💙ഗൗരിപാർവതി 💙: ഭാഗം 9

രചന: അപ്പു അച്ചു

"ദേവകി.. നിക്ക് മാണിക്യമംഗലം ഇല്ലത്തെ ബ്രഹ്മദത്തൻ തിരുമേനിയെ ഒന്ന് കാണാം പോണം. പ്രശ്നമൊന്നും ഇല്ലെച്ചാൽ നാളെത്തന്നെ." വാസു "എന്താ ഇപ്പോ കാണാൻ, എന്തേലും പ്രശ്നം ഉണ്ടോ " ദേവകി ആധിയോടെ തിരക്കി. "ഉള്ളിൽ എന്തോ ഒരു ഭയം. ഒന്ന് ചെന്ന് കണ്ടാൽ ഒരു ആശ്വാസം. " വാസു. "വിച്ചുനെയും കൂടെ കൊണ്ടുപോന്നുണ്ടോ. അവൻ ഇവിടെ ചുമ്മാ ഇരിക്കുവല്ലേ ". ദേവകി. "വേണ്ടാ ... ഞാൻ ആ മാധവനോട് പറഞ്ഞിട്ട്ണ്ട്. വേറെ ആരോടും ഈ കാര്യം പറയേണ്ട. ഒരാളെ കാണാൻ പോയെന്ന് പറഞ്ഞാ മതി. " വാസു. "മ്മ്.... ശരി ". ദേവകി. വാസുദേവൻ കാര്യസ്ഥൻ മാധവനൊപ്പം ഇല്ലതേക്ക് തിരിച്ചു. 🔹🔹🔹🔹🔹🔹🔹🔹🔹 "തിരുമേനി ഇല്ല്യേ " വാസു. "ഉണ്ട് വിളികാം , കേറി ഇരുന്നോള്ളൂ " ഒരാൾ. തിരുമേനി ഇറങ്ങി വന്നു. 0 "ഇതാരാ വർമ്മയോ , എന്താടോ ഇങ്ങോട്ട് , കുറേ നാളായല്ലോ😊 " തിരുമേനി ഇറങ്ങി വന്നു. "വയസായില്ലടോ... 😊. പണ്ടത്തെ പോലെ ഒന്നിനും വയ്യാ. ഇപ്പൊ ഞാൻ വന്നത് " വാസു. "മനസിലായി... "

വാസുദേവൻ പറയുന്നതിന് മുമ്പേ തിരുമേനി പറഞ്ഞു. "ആ കാവ് , അരനുറ്റാണ്ടായി പൂജ മുടങ്ങിട്ട്. കാവിൽ പൂജ തുടങ്ങാൻ... " "ഒന്നും തെളിഞ്ഞു കാണുന്നില്ല . ദേവി അല്ലായിരുന്നോ അവസാനമായി കാവിൽ വിളക്കുവെച്ചത് ."തിരുമേനി "എന്തെങ്കിലും പ്രശ്നം ഉണ്ടോ? "വാസു. "താൻ പേടികാതെ.. ടോ.. പിന്നെ വിഷ്ണു.. അവന്റെ ബിസിനെസ്സ് ഒക്കെ എങ്ങനെ പോകുന്നു... എല്ലാർക്കും സുഖമാണോ "അങ്ങനെ അവർ അവരുടേതായ കാര്യങ്ങൾ പറഞ്ഞു വാസുദേവൻ അവിടുന്നു തിരിച്ചു. അങ്ങനെ ദിവസങ്ങൾ സാധാരണപോലെ കടന്നു പോയി. പ്രേത്യേകിച്ച് മൂന്നിന്റെയും പാരവെപ്പും വഴക്കും. 🔹🔹🔹🔹🔹🔹🔹🔹🔹 പാരിജാതപൂവിന്റെ മണവും പിറ്റേന്ന് പെയ്തമഴയുടെ കുളിരുമാണ് ഗൗരിയെ ഉണർത്തിയത്. നാസികയിലേക്ക് ഇരച്ചു കയറുന്ന പാരിജാതപൂവിന്റെ സുഗന്ധം അവൾക്ക് ഉണർവുനൽകി. അവൾ അത് എവിടുന്നാണ് എന്ന് ജനാലയിലൂടെ നോക്കി. അവളുടെ ദൃഷ്ടി ചെന്നെത്തിയത് അകലെ കാടുമൂടി കിടക്കുന്ന ആ കവിലാണ്.

പലവട്ടം അവിടെ പോകാൻ ഒരുങ്ങിയതാണ് പക്ഷേ മുത്തശ്ശൻ തടഞ്ഞു. ആരും അങ്ങോട്ടു പോയി കണ്ടിട്ടില്ല. ചോദിച്ചപ്പോ അമ്മ പോലും അവിടം നേരെചൊവ്വേ കണ്ടിട്ടില്ല . അങ്ങോട്ടു പോകുന്നത് മുത്തശ്ശൻ വിലക്കി. എന്താണെന്ന് ആർക്കും അറിയില്ല. ഒരു വട്ടം അവിടെ പോയ ഒരാൾ സർപ്പദശനമേറ്റ്‌ മരിച്ചു.ചിന്തകൾക്ക് വിരാമമിട്ട് ഗൗരി പുറത്തേക്ക് നോക്കി. സൂര്യൻ ഉദിച്ചു വരുന്നതേ ഉള്ളൂ. ഇലകളിൽ പറ്റിയിരുന്ന വെള്ളത്തുള്ളികൾ മരചില്ലകളുടെ ഇടയിലുടെ അരിചെത്തുന്ന സൂര്യകിരണങ്ങളാൽ തിളങ്ങി. പല നിറത്തിലുള്ള കുരുവികൾ ചെത്തിപൂവിനുചുറ്റും പറക്കുന്നു. ഗൗരി കുറച്ചു നേരം അങ്ങനെ നിന്നിട്ട് താഴേക്ക്‌ ഇറങ്ങി. ഗായു നല്ല ഉറക്കമാണ്. 🔹🔹🔹🔹🔹🔹🔹🔹🔹 ഒരു പെൺകുട്ടി കുളത്തിലെക്ക് നോക്കിയിരിക്കുന്നു. അവളുടെ അടുത്ത് ഒരാൾ വന്നിരുന്നു. "ഏട്ടന്റെ അനിയത്തികുട്ടി പിണങ്ങിയോ.. മ്മ്.... "അവൾ അയാളെ തിരിഞ്ഞു നോക്കി. അവളുടെ കണ്ണുകൾ അയാളിൽനിന്ന്‌ പുറകിലേക്ക് മാറി. മഹി ഉറക്കത്തിൽ നിന്ന്‌ ഞെട്ടി ഉണർന്നു. മുൻപ് കണ്ട സ്വപ്നം ഒരു നിറം മങ്ങിയ ചിത്രംപോലെ തെളിഞ്ഞു , പക്ഷേ ഒന്നും വ്യക്തമാകുന്നില്ല ആ കണ്ണുകളും അതിൽ നിറഞ്ഞുനിൽക്കുന്ന ദേഷ്യവും ഒഴിച്ച്.........തുടരും...

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...