💞ഹൃദയത്തിൽ ഒരിടം💞: ഭാഗം 9

എഴുത്തുകാരി: മിന്നു 

ദേവുവിനെ നോക്കി നിൽക്കുന്ന ആദിയുടെ അടുത്തേക്ക് കിച്ചു ഓടിവന്നു. "എടാ നിന്റെ അമ്മാവന്റെ മോളേ കാണാൻ സൂപ്പറായിട്ടുണ്ട്, എങ്ങനെ ഇരുന്ന പെണ്ണാ ഇപ്പോ വളർന്ന് സുന്ദരി ആയിട്ടുണ്ട്. എനിക്ക് അവളെ ഒന്ന് പരിചയപ്പെടുത്തി താടാ....... " അപ്പോഴാണ് മിഥു ഇതു കേട്ട് കൊണ്ട് അങ്ങോട്ടേക്ക് വന്നത്. 😮😮😮😮😥😥😥 " ഡാ...... കിച്ചൂ....... അമ്മാവന്റെ ഏത് മോളെയാ നിനക്ക് ഇഷ്ടമായത്😥😥😥" മിഥുവിൻ്റെ മുഖത്താകെ പരിഭ്രമം "അത്...... ഹിമയെ......" ( തെല്ലു നാണത്തോടെ കിച്ചു അത് പറഞ്ഞപ്പോഴാണ് മിഥുവിന് ആശ്വാസമായത്) " ഹോ ഹിമ ആണോ..... എങ്കിൽ സാരമില്ല, ഞാൻ കരുതി നീലിമ ആയിരിക്കും എന്ന്... ഇപ്പോഴാ ആശ്വാസം ആയത്.... ഞാൻ നീലിമയ്ക് എന്റെ നമ്പർ കൊടുത്തിട്ടുണ്ട്.😁😁

രണ്ടുപേരുടെയും സംസാരം കേട്ട് ആദി ആകെ കലിപൂണ്ട് നിൽക്കുകയാണ്. " നിങ്ങൾ രണ്ടും വന്നത് ചേച്ചിയുടെ ചടങ്ങിന് ആണോ അതോ വായ്നോക്കാനോ" " നീ എന്തിനാ ആദി ദേഷ്യപ്പെടുന്നത്??? നിൻറെ പെങ്ങൾ ഒന്നുമല്ലല്ലോ.... എന്തായാലും നിൻറെ വിവാഹം കഴിഞ്ഞു അപ്പോൾ പിന്നെ നിൻറെ മുറപെണ്ണിന് ഒരു ജീവിതം കൊടുക്കാമെന്ന് ഞങ്ങൾ കരുതിയതിൽ എന്താണ് ഒരു തെറ്റ്..." കിച്ചുവിൻറെ മറുപടിക്ക് സപ്പോർട്ട് ആയി മിഥുനും നിലയുറപ്പിച്ചു. അതോടെ ആദി രണ്ടുപേരെയും കണ്ണുരുട്ടി പേടിപ്പിച്ചു. അപ്പോഴാണ് അങ്ങോട്ടേക്ക് ദേവു കടന്നുവന്നത്. "എന്താ ഇവിടെ ഒരു ചർച്ച...." "അതേയ്..... ദേവൂ നിൻറെ കെട്ടിയോന് ഭയങ്കര അസൂയയാണ്...

