ഒരു അഡാർ പെണ്ണുകാണൽ : ഭാഗം 23
നോവൽ IZAH SAM അന്നും കടന്നു പോയി. ഞാൻ അമ്പലത്തിൽ പോകാനായി അമ്മുവിനെ വിളിച്ചു അവളുടെ ശബ്ദത്തിൽ ഒട്ടും ഊർജ്ജമില്ലായിരുന്നു. എനിക്കും കാശിക്കും കൂടെ അച്ഛൻ ഒരു
Jul 13, 2020, 09:24 IST
നോവൽ
IZAH SAM
അന്നും കടന്നു പോയി. ഞാൻ അമ്പലത്തിൽ പോകാനായി അമ്മുവിനെ വിളിച്ചു അവളുടെ ശബ്ദത്തിൽ ഒട്ടും ഊർജ്ജമില്ലായിരുന്നു. എനിക്കും കാശിക്കും കൂടെ അച്ഛൻ ഒരു സ്കൂട്ടി വാങ്ങിത്തന്നിരുന്നു.
വീഡിയോ വന്നതിൽ പിന്നെ അന്ന് ഞാൻ ആദ്യമായി ആണ് പുറത്തിറങ്ങുന്നത്.. ഞാൻ സ്കൂട്ടിയിൽ അമ്മുവിന്റെ വീട്ടിൽ പോയി.
അമ്മവും ഞാനും സ്കൂട്ടിയിലാണ് അമ്പലത്തിൽ പോയത്….ശരിക്കും വർത്തമാനം പറഞ്ഞു അമ്പലത്തിൽ നടന്നു പോകുന്ന സുഖം അത് ഒന്ന് വേറെ തന്നയാ ..
അമ്പലത്തിൽ എത്തീട്ടും അമ്മു ഒന്നും മിണ്ടുന്നില്ല. ഞാൻ ഇന്നലെ ആദിയേട്ടൻ വന്ന കാര്യമൊക്കെ നേരത്തെ പറഞ്ഞിരുന്നു.
പക്ഷേ പുള്ളിക്കാരിയുടെ കിളികളെയൊക്കെ അഴിച്ചു വിട്ടിരിക്കുവാണു എന്ന് തോന്നുന്നു. എന്തായാലും പ്രാര്ഥിച്ചിട്ടു ചോദിക്കാം…ഞാൻ നന്നായി കണ്ണടച്ച് പ്രാർത്ഥിച്ചു…