്യ ഭാവവത്യാസമില്ലായിരുന്നു...... "എന്താ പറഞ്ഞത് ??" " സത്യം........... നീ ചങ്കു പറിച്ച് സ്നേഹിക്കുന്ന വല്യച്ചൻ നിന്റെ സ്വന്തമല്ലാ....... ആ ഡയറിയിൽ ഇല്ലാത്ത കുറച്ച് കാര്യങ്ങളും ഉണ്ട് മോനെ..... " അത്ര പറഞ്ഞ് ഓരോ കാര്യങ്ങൾ അവർ പറയാൻ തുടങ്ങി. " അയാളുടെ സഹോദരിക്ക് ആദ്യ ഭർത്തവിൽ നിന്നും ഉണ്ടായ മോനാ നിന്റെ വല്യച്ചൻ. " ശ്രീധരൻ ". ഭർത്താവ് മരിച്ച് ഒരു കുഞ്ഞുമുള്ള അവരെ ഇവിടെ നിന്റെ അച്ഛച്ഛൻ കല്യാണം കഴിച്ചുകൊണ്ടുവരുമ്പോൾ അമ്മ നഷ്ടമായ ഒരു കുഞ്ഞ് അദ്ദേഹത്തിനുണ്ടായിരുന്നു നിന്റെ അച്ഛൻ " കൃഷ്ണൻ ". രണ്ടും മക്കളെയും വേർതിരിവില്ലാതെ സന്തോഷത്തോടെ അവിടെ ജീവിക്കുമ്പോൾ മനസ്സിൽ ക്രൂരത നിറച്ച് അയാൾ അവിടെയുണ്ടായിരുന്നു. പാർത്ഥൻ.

" സ്വന്തം പെങ്ങളുടെയും മോന്റെയും ജീവിതം മാത്രമായിരുന്നു അയാളുടെ ലക്ഷ്യം. അതിന് വേണ്ടി അയാൾ അന്ന് മുതലേ ഓരോന്ന് ചെയ്തു കൊണ്ടിരുന്നു. പക്ഷെ ഇതൊന്നും അറിയാതെ നിന്റെ അച്ഛനും വല്യച്ചനും പരസ്പരം സ്നേഹിച്ചു.. ഒരുപാട്...... പിന്നെ വർഷങ്ങൾ പോകെ അയാളുടെ മനസ്സ് അസ്വസ്ഥമാകാൻ തുടങ്ങി. അതിന്റെ ഇടയിൽ അയാളുടെ സഹോദരിയും ഭർത്തവും മരിച്ചു..... അവിടെ ചോദ്യമായി നിന്നത് സ്വത്ത്. രക്തബന്ധം വെച്ച് നോക്കുമ്പോൾ ശ്രീധരന് ഒന്നും കിട്ടത്തില്ലെന്നുള്ളത് അയാളെ ഭ്രാന്തനാക്കി..... ആ സമയത്താണ് എന്റെയും നിന്റെ വല്യച്ചന്റയും പ്രണയം അയാൾ അറിഞ്ഞത്.

ഞങളുടെ ബന്ധം തകർക്കാൻ അയാളെ കൊണ്ട് പറ്റുന്ന വിധം അയാൾ നോക്കി. പക്ഷെ അവിടെ ഞങ്ങളുടെ കല്യാണം നടത്തിതരാൻ മുന്നിൽ നിന്നത് നിന്റെ അച്ഛനായിരുന്നു. ആ പകയും അയാളുടെ മനസ്സിൽ തന്നെയിരുന്നു. പുറമെ സ്നേഹം കാണിച്ച് അകം മുഴുവൻ അഴുക്കുള്ള കൃമി. പിന്നീട് നിന്റെ അച്ഛൻ കല്യാണം കഴിച്ച് നീ ഉണ്ടായതോടെ അയാൾ പല വഴിയിലൂടെ നിന്റെ അച്ഛനെ കൊല്ലാൻ നോക്കി. അപ്പോഴൊക്കെ നിന്റെ അച്ഛൻ അത്ഭുതകരമായ് രെക്ഷപ്പെട്ടു. പക്ഷെ......... എപ്പോഴും അത്ഭുതം നടന്നില്ല.... നിന്റെ ആറാം വയസ്സിൽ ഒരു കാർ അപകടത്തിൽ അയാൾ ആ ദുഷ്ടൻ നിന്റെ അച്ഛനെയും അമ്മയെയും കൊന്നും..... "