അവൻറെ മുറ പെണ്ണുങ്ങളെ ഞങ്ങൾ വായിനോക്കിയത് അവനു പിടിച്ചില്ല, അല്ല നീ തന്നെ ഒന്നു പറയൂ കല്യാണ പ്രായം തികഞ്ഞ ചെറുപ്പക്കാർ അല്ലേ ഞങ്ങൾ... ഇത്രയും സൽസ്വഭാവികളും സുന്ദരന്മാരും ആയ ചെറുക്കനെ അവർക്ക് ഇനികിട്ടില്ല 😇😇എന്ന് ഒന്ന് പറഞ്ഞു മനസ്സിലാക്ക്....." (മിഥുവും കിച്ചുവും ഒരേ സ്വരത്തിൽ മറുപടി നൽകി). ദേവു നോക്കിയപ്പോൾ ആദി നിന്ന് ചിരിക്കുവാണ്. തൽകാലത്തേക്ക് ഹിമയോടും നീലിമയോടും സംസാരിക്കാൻ ഒരു അവസരം ഉണ്ടാക്കി നൽകാമെന്ന് ദേവു അവർക്ക് ഉറപ്പ് നൽകി. "അത് മതി ബാക്കി ഞങ്ങൾ നോക്കിക്കോളാം" എന്ന് മിഥുവും കിച്ചുവും പറഞ്ഞതനുസരിച്ച് ദേവു ഹിമയെയും നീലിമയെയും വിളിച്ചു സംസാരിക്കാൻ തുടങ്ങി.

ആദ്യം ഒന്നും അറിയാത്തപോലെ കിച്ചു അങ്ങോട്ടേക്ക് വന്നു അൽപ്പസമയത്തിന് ശേഷം മിഥുവും. എല്ലാവരും പരസ്പരം നന്നായി സംസാരിക്കാൻ തുടങ്ങിയപ്പോൾ ദേവു മെല്ലെ അവിടെ നിന്നും വലിഞ്ഞു എന്നിട്ട് ആദിയുടെ അടുത്ത് ചെന്ന് നിന്നു. "മ്മം........ ബ്രോക്കർ പണിക്ക് പോയിട്ട് എന്തായി വല്ലതും നടക്കുമോ???" (ആദി അവളെ കളിയാക്കി). "ബ്രോക്കർ നിങ്ങളുടെ കെട്ടിയോള്" (ദേവു കലിപ്പിൽ പറഞ്ഞു. ആദിയുടെ ചിരി കണ്ടപ്പോഴാണ് തെറി പറഞ്ഞത് തന്നെ തന്നെയാണ് എന്ന് അവൾക്ക് ഓർമ്മ വന്നത്. ചമ്മിയ മുഖത്തോടെ അവൾ ആദിയെ നോക്കി") "ഓ........ അധികം ചിരിക്കണ്ട, ഒരു അബദ്ധമൊക്കെ ഏത് പോലീസ്‌കാരനും പറ്റും.... ആദിയേട്ടന് വയ്യാതിരുന്നല്ലോ അവരെ ഹെൽപ്പ് ചെയ്യാൻ......

എന്നിട്ട് പിന്നെ എന്തിനാ എന്നോട് അന്വേഷിക്കുന്നേ??" ( ദേവു ഒരു ലോഡ് പുച്ഛം വാരി വിതറി) "ഡീ നിന്നെ ഇന്ന് ഞാൻ......" ന്നും പറഞ്ഞ് ആദി അവളുടെ കൈ പിടിച്ചു തിരിച്ചു. "അയ്യോ........ ആദിയേട്ടാ വിട്ട്...... വേദനിക്കുന്നു......." "വേദനിക്കാൻ വേണ്ടിയാണ് പിടിച്ചത്, ആദ്യം സോറി പറ...... എന്നാൽ വിട്ടാം" "ആ...... സോറി.... സോറി..... എന്നെ വിട്ട്......" (അപ്പോഴാണ് ആദി അവളുടെ കൈയിലെ പിടിവിട്ടത്. കൈ കുടഞ്ഞു കൊണ്ട് മുഖം വീർപ്പിച്ച് അവൾ നിന്നു.). "മര്യാദക്ക് ചോദിച്ചതല്ലേ ഞാൻ... അപ്പോ അഹങ്കാരം കാണിച്ചിട്ടല്ലേ ഇപ്പോ വേദനിക്കേണ്ടി വന്നത്......." ദേവു അപ്പോഴും ഒന്നും മിണ്ടിയില്ല. അവൾ പരിഭവിച്ചു നിൽക്കയാണെന്ന് ആദിക്ക് മനസ്സിലായി.

