🎶 സോളമന്റെ ഉത്തമഗീതം 🎶❤️: ഭാഗം 31

രചന: റിൻസി പ്രിൻസ്‌

തനിക്ക് വരുന്ന മാറ്റങ്ങളെ അത്ഭുതപൂർവ്വം അവൾ നോക്കി കാണിക്കുകയായിരുന്നു. കാപ്പിയിട്ട് കഴിഞ്ഞതും അതുമായി അവന്റെ അരികിലേക്ക് പോകാൻ തുടങ്ങിയപ്പോൾ വല്ലാത്തൊരു സന്തോഷവും ഉത്സാഹവും തന്നെ വലയം ചെയ്യുന്നത് അവൾ അറിഞ്ഞു അവൻ പാട്ടൊക്കെ പാടി കട്ടിലിൽ കിടക്കുകയാണ്. ഒരു ഷോട്ട്സും ബനിയനും ആണ് അണിഞ്ഞിരിക്കുന്നത്. ഉറക്കം കണ്ണിൽ നിന്നും വിട്ടു മാറിയിട്ടില്ല. ഉറക്കത്തിന്റെ ബുദ്ധിമുട്ട് വ്യക്തമായി തന്നെ കണ്ണുകളിൽ കാണാൻ സാധിക്കുന്നുണ്ട്. മുടി അവിടെയും ഇവിടെയും പറന്നു കിടക്കുന്നു. അവനെ കണ്ടതും അവളുടെ മനസ്സ് നിറഞ്ഞു. ഇതു മതി..! ഇത്രമാത്രം മതി, ഒന്ന് കണ്ടാൽ തന്റെ മനസ്സിൽ എത്രത്തോളം സന്തോഷം നിറയുന്നു. ആ മുഖം അത്രത്തോളം സന്തോഷം തനിക്ക് പ്രധാനം ചെയ്യുന്നുണ്ട്. ഓരോ ചോദ്യങ്ങളായി അവൾ അവളോട് തന്നെ ചോദിക്കാൻ തുടങ്ങി.. തന്റെ ദുരിതങ്ങളുടെ വരൾച്ചയിലേക്ക് പെയ്തിറങ്ങിയ വേനൽമാരിയാണ് അവൻ. തന്റെ ഇല്ലായ്മകളുടെ ഉണ്മ കൂരിരുട്ടിൽ തനിക്ക് മുൻപിൽ എത്തിയ വിളക്കുമാടം, അങ്ങനെ എന്തൊക്കെയോ അവനെക്കുറിച്ച് അവളുടെ മനസ്സിൽ നിറഞ്ഞിരുന്നു.. ഡോറിൽ വെറുതെ അവൾ ഒന്ന് കൊട്ടി, പെട്ടെന്ന് അവൻ മൊബൈലിൽ നിന്നും തലയുയർത്തി പുറത്തേക്ക് നോക്കി. മുൻപിൽ അവളെ കണ്ടതും സന്തോഷപൂർവ്വം അവൻ ഒന്ന് ചിരിച്ചു. പിന്നെ മൊബൈൽ മാറ്റിവെച്ച് കട്ടിലിൽ ചമ്രപൂട്ടിട്ട് ഇരുന്ന് എഴുന്നേറ്റിരുന്നു, " അതെന്തിനാണാവോ അങ്ങനെയൊരു ഫോർമാലിറ്റി..? അവളുടെ മുഖത്തേക്ക് നോക്കി അവൻ ചോദിച്ചു, " ഒരാളുടെ മുറിയിലേക്ക് വരുമ്പോൾ ഒരു മിനിമം ഫോർമാലിറ്റി ഒക്കെ വേണ്ടേ.? മറു ചോദ്യമെയ്തവൾ. "എന്റെ മുറിയിലോട്ട് വരാൻ അല്ല അല്ല... തെറ്റി ഭാവിയിൽ നമ്മുടെ മുറിയിലേക്ക് കയറി വരാൻ നിനക്ക് എന്തിനാണ് മോളെ ഒരു ഫോർമാലിറ്റിയുടെ ആവശ്യം..? എന്റെ ചക്കര ഇങ്ങ് കയറി പോര്.. രണ്ട് കൈകളും നീട്ടി അവൻ മാടി വിളിച്ചു, അവൾക്ക് അവന്റെ പ്രവർത്തി കണ്ടു ചിരി വന്നിരുന്നു എങ്കിലും ചിരി അടക്കിയാണ് അവൾ അവന് അരികിലേക്ക് പോയത്. ചെറു ചിരിയോടെ അവന് നേരെ അവൾ കാപ്പി നീട്ടി. "സത്യായിട്ടും ഞാൻ ഇപ്പോൾ മനസ്സലോർത്തതെ ഉള്ളു മമ്മ കാപ്പി നിന്റെ കയ്യിൽ കൊടുത്തു വിട്ടിരുന്നെങ്കിൽ നന്നായേനെ എന്ന്. "മമ്മ ഇവിടെ ഇല്ല, കാപ്പിയിട്ടതും ഞാനാ, അത് നന്നായി രാവിലെ ഞാൻ നല്ല റൊമാന്റിക് പാട്ടൊക്കെ കേട്ട് നല്ല റൊമാന്റിക് മൂഡിലാ. അപ്പൊൾ നിന്നെ ഒന്ന് കാണാൻ പറ്റിയിരുന്നെങ്കിൽ എന്ന് ആഗ്രഹിച്ചതേയുള്ളൂ.. " ഞാൻ അത്ര നല്ല റൊമാന്റിക് മൂഡിലല്ല, അതുകൊണ്ട് കാപ്പി കുടിച്ചിട്ട് വേഗം റെഡിയാകാൻ നോക്ക്. എനിക്ക് കോളേജിൽ പോണം, സമയമായി...! കാപ്പി മേശപ്പുറത്ത് വച്ചിട്ട് പോകാൻ തുടങ്ങിയവളെ അവൻ ഒറ്റവലിക്ക് പിടിച്ച് അവന്റെ മടിയിലേക്ക് ഇരുത്തി. അവന്റെ ആ പ്രവർത്തിയിൽ ഒരു നിമിഷം അവൾ ഒന്ന് ഭയന്ന് പോയിരുന്നു. " എന്താണ് ഈ കാണിക്കുന്നേ ആന്റിയോ മറ്റോ പെട്ടെന്ന് കേറി വന്നാൽ എന്ത് ചെയ്യും "നീ അല്ലേ പറഞ്ഞത് ആന്റി എവിടെയോപ്പോയെന്ന് ഏറെ വാൽസല്യത്തോടെ അവളുടെ മുടിയഴകൾ ചെവിയുടെ പുറകിലേക്ക് മാറ്റി ഒതുക്കി വച്ചുകൊണ്ട് അവളുടെ മുഖത്തേക്ക് നോക്കി അവൻ ചോദിച്ചു... "അത് ലില്ലി ആന്റിയുടെ ഫ്ലാറ്റിൽ... അവന്റെ അരികിൽ നിന്നും എഴുന്നേൽക്കുവാൻ ഒരു വിഫല ശ്രമം നടത്തിക്കൊണ്ട് അവൾ പറഞ്ഞു.. " അപ്പോ നീ ഫ്ലാറ്റ് അകത്തുന്ന് പൂട്ടിയിരിക്കയല്ലേ..? " അതെ " അപ്പൊ പിന്നെ കോളിംഗ് ബെൽ അടിക്കാതെ എങ്ങനെ ആന്റി വരും ഒരു തമാശ പോലെ അവളുടെ മുഖത്തേക്ക് നോക്കി അവൻ ചോദിച്ചു... ശേഷം കഴുത്തിൽ കൂടി കയ്യിട്ട് അവളെ ചേർത്തുപിടിച്ചു " എങ്കിലും അത് വേണ്ട ആന്റി തന്ന