SOULMATES_💙: ഭാഗം 7

എഴുത്തുകാരി: SAHALA SACHU

【വിക്രം】 അങ്ങനെ ഓരോന്ന് ആലോചിച്ച് ഇരിക്കുമ്പോൾ ആയിരുന്നു ഗൗരിയുടെ വോയിസ് മെസേജ് വന്നത്....പെണ്ണ് നാളെ ഇവിടേക്ക് വരുന്നതിന്റെ ത്രില്ലിൽ ആണ്....അവളോട് ചാറ്റ് ചെയ്തോണ്ട് ഇരിക്കുമ്പോൾ ആണ് അറിയാത്ത നമ്പറിൽ നിന്നൊരു മെസേജ് വന്നത്.... പക്ഷെ ഞാൻ അത് ഓപ്പണ് ഒന്നും ചെയ്തില്ല..... കുറച്ച് നേരം കഴിഞ്ഞപ്പോ ആ നമ്പറിൽ നിന്ന് എനിക്ക് കോൾ വന്നതും ആരാണാവോ എന്ന് മനസ്സിൽ കരുതി ഞാൻ കോൾ അറ്റൻഡ് ചെയ്തു....... "ഹെലോ...." "എന്താടോ...കുറെ നേരം ആയല്ലോ മെസേജ് അയച്ചിട്ട്.... തനിക്ക് അതൊന്ന് നോക്കാൻ പോലും ഉള്ള ടൈം ഇല്ലേ...." ഒരു പെണ്ണിന്റെ ശബ്ദം ഉയർന്ന് വന്നപ്പോ ഞാൻ നെറ്റി ചുളിച്ചു.... "ആരാ ഇത്....?" "ഓഹ്....ആരാണെന്നറിഞ്ഞാൽ മാത്രമേ സെർ റിപ്ലെ തരൂ അല്ലെ...." "അതേ....ആരാണെന്ന് പറയാൻ കഴിയും എങ്കിൽ പറയ്....അല്ലെങ്കിൽ എനിക്കെന്റെ ടൈം വേസ്റ്റ് ചെയ്യാൻ താൽപ്പര്യം ഇല്ല...."

എന്ന് ഞാൻ പറഞ്ഞപ്പോ ഇത്തിരി നേരം അവൾ മിണ്ടാതെ നിന്നു.... "ഇത് വിക്രം അല്ലെ....?" "അതേ....." "ഓഹ്....എനിക്കറിയാം നീ ആണെന്ന്.... എങ്കിലും ഒന്ന് ഉറപ്പിക്കാൻ വേണ്ടി ചോദിച്ചു എന്നെ ഉള്ളൂ....എന്നാലും ഇത്രയും ഞാൻ സംസാരിച്ചിട്ടും നിനക്ക് എന്റെ ശബ്‌ദം പോലും മനസിലായില്ലല്ലോ.....സങ്കടം ഉണ്ട്...." എന്ന് പറഞ്ഞു അവൾ മൂക്ക് വലിച്ചപ്പോ ഇതേത് ജാതി എന്ന് മനസിലോർത്ത് ഞാൻ ഒന്ന് ശ്വാസം വലിച്ചു വിട്ടു.... "കുട്ടീ....അല്ലെങ്കിൽ തന്നെ എനിക്ക് ഒരു സ്വസ്ഥതയും ഇല്ല....സൊ,,,,ആരാണെന്ന് പറയാൻ കഴിയുമെങ്കിൽ പറയ്,,,," "അങ്ങനെ ചോദിച്ചാൽ,,,, തന്റെ ഡ്യുപ്ലികേറ്റ് ഗേൾഫ്രണ്ട് ആണ് മാഷെ.... ഇപ്പൊ ആളെ പിടി കിട്ടിയോ....?"