ആദി അവളുടെ കൈയിൽ വിരലുകൾ കോർത്തു. ദേവു അവന്റെ കൈ തട്ടി മാറ്റാൻ നോക്കിയപ്പോൾ ആദി അവളെ രൂക്ഷമായി ഒന്ന് നോക്കി. ആദി കലിപ്പിൽ ആയാൽ താൻ തന്നെ വേദനിക്കേണ്ടി വരുമെന്ന് അറിയുന്നത് കൊണ്ട് ദേവു പിന്നെ എതിർത്തില്ല. അവന് മുഖം കൊടുക്കാത്തേ അവൾ ദൂരേക്ക് നോക്കി നിന്നു. പുറം കൈയിൽ ആദിയുടെ ചുണ്ടുകൾ പതിഞ്ഞപ്പോഴാണ് അവൾ തിരിഞ്ഞു നോക്കിയത്. ഒരു ചെറു ചിരിയോടെ തന്നെ നോക്കുന്ന ആദിയെ കണ്ടപ്പോൾ അവളുടെ പരിഭവം എങ്ങോ പോയി മറഞ്ഞു. പെട്ടെന്നാണ് അവൾക്ക് സ്ഥലകാല ബോധം വന്നത്. "വിട്ടേ ആദിയേട്ടാ..... ആരേലും കാണും...." ആദി വേഗം ചുറ്റും നോക്കി. ഭാഗ്യത്തിന് ആരും അവരെ ശ്രദ്ധിക്കുന്നുണ്ടായിരുന്നില്ല.

ആദി ദേവുനെ നോക്കി ഒന്ന് ചിരിച്ചിട്ട് കുറച്ചു നീങ്ങി നിന്നു. എന്നാൽ അവളുടെ കൈയിലെ പിടി വിട്ടാൻ അവൻ തയ്യാറായില്ല. "ദേവൂ.............." "മ്മം................." "അമ്മാവന് ഇതൊന്നും ഇഷ്ടമല്ല അതാ ഞാൻ അവരെ സപ്പോർട്ട് ചെയ്യാഞ്ഞത്. ഹിമയും നീലിമയും നല്ല കുട്ടികളാണ് പക്ഷേ അവരുടെ അടുത്തേക്ക് പോയിരിക്കുന്നത് മിഥുവും കിച്ചുവും അല്ലേ..... അവൻമാരുടെ സംസാരത്തിൽ അവര് മൂക്കും കുത്തി വീഴും എന്ന കാര്യം ഉറപ്പാണ്. നാളെ ഒരു പ്രശ്നം വന്നാൽ നമ്മൾ ആരുടെ പക്ഷത്ത് നിൽക്കും... അതാ ഞാൻ അവരെ പ്രോൽസാഹിപ്പിക്കാഞ്ഞത്......." ആദിയുടെ സംസാരം കേട്ടപ്പോൾ ദേവുവിന് വല്ലാത്ത കുറ്റബോധം തോന്നി "സോറി ആദിയേട്ടാ...... ഞാൻ ഇതൊന്നും ആലോചിച്ചില്ല......"