സ്വാതന്ത്ര്യത്തെ മുതലെടുത്തത് പോലെ ആകും, അവനിൽ നിന്നും എഴുന്നേൽക്കാൻ ശ്രമിച്ചുകൊണ്ട് വീണ്ടും അവൾ പറഞ്ഞു.. കൈ മാറ്റാൻ തുടങ്ങിയവളോട് അവൻ പറഞ്ഞു " അത് അവിടെ ഇരിക്കട്ടെ, അവളെ ഒന്നുകൂടി തന്നോട് ചേർത്തു പിടിച്ചു.. " ഞാൻ അങ്ങനെ മമ്മയെയും നിന്നെയും ഒന്നും മുതലെടുക്കാൻ ശ്രമിക്കില്ല.. പോരെ..? കുറച്ചുനേരം ഇവിടെ ഇങ്ങനെ ഇരുന്ന് പറഞ്ഞൊണ്ട് ഒന്നും സംഭവിക്കാൻ പോകുന്നില്ല. പേടിക്കണ്ട എന്റെ ഭാഗത്തുനിന്ന് ഒരു കുരുത്തക്കേടും ഉണ്ടാവില്ല.. " എങ്കിലും എനിക്ക് ഇങ്ങനെ ഇരുന്നിട്ട് ഒരു നാണം. അവന്റെ മുഖത്തേക്ക് നോക്കി അവൾ അത് പറഞ്ഞപ്പോൾ അവൻ പിടിവിട്ടു. " എങ്കിൽ അങ്ങനെ ഇരിക്കണ്ട, എന്റെ അടുത്തേക്ക് ചേർന്നിരിക്കു, കുറച്ചു നേരം.. അവനാ പറഞ്ഞത് തള്ളിക്കളയാൻ അവൾക്ക് കഴിയുന്നുണ്ടായിരുന്നില്ല. കാരണം അവളും അത് ആഗ്രഹിച്ചിരുന്നു എന്നതാണ് സത്യം. അവൻ അരികിലേക്ക് ചേർന്നവൾ ഇരുന്നപ്പോൾ അവളെ പോലും അമ്പരപ്പിച്ചുകൊണ്ട് അവൻ പെട്ടെന്ന് അവളുടെ മടിയിലേക്ക് കിടന്നു. ഒരു നിമിഷം അവന്റെ ആ പ്രവർത്തിയിൽ അവൾ അത്ഭുതപ്പെട്ടു പോയിരുന്നു. അവൻ മനപൂർവ്വം തന്നെ അവളുടെ കൈ അവന്റെ തലമുടി ഇഴകളിലേക്ക് വയ്‌പ്പിച്ചു " ഒന്ന് മസാജ് ചെയ്യ് ചെറു ചിരിയോടെ അവന്റെ തലമുടി ഇഴകളിൽ അവൾ അവളുടെ നീളൻ വിരലുകൾ കോരുത്തു വലിച്ചു. " ഇന്നലെ ഞാൻ പറഞ്ഞതുപോലെ എന്തെങ്കിലുമൊക്കെ പഠിച്ചിട്ടുണ്ടോ..? അതോ വെറുതെ അങ്ങ് എഴുന്നേറ്റ് രാവിലെ പോവാണോ? അവൻ മൊബൈൽ ലോക്ക് ചെയ്തതിനു ശേഷം അവളുടെ മുഖത്തേക്ക് നോക്കി ചോദിച്ചു, " ഞാൻ ഇന്നലെ വൈകിട്ട് കുറെ നേരം പഠിച്ചു " പഠിക്കണം..! ഇത് വല്ലതും തന്റെ പഠിത്തത്തെ ബാധിച്ചാൽ അത് പിന്നെ എനിക്ക് ചീത്ത പേരാവൂ. ഇവിടെ പഠിക്കാൻ വന്നിട്ട് പഠിക്കാൻ മര്യാദയ്ക്ക് വന്ന കൊച്ചിനെ ഞാൻ വഴിതെറ്റിച്ചു എന്ന് പറയിപ്പിക്കരുത്. " ഞാൻ പഠിക്കുന്നോക്കെ ഉണ്ട്. " പിന്നെ 24 മണിക്കൂറും അടുക്കളയിൽ പെറ്റ് കിടകുന്ന നിന്റെ പരിപാടി അങ്ങ് നിർത്തണം, എനിക്കത് കാണുമ്പോൾ ചൊറിഞ്ഞു വരും. " ഞാനൊരു വീട്ടിൽ നിൽക്കുമ്പോൾ അവർക്ക് എന്തെങ്കിലും സഹായം ചെയ്തില്ലെങ്കിൽ അത് മോശമല്ലേ..? ആന്റി തന്നെ എന്ത് വിചാരിക്കും. എനിക്ക് ഹോസ്റ്റൽ കിട്ടാത്തത് കൊണ്ടല്ലേ ഞാൻ ഇവിടെ നിൽക്കുന്നത്. ഇവിടെ നിൽക്കുമ്പോൾ ഞാൻ ആന്റിയെ കൊണ്ട് ജോലി ചെയ്യിപ്പിച്ചു വെറുതെ ഇരിക്കുന്നത് ശരിയാണോ.? " മമ്മയ്ക്ക് അങ്ങനെയൊന്നുമില്ല, നീ ഇവിടെ പഠിക്കാൻ വന്നതാണെന്ന് അമ്മയ്ക്ക് നന്നായിട്ട് അറിയാം, ഇതിനിടയ്ക്ക് നീ പഠിക്കേണ്ട സമയം കൂടി അവിടെ കിടന്ന് ജോലി ചെയ്താൽ എന്തു പഠിക്കാന്..? ആദ്യത്തെ സെമസ്റ്റർ പോലെയല്ല ഇനി അങ്ങോട്ട് വരുമ്പോൾ നിനക്ക് മനസ്സിലാവും ബുദ്ധിമുട്ട്, " ഒരു മാസം കൊണ്ട് ഹോസ്റ്റലൽ കിട്ടുമായിരിക്കും അല്ലേ..? " അടുത്തമാസത്തേക്ക് കിട്ടുമായിരിക്കും, ഇപ്പോൾ അവിടെ പഠിക്കുന്നവരിൽ പലരും അടുത്ത മാസം ആവുമ്പോഴത്തേക്കും ട്രെയിനിങ്ങിനായിട്ട് പോവില്ലേ.? അപ്പോൾ അവർക്ക് ഹോസ്റ്റലിൽ നിൽക്കേണ്ട ആവശ്യം വരുന്നില്ല. മാത്രമല്ല ട്രെയിനിങ്ങിനുള്ളവർക്ക് വേറെ ഹോസ്റ്റൽ ആണ്. അപ്പോഴേക്കും ബെഡ് ഒഴിവാക്കും, ആ സമയത്തേക്ക് കിട്ടും.. " അപ്പൊ പിന്നെ നമുക്ക് കാണാൻ പറ്റില്ലല്ലോ.. അല്പം മടിയോടെയാണെങ്കിലും അവളത് പറഞ്ഞപ്പോൾ അവന്റെ ചുണ്ടിൽ ഒരു പുഞ്ചിരി വിടരുന്നുണ്ടായിരുന്നു..പെട്ടന്ന് അവൻ അവളുടെ മടിയിൽ നിന്നും എഴുന്നേറ്റ് ആ മുഖത്തേക്ക് ഒന്ന് നോക്കി, നാണമല തല്ലുന്നുണ്ട് തന്നോട് അങ്ങനെ പറഞ്ഞതിന്റെ ഒരു ചമ്മല് അവളുടെ മുഖത്ത് കാണാനുണ്ട്. " അപ്പോൾ എന്നെ കാണണം എന്നൊക്കെ ഉണ്ട്, അവളുടെ മുഖത്തേക്ക് നോക്കി കുസൃതിയോടെ അവൻ ചോദിച്ചു. അവൾ മുഖം താഴ്ത്തി