എന്നവൾ ചോദിച്ചപ്പോ ഞാൻ ഒരു ഡൗട്ടോടെ,,,, "ദിയ....?" എന്ന് ചോദിച്ചപ്പോ പെണ്ണ് പൊട്ടി ചിരിച്ചു..... അപ്പൊ എന്റെ ചുണ്ടിലും ഒരു പുഞ്ചിരി വന്നു.... "മാഷെ,,,,നല്ല മൂഡോഫ്‌ ആണോ....?" നേരത്തെ അവൾടെ അടുത്ത് നിന്ന് പിണങ്ങി വന്നതാണല്ലോ എന്ന് ഓർമ വന്നപ്പോ ഞാൻ ഗൗരവം കാണിച്ചു.... "ആണെങ്കിൽ....? മാറ്റി തരാൻ ഉള്ള ഉദ്ദേശം ഉണ്ടോ കുട്ടിക്ക്...." "ഉണ്ടെന്നെ....ആ മൂഡോഫ് മാറ്റാൻ വേണ്ടി അല്ലെ ഞാൻ വിളിച്ചത്...." "ഓഹ്....ഞാൻ ആരാണ് നിന്റെ.... നീ പോയി നിന്റെ ബോസിന് വല്ല മൂഡോഫും ഉണ്ടോ എന്ന് അന്വേഷിക്ക്....." "ഹ്മ്മ.....എങ്കിൽ ഓകെ....ബൈ...." എന്നും പറഞ്ഞു പെണ്ണ് കോൾ കട്ട് ചെയ്തപ്പോ ഞാൻ ചൂളി പോയി.... വേണ്ടായിരുന്നു....

മര്യാദക്ക് ഇങ്ങോട്ട് വിളിച്ച പെണ്ണിനെ ചൊടിപ്പിച്ച് വിട്ടു.... എങ്കിലും അങ്ങനെ വിട്ടാൽ ശരി ആവില്ലല്ലോ....ഞാൻ അപ്പൊ തന്നെ അവൾടെ നമ്പർ സേവ് ചെയ്ത് അവളെ അങ്ങോട്ട് വിളിച്ചു..... 🔹🔹🔹🔹🔹🔹🔹🔹🔹🔹🔹🔹🔹🔹🔹🔹 【ദിയ】 ഞാൻ കാരണം പിണങ്ങി പോയതല്ലേ എന്ന് കരുതി അങ്ങോട്ട് വിളിച്ചപ്പോ ജാഡ കാണിക്കുവാ....എങ്കിൽ പിന്നെ എനിക്കും ജാഡയാ...അല്ല പിന്നെ.... ഞാൻ ഫോണ് അവിടെ വെച്ച് ഫുഡ് കഴിക്കാൻ വേണ്ടി ഇറങ്ങാൻ നിന്നതും ഫോണ് റിങ് ചെയ്യുന്ന ശബ്ദം കേട്ട് ഡിസ്പ്ളെയിലേക്ക് നോക്കിയപ്പോ വിക്രം ആണെന്ന് കണ്ടതും ഞാൻ ഒന്ന് കോട്ടി ചിരിച്ചു..... തൽക്കാലം എനിക്ക് അറ്റൻഡ് ചെയ്യാൻ ഉള്ള മൂഡില്ല....

മോൻ പോയി പിന്നെ വാ എന്ന് മനസ്സിൽ കരുതി ഞാൻ ഫോണ് സൈലന്റിൽ ഇട്ട് പുറത്തേക്ക് പോയി.... ഫുഡ് ഒക്കെ കഴിച്ചു അവളുമാരോട് ഗുഡ് നൈറ്റും പറഞ്ഞു റൂമിലേക്ക് വന്നു...ഡ്രെസ് മാറി ബെഡിലേക്ക് വീണ് ഫോണ് എടുത്ത് നോക്കിയപ്പോ വിക്രമിന്റെ കുറെ മിസ്ഡ് കോൾ ഉണ്ട്.... ഞാൻ വാട്‌സ്ആപ്പ് ഓപ്പണ് ചെയ്ത് നോക്കിയപ്പോ ചെക്കൻ ഓണ്ലൈനിൽ തന്നെ ഉണ്ട്.....ഞാൻ അപ്പോ തന്നെ മെസേജ് വിട്ടു.... "എന്തിനാ വിളിച്ചത്....?" "എന്റെ നമ്പർ എവിടുന്ന് കിട്ടി...." "കളഞ്ഞു കിട്ടി..." "തമാശയാണോ....ചിരിച്ചു തരട്ടെ..." "അയ്യോ.... ആ അവിഞ്ഞ കിണി എനിക്ക് വേണ്ട...." "നിന്റെ അവിഞ്ഞ കോമഡി കേൾക്കാനും അല്ല ഞാൻ വിളിച്ചത്.... എന്റെ നമ്പർ എവിടുന്ന് കിട്ടി എന്നറിയാൻ ആണ്...." "ഓഹ്....എനിക്ക് ഗൗതം തന്നതാണ്.... ഇനി സേറിന് പ്രത്യേകിച്ച് ഒന്നും അറിയാൻ ഇല്ലെങ്കിൽ ഞാൻ പൊക്കോട്ടെ...."