. "സാരമില്ല ഞാൻ പറഞ്ഞുന്നേയുള്ളൂ..... അങ്ങോട്ട് നോക്ക് അവരുടെ ചിരിയും കളിയും കാണുമ്പോൾ തന്നെ ഉറപ്പിക്കാം അവര് സെറ്റ് ആയെന്ന്..." ദേവു നോക്കിയപ്പോൾ ഒരു വശത്ത് കിച്ചുവും ഹിമയും മറുഭാഗത്ത് മിഥുവും നീലിമയും കത്തി കയറുന്നുണ്ട്. "അയ്യോ ഇത് പ്രശ്നമാവുമോ ആദിയേട്ടാ" "സാരമില്ല... ഏത് വരെ പോകുമെന്ന് നോക്കാം. ഒരു തരത്തിൽ പറഞ്ഞാൽ അവൻമാർക്ക് ഈ പെണ്ണും കല്യാണവും എന്നൊക്കെ ഉള്ള ചിന്ത ഉണ്ടാക്കിയത് നമ്മളാ....." ആദി പറഞ്ഞത് ദേവുന് മനസ്സിലായില്ല. അവൾ എന്താന്നുള്ള ഭാവത്തിൽ ആദിയെ നോക്കി. "അത് ഇന്ന് അടുക്കളയിൽ വച്ച് കിച്ചു നമ്മളെ കണ്ടില്ലേ.. അത് അവൻ മിഥുവിനോട് പറഞ്ഞു.

അപ്പോൾ തുടങ്ങിയതാ രണ്ടും ഞങ്ങൾക്കും കല്യാണം കഴിക്കണമെന്ന് പറഞ്ഞ്... ഹിമയുടെയും നീലിമയുടെയും കഷ്ടകാലത്തിന് അവർക്കാ നറുക്ക് വീണത്". ആദിയുടെ സംസാരം കേട്ടപ്പോൾ നാണം കൊണ്ട് ദേവുവിന്റെ മുഖം ചുവന്നു. അതിനോടൊപ്പം അവൾക്ക് ചിരിയും വരുന്നുണ്ട്. അപ്പോഴാണ് അച്ഛൻ ദേവുനെ വിളിച്ചത്. "ഇതാ വരുന്നു" ന്ന് പറഞ്ഞ് ദേവു പോകാൻ നോക്കിയെങ്കിലും ആദി അവളുടെ കൈയിലെ പിടി വിട്ടില്ല. "അയ്യോ ആദിയേട്ടാ വിട്ട്..... അച്ഛൻ വിളിക്കുന്നു..." "വിളിച്ചോട്ടേ......." "ദേ... കളിക്കല്ലേ... എന്നെ വിട്ട് ഞാൻ പോട്ടേ........". "പോക്കോ.... പക്ഷേ ഞാൻ ഈ പിടി വിട്ടില്ല......" "ശ്ശൊ..... കളിക്കല്ലേ ആദിയേട്ടാ.... വിട്ട്...." അപ്പോഴേക്കും ആദീ........

ന്നുള്ള അമ്മാവന്റെ വിളിയും ഉയർന്നു. "അതാ എന്നെയും വിളിച്ചു ഇനി നമ്മുക്ക് ഒരുമിച്ച് പോകാം, വാ......." ആദി അവളുടെ കൈയും പിടിച്ച് മുന്നിൽ നടന്നു. പറഞ്ഞിട്ട് കാര്യമില്ല എന്ന് അറിയുന്നത് കൊണ്ട് ദേവു പിന്നെ ഒന്നും പറഞ്ഞില്ല. "ആഹ്........ വന്നോ രണ്ടാളും..... ഞങ്ങൾ ഇറങ്ങുവാ..... നീ ഒരു ദിവസം ദേവുവിനെ യും കൂട്ടി വീട്ടിലേക്ക് വരണം അത് പറയാനാ ഞാൻ വിളിച്ചത്. വരുമ്പോൾ ചിന്നുവിനെ യും കൂട്ടിക്കോ അമ്മ കുറച്ചു ദിവസമായി അവളെ കാണണം എന്ന് പറയുന്നു. ദേവുവിനെയും അമ്മ കണ്ടിട്ടില്ലല്ലോ. അതുകൊണ്ട് നീ ഒരു ദിവസം അവരെയും കൂടി അങ്ങോട്ട് ഇറങ്ങ് കേട്ടോ......" "ശരി അമ്മാവാ..... പറ്റിയാൽ നാളെ തന്നെ ഞങ്ങൾ വരാം".