അത്രയും പറഞ്ഞ് രാധമ്മ കരഞ്ഞു.. അവന്റെ കണ്ണുകളും നിറഞ്ഞ് തൂകി... " അന്ന് ആ ഉത്സവത്തിന്റെയന്ന് തല വേദനകൊണ്ട് തിരിച്ച് തറവാട്ടിൽ വരുബോൾ അയാളുടെ വിശ്വസ്ഥന്റെ കൂടെയുള്ള മദ്യ സേവ യിലാണ് എല്ലാം ഞാൻ കേട്ടത്.. തകർന്ന് പോയ്‌ മോനെ ഞാൻ........ എന്ത് ചെയ്യണമെന്നറിയാതെ മരവിച്ച് നിൽക്കുമ്പോൾ ആരോ പുറകിൽ നിന്നും എന്റെ തലയ്ക്കടിച്ചു. ബോധം വരുമ്പോൾ ചുറ്റും പ്രിയപ്പെട്ടവരുടെ കൂടെ അയാളും ഉണ്ടായിരുന്നു. ഒന്നും മനസ്സിലാകാതെ ഞാൻ നോക്കുമ്പോൾ നഗ്നമായ എന്റെ ദേഹം പുതപ്പ് കൊണ്ട് മറച്ചേക്കുന്നു. കൂടെ വേറെ ഒരുത്തനും......... എല്ലാരുടെയും കണ്ണിൽ ഞാൻ പിഴച്ചവളായി മോനെ... അല്ല എന്നെ അങ്ങനെയാക്കി.....

അലറി കരഞ്ഞു കൊണ്ട് എല്ലാരുടെയും മുന്നിൽ ഞാൻ സത്യം പറയാൻ നോക്കി ആരും കേട്ടില്ല നിന്റെ വല്യച്ചൻ.. എന്റെ ജീവൻ.. ആ മനുഷ്യൻ ഞാൻ പറയുന്നത് പോലും കേൾക്കാതെ എന്നെ ഉപദ്രവിച്ചു .... എല്ലാരും ഒഴിഞ്ഞു പോയിടത്ത് ആ മുറിയുടെ മൂലയിൽ ഞാൻ മുഖം പൊത്തി കരഞ്ഞപ്പോൾ ക്രൂരതയോടെ അയാൾ എന്റെ അടുത്ത് വന്നിരുന്നു " എന്റെ കൂടെ കിടന്നവന്റയൊപ്പം ഇവിടെ നിന്ന് ഞാൻ പോയില്ലെങ്കിൽ ഇനി ബാക്കിയുള്ള നിന്നെയും കൊല്ലുമെന്ന് പറഞ്ഞു. " ജീവൻ പോകുന്ന പോലെ തോന്നി മോനെ.......... പിന്നെ അയാളുടെ കൂടെ ആരോടും യാത്ര പറയാതെ ഞാൻ പടി ഇറങ്ങി പോകുമ്പോൾ ഞാൻ കാമുകന്റെ കൂടെ ഒളിച്ചോടി പോയവളായി.......

കാമം മൂത്ത്... ബാക്കി പറയാൻ പറ്റാതെ രാധമ്മ മുഖം പൊത്തി കരഞ്ഞു. ചേർത്ത് പിടിച്ച് നെഞ്ചോട് ചേർത്ത് നിർത്താൻ തോന്നി അവന്.. പാപിയാണ് ഞാൻ... അകറ്റി നിർത്തിയിട്ടേയുള്ളൂ.... എനിക്ക് വേണ്ടി. അവന്റെ മനം ഉരുകി. " ആ ദുഷ്ടന്റെ സഹായിയുടെ കൈ യിൽ നിന്നും എങനെയോ രെക്ഷപ്പെട്ട് ജീവിക്കുമ്പോൾ എന്റെ കൈ യിൽ എന്റെ മാനം മാത്രമേ ഉള്ളായിരുന്നു മോനെ..... കുറേ അനുഭവിച്ചു..... പക്ഷെ വർഷങ്ങൾക്ക് ശേഷം. എന്റെ മോനെ... നിന്നെ ഭഗവാൻ എന്റെ മുന്നിൽ എത്തിച്ചു... എന്റെ പൊന്നു മോൻ.... അവന്റെ കവിളിൽ തലോടി കൊണ്ട് രാധമ്മ പറഞ്ഞതും അവൻ ആ കൈ തടഞ്ഞ് ആദ്യമായ് അവൻ മുത്തം നൽകി.

