ഹൃദയസഖി : ഭാഗം 21
എഴുത്തുകാരി: ടീന കൊട്ടാരക്കര അഭിമന്യു കൃഷ്ണയെ മുറുകെ പുണർന്നു. കുറെ നേരം ഇരുവരും ആ നിൽപ്പ് തുടർന്നു. കൃഷ്ണയുടെ കണ്ണിൽ നിന്നും കണ്ണീർ ധാരയായി ഒഴുകുന്നുണ്ടായിരുന്നു. അഭി
Jul 28, 2020, 11:03 IST
എഴുത്തുകാരി: ടീന കൊട്ടാരക്കര
അഭിമന്യു കൃഷ്ണയെ മുറുകെ പുണർന്നു. കുറെ നേരം ഇരുവരും ആ നിൽപ്പ് തുടർന്നു. കൃഷ്ണയുടെ കണ്ണിൽ നിന്നും കണ്ണീർ ധാരയായി ഒഴുകുന്നുണ്ടായിരുന്നു. അഭി അവളുടെ തലയിൽ തഴുകി ആശ്വസിപ്പിച്ചുകൊണ്ടിരുന്നു. അൽപനേരത്തിനു ശേഷം അവളെ നെഞ്ചിൽ നിന്നടർത്തി കണ്ണുകൾ തുടച്ചുകൊണ്ട് മുറിയിലേക്ക് കയറി.
കൃഷ്ണയെ കട്ടിലിൽ ഇരുത്തി അവൾക്ക് എതിർവശത്തൊരു കസേരയിലായി അഭിയും ഇരുന്നു. അവളുടെ കരച്ചിലൊന്നടങ്ങിയതിനു ശേഷം അഭി സംസാരിച്ചു തുടങ്ങി.
” ശ്രീജിത്തിനെ ഫോളോ ചെയ്തു ഞാൻ നിന്റെ വീട്ടിലെത്തിയില്ലേ.. അന്ന് തന്നെ എനിക്കെന്തോ പന്തികേട് തോന്നിയിരുന്നു. കാരണം ആ സന്ധ്യ നേരത്തു നീ ഒറ്റയ്ക്കു വീട്ടിലേക്ക് പോകില്ലല്ലോ..