💞പ്രണയിനി 💞: ഭാഗം 48

രചന: SHREELEKSHMY SAKSHA

ശ്രദ്ധ നോക്കിയപ്പോൾ പുതപ്പിൽ നിന്ന് വെട്ടം ങേ.... പുതപ്പിനു സ്വയം പ്രകാശന ശക്തി കിട്ടിയോ.... അവൾ കൈയെത്തി ലൈറ്റ് ഇട്ട് പുതപ്പ് മാറ്റി നോക്കി. പ്യാവം ലെച്ചു അജുവിനോട് സൊള്ളിക്കൊണ്ടിരിക്കുന്നു... ഒറ്റ ചവിട്ട്.... ദേ കിടക്കുന്നു ലെച്ചു താഴെ... അമ്മോ... എന്റെ നടു.... എന്താടി... അവൾ നിലത്ത് കിടന്ന് കലിപ്പോടെ സച്ചുവിനെ നോക്കി.. കിടന്ന് ഉറങ്ങടി പോത്തേ.... വോ...... ഞാൻ നാളെ വിളിക്കാ ഗുഡ് നൈറ്... അവളെ നോക്കി പുച്ഛിച്ചുകൊണ്ട് ഫോണിൽ അജുവിനോട് പറഞ്ഞു അവൾ ഫോൺ വെച്ചു.. അവളുടെ ഒരു സൊള്ളൽ... ഇവിടെ മൂത്ത് നരച്ച ഒരു സിംഗിൾ ഇരിക്കുന്നത് നിനക്ക് കണ്ടൂടെ... ഇഹ്ഹ്... രാവിലെ വിളിക്കാൻ പറ്റില്ല അതാ... പിന്നെ... പറയുന്നത് കേട്ടാൽ തോന്നും നി ഇവിടേം അങ്ങേര് അങ്ങ് ഉഗാണ്ടയിലും ആണെന്ന... ഇന്നൂടെ കോളേജിൽ വെച് കണ്ടിറ്റ് അല്ലേടി വന്നേ.., ഇഹ്ഹ്... അതാണ്... പിന്നെ അവിടെ വെച് സംസാരിക്കാൻ കിട്ടില്ല... പിന്നെ പഴേ പോലെ അല്ലാലോ...

അങ്ങേര് ഇപ്പൊ എന്റെ പ്രൊഫസർ ആണ്... അയിന് ഞാൻ എന്തോ വേണം.... പേടിയാ മറ്റേതാ മറിച്ചതാ...എന്നും പറഞ്ഞു ഇവിടെ വന്നു കിടന്നത് ബാക്കിയുള്ളവന്റെ ഉറക്കം കളയാനാ.... ആകപ്പാടെ മനുഷ്യന് കുറച് എന്റെർറ്റൈമെൻറ് കിട്ടുന്നത് ഉറങ്ങുമ്പോഴാ... ഉഫ്... വന്നു കിടന്ന് ഉറങ്ങടി... ആ പട്ടി ഇതുവരെ ചത്തില്ല... സച്ചു ലൈറ്റ് ഓഫ് ചെയ്ത് തലവഴി പുതപ്പിട്ട് പറഞ്ഞതും ലെച്ചു ചാടി കട്ടിലിൽ കയറി ആ പട്ടി ഒന്നൂടെ കുരച്ചതും അവൾ ഒന്നൂടെ അതിനെ ചീത്ത വിളിച്ചു സച്ചൂനെ കെട്ടി പിടിച്ചുകിടന്നു... മാളു ഫോട്ടോ തപ്പി പിടിച്ചു സച്ചുവിന് അയച്ചു. പോകാൻ ഉള്ള ഡ്രസ്സ്‌ ഓക്കെ എടുത്ത് വെച്ചു.. വെളുപ്പിന് തന്നേ അവർ പോകുന്നത് കൊണ്ട് എല്ലാരും ഉണർന്നിരുന്നു. അമ്മേ കണ്ണൻ ഒരു എട്ടുമണിയൊക്കെ ആവുമ്പോഴേക്കും എത്തും കേട്ടോ... ശിവ പറഞ്ഞു.. ആഹ്... അമ്മ ചിരിച്ചു.. ലെച്ചു പുച്ഛഭാവത്തിൽ മുഖം കോട്ടി... ശ്രദ്ധ അത് കൃത്യമായി കണ്ടുപിടിച്ചു. അവർ ഇറങ്ങി കഴിഞ്ഞ് ഉറങ്ങാൻ ഉള്ളിലോട്ടു വലിഞ്ഞ രണ്ടിനെയും അമ്മ പൊക്കി...

