പ്രണയവീചികൾ : ഭാഗം 17
നോവൽ എഴുത്തുകാരി: ആർദ്ര നവനീത് വൈകുന്നേരം നാൽവർ സംഘം ഒരുമിച്ചിരിക്കുമ്പോഴും ഋതുവിന്റെ ശരീരം മാത്രമേ അവിടെയുണ്ടായിരുന്നുള്ളൂ. അവളുടെ മനസ്സ് ചരട് പൊട്ടിയ പട്ടം കണക്കെ ഒരു തീരുമാനമെടുക്കാനാവാതെ
Jul 4, 2020, 09:00 IST
നോവൽ
എഴുത്തുകാരി: ആർദ്ര നവനീത്
വൈകുന്നേരം നാൽവർ സംഘം ഒരുമിച്ചിരിക്കുമ്പോഴും ഋതുവിന്റെ ശരീരം മാത്രമേ അവിടെയുണ്ടായിരുന്നുള്ളൂ. അവളുടെ മനസ്സ് ചരട് പൊട്ടിയ പട്ടം കണക്കെ ഒരു തീരുമാനമെടുക്കാനാവാതെ അലയുകയായിരുന്നു.
അവളുടെ ശ്രദ്ധ ഇവിടെങ്ങുമില്ലെന്ന് മനസ്സിലായ നീരവ് അമ്പുവിനോടും വൈശുവിനോടും അവളെ ശ്രദ്ധിക്കാൻ കണ്ണുകൊണ്ട് ആംഗ്യം കാട്ടി.
ടീ.. അമ്പുവിന്റെ ശക്തമായ അടി ചുമലിൽ പതിഞ്ഞപ്പോഴാണ് അവൾക്ക് സ്ഥലകാലബോധം വന്നത്.
എന്താടാ ദുഷ്ടാ.. എന്റെ ചുമലിടിച്ചു പൊളിച്ചല്ലോ നീ .. വേദനിച്ച ഭാഗം ഉള്ളംകൈകൊണ്ട് ശക്തമായി തിരുമ്മിക്കൊണ്ട് അവൾ ചോദിച്ചു.
എത്ര പ്രാവശ്യം വിളിച്ചതാ. നീ എന്ത് ആലോചിച്ചിരിക്കുവാ… വൈശു ചോദിച്ചു.