"പൊക്കോ....ഇവിടെ ആരേലും നിന്നെ പിടിച്ചു വെച്ചോ....?" "ബാഡ് നൈറ്റ്... ബൈ..." "Mmmmmmm....." എന്ന് അവൻ നീട്ടി അയച്ചതും ഞാൻ നെറ്റ് ഓഫ് ചെയ്ത് ചിരിയോടെ കണ്ണടച്ചു..... 🔹🔹🔹🔹🔹🔹🔹🔹🔹🔹🔹🔹🔹🔹 【ഗൗരി】 എന്റെ ഈ യാത്രയ്ക്ക് പിന്നിൽ ഉള്ള ലക്ഷ്യങ്ങൾ രണ്ടാണ്....ഒന്ന്,,,, ദീക്ഷിയേട്ടനെ എന്റെ വരുതിയിൽ കൊണ്ട് വരിക....രണ്ട്,,,, വിക്രമേട്ടനും ദീക്ഷിയേട്ടനും തമ്മിലുള്ള വഴക്ക് മാറ്റുക.....ചിലതൊക്കെ മനസിലാക്കി കൊണ്ടാണ് ഈ യാത്ര....എങ്കിലും എനിക്ക് ഉറപ്പില്ല എന്റെ അറിവുകൾ എത്രത്തോളം ശരി ആണെന്ന്..... ഞാൻ എന്റെ മനസിലുള്ളത് അവരോട് പറഞ്ഞാൽ അവര് മൂന്നുപേരും എങ്ങനെ റിയാക്റ്റ് ചെയ്യുമെന്ന് എനിക്ക് അറിയില്ല.... പക്ഷെ പറയാതിരിക്കാനും വയ്യ....

ചിലപ്പോ എന്റെ ഊഹങ്ങൾ ഒക്കെ ശരി ആണെങ്കിൽ ഞാൻ പറയാതിരിക്കുന്നത് വലിയ അബദ്ധം ആവും..... ഓരോന്ന് ആലോചിച്ച് എപ്പോഴോ മയങ്ങി പോയി..രാവിലെ അലാറത്തിന്റെ ശബ്ദം കേട്ടപ്പോഴാണ് ഞെട്ടിയത്.... ഞാൻ എണീറ്റ് ഫ്രഷ് ആയി ഇറങ്ങിയപ്പോ അമ്മ ചായ കൊണ്ട് വെച്ചിരുന്നു....അതെടുത്ത് കുടിച്ച് റെഡി ആയി ഞാൻ ഇറങ്ങി.... "സൂക്ഷിച്ച് പോണേ മോളെ...." "ഹ്മ്മ....ശരി അമ്മാ.....ഞാൻ ഇറങ്ങുവാ...." അമ്മയെ ഒന്ന് ഹഗ് ചെയ്ത് ഞാൻ അച്ഛന്റെ കൂടെ ഇറങ്ങി....ഏട്ടന്റെ അടുത്തേക്ക് പോകുന്നത് കൊണ്ട് അച്ഛനും അമ്മയ്ക്കും വലിയ ടെൻഷൻ ഇല്ല....എയർപോർട്ടിനകത്തേക്ക് കയറും മുന്നേ അച്ഛനെ ഹഗ് ചെയ്ത് ടാറ്റാ പറഞ്ഞു ഞാൻ അകത്തേക്ക് കയറി....