പിന്നെ രണ്ടും കൂടെ കാര്യം പറഞ്ഞു ഇരിപ്പായി.. അതെ ലെച്ചു... ആ..... സെറ്റിയിൽ ഇരുന്ന് ഉറങ്ങി തൂങ്ങിയ ലച്ചു ഉറക്കം നഷ്ട്ടപെട്ട ആലസ്യത്തിൽ മൂളി.. ആ കണ്ണൻ ആരാ...ആളെ നിനക്ക് വലിയ പിടുത്തം ഇല്ലാലോ... ഉം ശരിയാ... കണ്ണൻ ഞങ്ങടെ അമ്മാവന്റെ മോൻ. അന്ന് പെണ്ണ് കാണാൻ വന്ന അമ്മാവന്റെയോ... ആ പുള്ളിടെ തന്നേ... എന്നിട്ട് നിനക്ക് എന്താ കാര്യം അല്ലാതെ.... ഓ.. അതൊരു വല്ലാത്ത ജാതി സാദനം ആണ്... ഒരു ജാഡ തെണ്ടി... ലോകത്ത് പുച്ഛം കണ്ട് പിടിച്ചത് അവൻ ആണെന്ന വിചാരം.... അവന്റെ ആ മോന്ത കണ്ടാൽ ചെവരിൽ പിടിച്ചു ഒരക്കാൻ തോന്നും... ങേ.... ലച്ചുവിന്റെ രോഷം കണ്ട് അവൾ ഒന്ന് നോക്കി നിന്ന് പോയി... പണ്ടേ അവൻ ഞങ്ങളുടെ കൂടെ കൂടില്ല.. ഒരു പ്രതെയ്ക ടൈപ്പ്... കസിൻസ് കൂടുമ്പോഴും അവൻ കൂട്ടത്തിൽ വരുമെങ്കിലും ഒരുമാതിരി ലെജൻഡ് കളിക്കും...

പാറ്റയോടും പുലിയോടും എന്നുവേണ്ട സർവ്വതിനോടും ഒരേ പുച്ഛം... പാറ്റയുടെ കാര്യം പറഞ്ഞപ്പോൾ അവൾ അഭിയെ പറ്റി ഓർത്തു. മാളു ഫോട്ടോ അയച്ചിട്ടുണ്ടാവും പിന്നെ അത് മീനൂന് അയക്കണം അവൾ ഓർത്തു.. അല്ല കാണാൻ എങ്ങനെ... ലെച്ചു കാര്യമായി അവന്റെ കുറ്റം പറഞ്ഞോണ്ടിരുന്നപ്പോൾ സച്ചു ഇടയിൽ കേറി പറഞ്ഞു... ഇഇഇഹ്...ലെച്ചു പല്ല് കടിച്ചു. കാണാൻ വലിയ കുഴപ്പം ഒന്നുമില്ലെങ്കിലും എനിക്ക് അവനെ കണ്ടൂടാ.... തോട്ടി കമ്പ് പോലെ നീളവും ചെവി കഴിഞ്ഞിറങ്ങുന്ന മുടിയും ഒരുമാതിരി മണ്ടയില്ലാത്ത തെങ്ങിൽ കാക്ക കൂട് ഇരിക്കും പോലെ... ബ്ളാഹ്... ലെച്ചു ഓക്കാനിക്കും പോലെ കാണിച്ചു. പറഞ്ഞപ്പോൾ തന്നേ അന്നത്തെ റിസെപ്ഷന് തള്ളിയിട്ട തോട്ടി തന്നെയാണ് ഈ തോട്ടി എന്ന് അവൾക്ക് മനസിലായി... അല്ല ആള് കല്യാണം കഴിച്ച ആണോ... എന്റെ പൊന്നെ പോയി തല വെക്കല്ലേ.... ഞാൻ നിനക്ക് കൊച്ചു വേളിയോ... പരശിരാമോ വേറെ കാണിച് തരാം..ലെച്ചു കൈ തൊഴു പോലെ കാണിച്ചു.. അയ്യടാ...