കളഞ്ഞിരുന്നു. " പറയുന്നേ അവളുടെ താടിയിൽ പിടിച്ചുയർത്തി അവൻ ഒന്നുകൂടി ചോദിച്ചു.. " അതുകൊണ്ടാണല്ലോ ഞാൻ അങ്ങനെ ചോദിച്ചത്. " ഞാൻ വിചാരിച്ചു എന്നെ കാണുന്നത് ഒന്നും ഇഷ്ടമാരിക്കില്ല എന്ന്. ഇഷ്ടം പറഞ്ഞിട്ട് താൻ ചുമ്മാ എന്നെ പറ്റിക്കുകയാണെന്ന്, കാരണം എന്നെ കാണുമ്പോൾ ഒരു മിണ്ടാട്ടമില്ല, ഒന്നു നോക്കുന്നില്ല. അപ്പോൾ ഞാൻ ഓർത്തു എന്നോട് ഇഷ്ടമില്ലെന്ന്, " ഇഷ്ടമില്ലാഞ്ഞിട്ടൊന്നുമല്ല. ഇവിടെവച്ച് നോക്കാൻ പോലും എനിക്ക് പേടിയാ. "അപ്പോൾ ഇഷ്ടമുണ്ട് അല്ലേ..? അവളുടെ കവിളിൽ ഒന്നുകൂടി പിടിച്ചു തന്റെ മുഖത്തോടു ചേർത്ത് അവൻ ചോദിച്ചു. " അത് പറഞ്ഞു തരാനൊന്നും എനിക്കറിയില്ല, " പറഞ്ഞൊന്നും തരണ്ട എനിക്ക് ഈ കണ്ണുകൾ കാണുമ്പോൾ അറിയാം എന്നോട് എത്രത്തോളം ഇഷ്ടമുണ്ടെന്ന്.. വെറുതെ തന്റെ വായിൽ നിന്ന് കേൾക്കാൻ വേണ്ടി ഞാൻ ചോദിച്ചതല്ലേ. എന്റെ മറിയാമ്മ കൊച്ചിനെ കാണണമെന്നുണ്ടെങ്കിൽ ഞാൻ ഏത് പാതിരാത്രിക്ക് ആണെങ്കിലും ഓടി വരത്തില്ലേ..? ഇവിടുന്ന് മാറുന്നത് തന്നെയാണ് നല്ലത്, ഇവിടെയാകുമ്പോൾ അങ്ങോട്ടോ ഇങ്ങോട്ടോ തിരിയുമ്പോൾ എനിക്ക് നിന്നെ കാണാൻ തോന്നും. അപ്പൊൾ ഇടയ്ക്ക് എനിക്ക് ചിലപ്പോൾ കെട്ടിപ്പിടിക്കാൻ ഒക്കെ തോന്നും. അത് അപ്പോൾ തന്നെ ചെയ്തില്ലെങ്കിൽ എനിക്കൊരു സാറ്റിസ്ഫാക്ഷൻ ഇല്ല. അതെങ്ങാനും ആരെങ്കിലും കണ്ടോണ്ടു വന്നാൽ പിന്നെ ചോദ്യമായി പറച്ചിലായി വർത്തമാനങ്ങൾ ആയി. എന്തിനാ അതൊക്കെ.. പുറത്താണെങ്കിൽ അതൊന്നും കുഴപ്പമില്ല, എന്നും എനിക്ക് കാണാം.. സമാധാനത്തോടെ ആരെയും പേടിക്കാതെ.. എന്റെ മോൾ ടെൻഷനടിക്കേണ്ട, നിനക്ക് കാണണമെന്ന് പറഞ്ഞാൽ ആ സെക്കന്റിൽ ഞാൻ നിന്റെ മുന്നിലുണ്ടാകും, ഏറെ പ്രണയത്തോടെ അവളുടെ മുഖത്തേക്ക് നോക്കി അവൻ പറഞ്ഞു.......കാത്തിരിക്കൂ.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...