"ആഹ്..... എന്നാ ശരി, വരുമ്പോൾ വിളിക്ക്. ഇറങ്ങട്ടെ ഞങ്ങൾ. ദേവൂ മോളേ പോട്ടേ...." . അമ്മാവനും കുടുംബവും ഇറങ്ങുമ്പോൾ ഹിമയുടെയും നീലിമയുടെയും കണ്ണുകൾ കിച്ചുവിന്റെ യും മിഥുവിന്റെ യും നേരേ ആയിരുന്നു. എല്ലാം കണ്ട ദേവു ആദിയെ നോക്കിയപ്പോൾ അവൻ അവളെ നോക്കി സൈറ്റ് അടിച്ചു കാണിച്ചു. രാത്രി വരെ എല്ലാവരും അപ്പച്ചിയുടെ വീട്ടിൽ തന്നെ ആയിരുന്നു. മറ്റുള്ളവർ എല്ലാം പോയി കഴിഞ്ഞപ്പോഴാണ് കിച്ചു അവൻ ബാഗ്ലൂർ ന്ന് കൊണ്ട് വന്ന സാധനങ്ങൾ ഒക്കെ എടുത്ത് ഓരോരുത്തർക്കും കൊടുത്തത്. സുമേച്ചിക്കും ജനിക്കാൻ പോകുന്ന കുഞ്ഞുവാവയ്ക്കുമായി ഒരു കുന്ന് സാധനങ്ങൾ അവൻ കൊണ്ട് വന്നിട്ടുണ്ട്.

ദേവുവിനടക്കം മറ്റുള്ളവർക്ക് എല്ലാവർക്കും ഡ്രസ്സും. ചിന്നുവിന് ഡ്രസ്സിനോടൊപ്പം ചോക്ലേറ്റ്സും കളിപ്പാട്ടങ്ങളും. അത് എടുത്ത് കൊടുക്കുമ്പോൾ കിച്ചു ചിന്നുവിനോട് പറഞ്ഞു. "ഈ തവണയും കൂടിയെ ഉള്ളൂ നിനക്ക് ഇതൊക്കെ, അടുത്ത തവണ മുതൽ എല്ലാം കുഞ്ഞുവാവയ്ക്കാണ്." കിച്ചു തമാശയ്ക് പറഞ്ഞതാണെങ്കിലും ചിന്നുവിന് അത് ഒട്ടും പിടിച്ചില്ല. അവനോടു ദേഷ്യം പിടിച്ച് അവൾ വീട്ടിലേക്ക് പോവാൻ വേണ്ടി വാശി പിടിച്ചു. അപ്പോഴും കിച്ചു കൊടുത്ത ചോക്ലേറ്റ്സ് അവൾ കൈ വിട്ടില്ല. അവസാനം ചിന്നുവിനെ സമാധാനിപ്പിക്കാൻ വേണ്ടി ദേവു അവളെയും കൂടി വീട്ടിലേക്ക് പോയി. കിച്ചു കൊടുത്ത മറ്റ് സാധനങ്ങൾ എടുത്ത് ആദി പിന്നാലെയും......

ചിന്നുവിന് അപ്പുറവും ഇപ്പുറവുമായി കിടക്കുമ്പോഴും ആദിയുടെയും ദേവുവിന്റെയും കണ്ണുകൾ പരസ്പരം കോർത്തു കിടന്നു. ഏട്ടാ.... ന്നുള്ള ചിന്നുവിന്റെ വിളി കേട്ടപ്പോഴാണ് ദേവു മിഴികൾ താഴ്ത്തിയത്. "ഏട്ടാ....... ചിന്നൂട്ടിക്ക് കുഞ്ഞാവയെ വേണം". "എന്താന്ന്.........." (ചിന്നുവിന്റെ ആവശ്യം കേട്ട് ആദിയും ദേവുവും ഒരുപോലെ ഞെട്ടി). "എന്താ. മോള് പറഞ്ഞേ( കേട്ടത് തെറ്റിയതാണോ എന്ന് ഉറപ്പിക്കാൻ ആദി ചിന്നുവിനോട് ചോദിച്ചു). "എനിക്കും വേണം കുഞ്ഞാവയെ..... കിച്ചേട്ടൻ എന്തോക്കെയാ വാവയ്ക്ക് കൊണ്ട് വന്നേന്ന് ഏട്ടൻ കണ്ടില്ലേ... അതൊക്കെ എനിക്കും വേണം. ഇവിടെ കുഞ്ഞാവ വന്നാൽ അതൊക്കെ കിച്ചേട്ടൻ എനിക്കും കൊണ്ട് തരും"