എനിക്ക് കെട്ടാൻ ഒന്നുമല്ല വെറുതെ ചോദിച്ചതാ... കേട്ടിയിട്ട് ഒന്നും ഇല്ലാ... അല്ലേൽ തന്നേ ഇവനെയൊക്കെ കെട്ടുന്ന പെണ്ണിന്റെ അവസ്ഥ...... എന്റെ അമ്മാവന്റെ മോനായിട്ട് എങ്ങനെ ഈ സാദനം ജനിച്ചോ ആവോ... സ്കൂളിൽ വെച് ഒരു അൽ പഠിപ്പി ആയിരുന്നു.. അന്നൊക്കെ ഒരു അമുൽ ബേബി... ഇപ്പൊ അവന്റെ ജാഡ കണ്ടാൽ...അതിന്റെ കൂടെ ഒടുക്കലത്തെ കലിപ്പ്.തുഫ്ഫ്... ലെച്ചു അരിശം കൈയിൽ ഉരച്ചു തീർത്തു. ഇപ്പൊ ക്യാനഡയിൽ എന്തോ ഇഞ്ചിനീർ ഓക്കെ ആയിട്ട് ജോലി നോക്കുവാ... ഏട്ടന്റെ കല്യാണത്തിന് വന്നതാ... ജന്തു... ഇഞ്ചിനീരോ... സച്ചു ചിരിച്ചു... ആ.. എഞ്ചിനിയർ.. അവൻ കാരണം ആ ജോലിയെ വെറുത്ത് പോയി... അല്ല നിനക്ക് ഇത്രയും കലിപ്പ് വരാൻ വേറെ കാര്യം... ഇതൊക്കെ തന്നേ ധാരാളം... പിന്നെ അവൻ കല്യാണത്തിന് വന്നപ്പോ അജൂനെ കുറ്റം പറഞ്ഞു പോരാത്തേന് മാളുവേച്ചി എട്ടായിക്ക് മാച്ച് അല്ല പോലും... ആഹ് അത് പറ... ഭാവി കണവനെ കുറ്റം പറഞ്ഞതാണ് പിടിക്കാഞ്ഞത്... സച്ചു ചിരിച്ചു. മ്മ്... അജൂന് കുറച്ചു വണ്ണം കുറവാണു.. അതിനെന്താ... ഞാനും മെലിഞ്ഞിട്ട് അല്ലേ... ഊതിയാൽ പറന്നു പോവാല്ലോ എന്ന്.. അവന്റെ ഒരു ഡയലോഗ്.... തെണ്ടി...

മ്മ്മ് മ്മ്മ് സച്ചു ചിരിച്ചു. അല്ല മാളുവെച്ചിയെ പറ്റി എന്താ പറഞ്ഞ... ശിവേട്ടന് മാച്ച് അല്ല പോലും... ഈ കാട്ട് മുക്കിൽ കിടക്കുന്നതിനെ ഓക്കെ ഏട്ടൻ എവിടെ പോയി കണ്ട് പിടിച്ചെന്ന്.... കേട്ടപ്പോ രണ്ട് കൊടുക്കാൻ തോന്നിയത്... അവന്റെ ഒരു പുച്ഛം... സച്ചുവിന്റെ ഭാഗത്ത് നിന്ന് മറുപടി വരഞ്ഞോണ്ട് ലെച്ചു തലയുയർത്തി അവളെ നോക്കി... മുഷ്ടി ചുരുട്ടി കലിപ്പിൽ എന്തോ ആലോചിച്ചു ഇരിക്കുന്നു.. സച്ചു..... സച്ചു്.... ദൈവമേ... പറഞ്ഞത് പണി ആയോ... ലെച്ചു ആത്മഗതിച്ചു.. എടി നി കലിപ്പാക്കല്ലേ... അവൻ എന്തായാലും ഇങ്ങോട്ട് അല്ലേ വരുന്നേ.. നമുക്ക്‌ പണിയാം... ലെച്ചു അവളെ തോണ്ടി പറഞ്ഞു.. മ്മ്.. ഒന്ന് ഞാൻ അവനു ഉന്നിയതാ... ഇതിപ്പോ എല്ലാം ചേർത്ത് നമുക്ക്‌ അങ്ങ് കൊടുത്തേക്കാം... സെറ്റ്... ഇത് പൊളിക്കും... ലെച്ചു സന്തോഷം കൊണ്ട് ഒന്ന് പൊങ്ങി ഇരുന്നു.. പട്ടാമ്പിയിൽ ആണ് കുടുംബം. അവിടെ ആണ് അവൻ.. ഇവിടുന്ന് ഇരു 10-45 മിനുട്ട് യാത്ര ഉണ്ട്... പഴയ തറവാട് അമ്മാവന്റെ നിർബന്ധം കൊണ്ട് ഇപ്പോഴും അങ്ങനെ നിൽക്കുന്നു അല്ലേൽ ആ തെണ്ടി എന്നെ അത് പൊളിച്ചു മാറ്റി. വേറെ പണിതേനെ ... മ്മ്... നമുക്ക്‌ ഇവിടുന്ന് പട്ടാമ്പി വരെ അവനെ പറത്താം... എന്നിട്ട് അവൻ ക്യാനടക്ക് ഞൊണ്ടി പോവട്ടെ...