" ഇവിടെ നിന്റെ കൂടെ ആ ദുഷ്ടന്റ്മുന്നിൽ ജീവിക്കുമ്പോൾ എനിക്കൊരു കാര്യം ഉറപ്പായിരുന്നു. നിന്റെ പേരിലുള്ള സ്വത്ത് അയാളുടെ പേരിലാക്കാതെ അയാൾ നിന്നെ ഒന്നും ചെയ്യില്ല.പക്ഷെ സത്യം എന്തെന്ന് നീ അറിഞ്ഞാൽ അയാൾ നിന്നെ കൊല്ലും.. അതുകൊണ്ടാ മോനെ... ഞാൻ... നിന്റെ വല്യച്ഛൻ .. ആ മനുഷ്യ ൻ എല്ലാം അറിഞ്ഞാൽ സഹിക്കില്ല...... അതാ ഞാൻ...... " കരഞ്ഞു കൊണ്ട് അവന്റെ നെഞ്ചിലേക്ക് രാധമ്മ വീണു.... അവരെ ഇറുക്കെ പുണർന്ന് അവനും കരഞ്ഞു." കരച്ചിൽ ഒന്ന് മാറിയതും രാധമ്മയെ അടർത്തി മാറ്റി. രാധമ്മ അവന്റെ മുഖത്തേക്ക് നോക്കി.

ദേഷ്യം കൊണ്ട് വല്ലാതെയിരിക്കുന്ന അവന്റെ മുഖം കാൻകെ അവരിൽ ഭയമുണ്ടാക്കാൻ തുടങ്ങി. മോ.. മോനെ വെറുതെ വിടില്ല ഞാൻ..... എന്റെ അച്ഛനേയും അമ്മയേയും കൊന്ന് എന്നെ അനാഥനക്കിയവനെ . എന്റെ രാധമ്മയുടെ ജീവിതം തകർത്തവനെ... എന്റെ വല്യച്ചന്റെ വിശ്വാസത്തെ ചൂഷണം ചെയ്തവനെ വിടില്ല ഞാൻ.. അതും പറഞ്ഞ് ശിവൻ അവിടെ നിന്നും നടന്നു. വേണ്ടാ... മോനെ.... അയാൾ... അയാൾ നിന്നെ കൊല്ലും..... പോകല്ലേ...... അവന്റെ കൈയിൽ പിടിച്ച് രാധമ്മ കരഞ്ഞുകൊണ്ട് പറഞ്ഞതും അവൻ ആ കൈ തട്ടി മാറ്റി. " അവനെന്നെ കൊല്ലാൻ പോകുന്നതിന് മുന്നേ അവന്റെ തല ഞാനെടുക്കും.... "

അത്രയും പറഞ്ഞ് വീറോടെ ശിവൻ നടന്നു. " പോകല്ലേ മോനെ...... മോനെ......ശിവാ...,. പോകല്ലേ.... പോ....... ബാക്കി പറയുന്നതിന് മുന്നേ രാധമ്മ കുഴഞ്ഞ് നിലത്തേക്ക് വീണു " ശബ്ദം കേട്ട് ശിവൻ തിരിഞ്ഞു നോക്കിയതും നിലത്ത് കിടക്കുന്ന രാധമ്മയെ കണ്ട് അവൻ പതറി പോയ്‌.......... " രാധമ്മേ........ " ഉറക്കെ വിളിച്ചു കൊണ്ട് അവൻ അവരുടെ അടുത്തേക്കോടി...... ഹൃദയത്തിന് സഹിക്കാവുന്നതിനപ്പുറം വേദനയായി കഴിഞ്ഞിരിക്കുന്നു...... ഒരുപാട് അനുഭവിച്ച സ്ത്രീ.... സ്വന്തം കുഞ്ഞല്ലെങ്കിൽത്തന്നെയും അവന് വേണ്ടി കാവലിരുന്ന അമ്മ. ജന്മം കൊടുക്കാതെ അമ്മയാകാമെന്ന് കാട്ടിത്തന്നവൾ.❤ ................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...