"അതിനാണോ കുഞ്ഞാവ... അതൊക്കെ ഏട്ടൻ വാങ്ങി തന്നാൽ പോരെ ചിന്നൂട്ടിക്ക്...." "പോരാ..... എന്റെ ഫ്രണ്ട് ലിയക്ക് കുഞ്ഞാവ ഉണ്ടല്ലോ, അവള് പറയുവാ അവളുടെ കുഞ്ഞാവയെ കാണാൻ ബാർബി ഡോളിനെ പോലെ ആണെന്ന്. അവൾ കുഞ്ഞാവയെ കളിപ്പിക്കും ഉമ്മ കൊടുക്കും... എന്ത് രസമാണെന്നോ... എനിക്കും വേണം അതുപോലെ ഒരു കുഞ്ഞാവയെ." "കുറച്ചു ദിവസം കഴിഞ്ഞാൽ സുമേച്ചി കുഞ്ഞാവയെയും കൂടി വരുമല്ലോ......" (ആദി വീണ്ടും അവളെ ഓരോന്ന് പറഞ്ഞ് സമാധാനിപ്പിക്കാൻ ശ്രമിച്ചു). "അത് പോരാ..... സുമേച്ചിയുടെ കുഞ്ഞാവ കിച്ചേട്ടന്റെ വീട്ടിൽ അല്ലേ വരുവാ എനിക്ക് ഈ വീട്ടിലെ കുഞ്ഞാവയെ വേണം" ഇനി ചിന്നുവിനോട് ഒന്നും പറഞ്ഞിട്ട് കാര്യമില്ല എന്ന് ആദിക്ക് മനസ്സിലായി.

"ഏട്ടൻ റെഡിയാ ചിന്നൂട്ടിക്ക് കുഞ്ഞാവയെ തരാൻ, മോള് ഏടത്തിയമ്മയോട് പറ" ആദിയുടെ ഉത്തരം കേട്ടതും ദേവു ഒന്ന് ഞെട്ടി. ചിന്നു ആണെങ്കിൽ ആകെ ഹാപ്പി. "ഏടത്തിയമ്മയുടെ കൈയിലാണോ കുഞ്ഞാവ ഉള്ളേ???ഏടത്തിയമ്മേ.... ഏടത്തിയമ്മയ്ക്ക് കുഞ്ഞാവയെ ഇഷ്ടമല്ലേ......ചിന്നൂട്ടിക്ക് ഒരു കുഞ്ഞാവയെ തരുവോ plzzz " (ചിന്നു ദേവുനോട് കൊഞ്ചാൻ തുടങ്ങി) "ചിന്നൂട്ടി ഇപ്പോ ഉറങ്ങിയേ..... അതൊക്കെ നമ്മുക്ക് രാവിലെ തീരുമാനിക്കാം" "ശരിക്കും?????" (ദേവു ഒരു വിധത്തിൽ ചിന്നുവിനെ സമാധാനിപ്പിച്ച് ഉറക്കാൻ നോക്കുമ്പോഴാണ് ആദി അവന്റെ സംശയവും കൊണ്ട് വന്നത്) "ഇതാ ആദിയേട്ടാ എന്റെ കൈയിന്ന് കിട്ടുവേ....