ലെച്ചുവും സച്ചുവും ഹൈഫൈ കൊടുത്ത്. പുറത്ത് വണ്ടിയുടെ ശബ്ദം കേട്ടപ്പോൾ അവൻ വന്നെന്ന് മനസിലായി... തന്നേ ഇപ്പോഴേ കാണണ്ട എന്ന് ഓർത്ത് സച്ചു റൂമിലേക്ക് പോയി. ഫോൺ എടുത്ത് വെറുതെ തോണ്ടി ഇരിക്കാം എന്ന് കരുതി. മാളു ഫോട്ടോ അയച്ചിട്ടുണ്ട്.. ശിവേട്ടന്റെ കൂടെ നിൽക്കുന്ന ഒരു ഫോട്ടോ.. വെറുതെ ആണോ കോഴികൾ ഇയാളുടെ പുറകെ നടക്കുന്നെ... സച്ചു ഒന്ന് ആത്മഗതിച്ചു ഫോട്ടോ മീനൂന് അയച്ചു കൊടുത്തു... രാവിലെ കിടന്ന് ഉറങ്ങിയ അവളെ ഫോൺ വിളിച്ചു എഴുനേൽപ്പിച്ചു ഫോട്ടോ നോക്കാൻ പറഞ്ഞു. മീനു കണ്ണും തിരുമ്മി ഫോട്ടോ നോക്കി.. അഭി മാഷിനെ കണ്ടതും അവൾ ഒന്നൂടെ ആ അടി ഓർത്തു. പിന്നെ സച്ചുവിനെ വിളിച്ചു... ആടി ഇതന്നെ.... ഈ ചേട്ടൻ തന്നെയാ അടിച്ച... ങേ.... നിനക്ക് ഉറപ്പ് ആണോ.. ആടി.... ശിവേട്ടന്റെ അടി കഴിഞ്ഞ് പോയ പിറകെ ആണ് ഈ ചേട്ടന്റെ അടി... ചേട്ടനോ... കിളവനാണ് മിഷ്ടർ... ആ ആരേലും ആവട്ട് ഇങ്ങേര് തന്നെയാ അടിച്ച... നി ഫോൺ വെച്ചിട്ട് പോയെ എനിക്ക് ഉറങ്ങണം... മീനു ഫോൺ കട്ടാക്കി.. ങേ... പാറ്റ എന്തിനാ അടിച്ച.... ചിലപ്പോ സ്റ്റുഡന്റ് എന്ന രീതിയിൽ ആവും... അല്ലാതെ ഏത് രീതിയിൽ അടിക്കാൻ ഒഞ്ഞു പോയെ...

അവൾ ഫോൺ ചാർജിൽ ഇട്ട് മുടി മാടി കെട്ടി താഴേക്ക് ഇറങ്ങി. ആള് ഡൈനിങ്ങ് ടേബിളിൽ ഇരുന്ന് ചായ കുടിക്കുന്നു. അവനെ കണ്ടപ്പോൾ അവൾക്ക് ലെച്ചു പറഞ്ഞ ഉപമ ഓർമ വന്നു.. "മണ്ടയില്ലാത്ത തെങ്ങിൽ കാക്ക കൂട് ഇരിക്കുമ്പോലെ " അതോർത്തതും അവൾ അറിയാതെ ചിരിച്ചു. അവനു അടുത്ത കസേരയിൽ ലച്ചുവും ഇരുപ്പുണ്ട്. അവൻ പറയുന്നതിനൊത്ത് ഓവർ ആക്ഷൻ ഇട്ട് വെറുപ്പിക്കുകയാണ് അവൾ.. അവൻ പക്ഷെ ഇതൊന്നും അറിയുന്നില്ല... അമ്മ കാര്യമായി അവനോട് എന്തൊക്കെയോ സംസാരിച്ചു. സച്ചു താഴേക്ക് ഇറങ്ങി ലെച്ചുവിനെയും അമ്മയെയും നോക്കി ചിരിച്ചു അടുക്കളയിലേക്ക് നടന്നു. അറിയാതെ പോലും അവൾ അവനെ നോക്കിയില്ല... പണി വരുന്നുണ്ട് അവറാച്ച... ലെച്ചു മനസ്സിൽ ചിരിച്ചു. തന്നേ മൈൻഡ് ചെയ്യാതെ അടുക്കളയിലേക്ക് കേറി പോയ അവളെ കണ്ണനും ശ്രദ്ധിച്ചു. സച്ചു അടുക്കളയിൽ പോയി ഒരു കപ്പ് ചായ കൂടെ എടുത്ത് അവിടേക്ക് വന്നു. ലെച്ചു വാ...