മിണ്ടാതെ കിടന്നോളണം അവിടെ" "ഞാൻ ഒന്നും പറഞ്ഞില്ലേ ന്ന് പറഞ്ഞ് ആദി വേഗം തിരിഞ്ഞു കിടന്നു. "ഇവിടെ മര്യാദക്ക് ഒരു ഉമ്മ പോലും കിട്ടിയില്ല അപ്പോഴാ കുഞ്ഞാവ " ആദി ആരോടെന്നില്ലാതെ പറഞ്ഞു. അത് കേട്ട് ദേവൂന് ചിരി വന്നെങ്കിലും അവൾ അടക്കിപ്പിടിച്ചു. തന്റെ ഒരു ചിരി മതി ആദിയെ ബാലൻ കെ നായർ ആക്കി മാറ്റാൻ എന്ന പേടി ഉള്ളത് കൊണ്ട് അവൾ വേഗം മിണ്ടാതെ കിടന്നുറങ്ങി. രാവിലെ ഓഫീസിൽ പോകാനുള്ള തിരക്കിനിടയിൽ ആണ് ചിന്നു കുഞ്ഞാവ എന്ന ആവശ്യവുമായി ദേവുവിന്റെ അടുത്ത് എത്തിയത്. എന്ത് മറുപടി പറയണം എന്നറിയാതെ കുഴങ്ങി നിൽക്കുന്ന ദേവുവിനെ നോക്കി ആദിയുടെ കള്ളചിരിയും. അപ്പോഴാണ് അപ്പച്ചിയും കിച്ചുവും അങ്ങോട്ടേക്ക് വന്നത്. "എന്താ ചിന്നൂട്ടി രാവിലെ തന്നെ ഏടത്തിയമ്മയുടെ പിന്നാലെ...."

(അപ്പച്ചി ചോദിച്ചു) "എനിക്ക് കുഞ്ഞാവയെ വേണം അപ്പച്ചി, ഏട്ടൻ സമ്മതിച്ചു. ഏട്ടത്തിയമ്മ സമ്മതിക്കുന്നില്ല. അപ്പച്ചി ഒന്ന് പറയുവോ........" (ചിന്നുവിന്റെ ഉത്തരം കേട്ട് എന്ത് പറയണം എന്ന് അറിയാതെ അപ്പച്ചിയും അച്ഛനും സ്റ്റക്കായി.... കിച്ചു ആണേൽ പൂരച്ചിരിയും. ആദിയും ദേവുവും എല്ലാവരുടെയും നടുറോഡിൽ വിളറി വെളുത്ത് നിൽക്കുന്നുണ്ട്. ദേവു ചിന്നുവിനെയും എടുത്ത് മുറിയിലേക്ക് പോയി തൽക്കാലം ആ situation il നിന്നും എസ്കേപ്പായി. ഓഫീസിലേക്ക് പോകുമ്പോഴും ആദിയുടെയും ദേവുവിന്റെയും മുഖത്ത് ആ ചമ്മൽ ഉണ്ടായിരുന്നു. ഓഫീസിൽ ഇരിക്കുമ്പോഴും രണ്ടാളും അതിനെപ്പറ്റി തന്നെ ആയിരുന്നു ചിന്ത. വൈകിട്ട് ആദിയുടെ അമ്മവീട്ടിലേക്ക് പോവുന്നത് കൊണ്ട് അവർ ഓഫീസിൽ നിന്നും നേരത്തെ ഇറങ്ങി. മുത്തശ്ശി ആദ്യമായി ദേവുവിനെ കാണുന്നത് കൊണ്ട് സാരിയാണ് അവൾ ഉടുത്തത്. ചിന്നുവിനെയും ഒരുക്കി ഇറങ്ങുമ്പോൾ അവർക്ക് അറിയില്ലായിരുന്നു ആ യാത്ര അവരുടെ ജീവിതത്തിലെ ഒരു പ്രധാന വഴിതിരിവാണെന്ന്...............................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...