എനിക്ക് കുറച്ചു ഡൌട്ട്സ് ക്ലിയർ ചെയ്യാൻ ഉണ്ട്.. ലെച്ചുവിനെ നോക്കി അവൾ പറഞ്ഞതും. കാര്യം മനസിലായ പോലെ ലെച്ചു എഴുന്നേറ്റ് സച്ചുവിന്റെ അടുത്തേക്ക് വന്നു.. മാളൂന്റെ... അനിയത്തിയ സച്ചു.,....കണ്ണൻ സച്ചുവിനെ നോക്കുന്ന കണ്ട് അമ്മ പറഞ്ഞു കണ്ണൻ അമ്മയെ നോക്കി വീണ്ടും അവളെ നോക്കി. സച്ചു ഒന്ന് പുച്ഛ ചിരി ചിരിച്ചു മുഖം വെട്ടിച്ചു. മാളു ആര് ശിവേട്ടന്റെ വൈഫോ... ആ... അവളെ എല്ലാരും അങ്ങനെയാ വിളിക്കാ... അമ്മ വാത്സല്യത്തോടെ പറഞ്ഞു. കണ്ണൻ അവന്റെ സ്ഥായി ഭവമായ പുച്ഛത്തിൽ ഇരുന്നു. ഇവളെന്താ ഇവിടെ... അവൻ ഒട്ടും താൽപ്പര്യം ഇല്ലാത്ത പോലെ ചോദിച്ചു.. മാങ്ങ പറിക്കാൻ... സച്ചു പിറുപിറുത്തു.. എന്താ... അവൻ ഒന്നൂടെ ചോദിച്ചു. അല്ല ഇന്നലെ പറിച്ച മാങ്ങ അച്ചാറിട്ടില്ല എന്ന് പറഞ്ഞതാ... അവൾ മുഖം വെട്ടിച്ചു. സച്ചു ഇവിടെ ശിവേടെ കോളേജിൽ ആണ് പഠിക്കുന്നത്.. ഹോസ്റ്റൽ നിൽക്കണ്ട എന്ന് കരുതി ഇവിടെയാണ്... ഓ... കല്യാണത്തിന് മുൻപ് എങ്ങനെ ആയിരുന്നു...

അവൻ പുച്ഛത്തോടെ ചോദിച്ചതും എല്ലാരുടെയും മുഖം ഇരുണ്ടു.. കല്യാണത്തിന് മുൻപത്തെ പോലെ അല്ലാലോ... അവൻ ചോദിച്ചത് ഇഷ്ടപ്പെടാതെ അമ്മ പറഞ്ഞു. മ്മ് ശിവേട്ടൻ എന്ന് വരും... ഒരാഴ്ച..അവിടുത്തെ വിരുന്ന് എല്ലാം കഴിഞ്ഞിട്ടേ വരൂ.... എന്റെ റൂം എവിടാ.. നി ലേച്ചൂന്റെ റൂമിൽ കിടന്നോ അവൾ സച്ചൂന്റെ കൂടെകിടന്നോളും. മ്മ്... അവൻ ഒന്ന്മൂളി സ്റ്റെപ് കയറി മുകളിലോട്ട് പോയി. അവൻ ചെല്ലുന്നതിനു മുൻപ് ലെച്ചു റൂമിലെ അവളുടേതായ അലമാര ഒഴികെ എല്ലാം കെട്ടി പെറുക്കി സച്ചുവിന്റെ റൂമിലേക്ക് ഇറങ്ങി ഇതെന്തോന്ന് ടെഡി കട ഇളകി വരുന്നോ... കണ്ണൻ ഒന്ന് പകച്ചു നിന്നു..........തുടരും………..........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക..v