ഫ്‌ളൈറ്റ് ദുബായിൽ ലാന്റ് ആയപ്പോ മനസിൽ സന്തോഷം തോന്നി എങ്കിലും എന്തോ ഒരു അസ്വാസ്ഥത എന്നെ പിടി കൂടിയത് പോലൊരു തോന്നൽ.... ചിലപ്പോ ടെൻഷൻ കൊണ്ടാവും,,,, നാട് വിട്ട് വന്നതല്ലേ..... പുറത്ത് ഏട്ടനെ കണ്ടതും ഞാൻ ഓടിപ്പോയി ഏട്ടനെ ഹഗ് ചെയ്തു.... ലച്ചു ചേച്ചിയുടെ കല്യാണത്തിന് ഏട്ടൻ നാട്ടിൽ വരാത്തത് കൊണ്ട് ഞങ്ങൾക്ക് നല്ല പരാതി ആയിരുന്നു.... നേരെ പോയത് വിക്രമേട്ടന്റെ കമ്പനിയിലേക്ക് ആണ്..... എല്ലാത്തിനേയും ഞാൻ ശരിയാക്കി തരുന്നുണ്ട് എന്ന് പറഞ്ഞു ചെക്കനെ ഭീഷണിപ്പെടുത്തി ഞാൻ അവിടുന്ന് ഇറങ്ങി.....ദീക്ഷിയേട്ടന്റെ കമ്പനിയിലേക്ക് പോവേണ്ടത് കൊണ്ട് തന്നെ ഞാൻ ഏട്ടനെ ഒന്നിച്ച് കൂട്ടിയില്ല....

കൂടെ വരാമെന്ന് അവൻ പറഞ്ഞെങ്കിലും ഞാൻ വേണ്ടന്ന് പറഞ്ഞു.... 🔹🔹🔹🔹🔹🔹🔹🔹🔹🔹🔹🔹🔹🔹🔹🔹 【ദിയ】 ഒരു ഫയലിൽ സേറിന്റെ സൈൻ വാങ്ങാൻ ഉണ്ടായത് കൊണ്ട് ഞാൻ ഫയലും എടുത്ത് സേറിന്റെ ക്യാബിനിൽ പോകാൻ നിന്നപ്പോൾ അനു അവൾടെ ഫയൽ കൂടെ എന്റെ കയ്യിൽ വെച്ചു തന്നു... "ഡീ....നീ എന്തായാലും സേറിന്റെ ക്യാബിനിലേക്ക് അല്ലെ പോവുന്നത്.... ദാ.....ഇത് സേറിന് കൊടുത്തേക്ക്...." അവളോട് ഓകെ പറഞ്ഞു ഞാൻ ആ രണ്ട് ഫയലും എടുത്ത് സേറിന്റെ ക്യാബിനിലേക്ക് പോയി....എന്റെ ഫയലിൽ സൈൻ ചെയ്ത് സെർ അനുവിന്റെ ഫയൽ റീഡ് ചെയ്യുമ്പോ ആയിരുന്നു ആരോ പെട്ടെന്ന് ക്യാബിനിലേക്ക് കയറി വന്നത്....

ഇത്രയ്ക്ക് അധികാരത്തോടെ ഒന്ന് പെർമിഷൻ ചോദിക്കാൻ പോലും കൂട്ടാക്കാതെ കയറി വന്നത് ആരാണെന്ന് നോക്കിയപ്പോ ഒരു പെണ്കുട്ടി ആയിരുന്നു....ഏകദേശം എന്റെ പ്രായം ഒക്കെ കാണും..... "ഹെലോ സെർ....ഗുഡ് മോണിംഗ്...." അത്രയും നേരം ഫയലിൽ നോക്കി കൊണ്ട് ഇരുന്ന സെർ അവളെ കണ്ടതും ഒരു പകപ്പോടെ എണീറ്റ് നിന്ന് അവളെ കണ്ണ് മിഴിച്ച് നോക്കി..... "എടി......നീയെന്തിനാടി ഇവിടേക്ക് വന്നത്...." "അതെന്താ,,,,എനിക്ക് ഇവിടേക്ക് വരാൻ പാടില്ലേ...." കണ്ണ് ചിമ്മി കാണിച്ച് ചിരിയോടെ അവൾ ചോദിച്ചപ്പോ ഞാൻ അവരെ രണ്ടാളെയും മാറി മാറി നോക്കി.... അപ്പൊ പെട്ടെന്ന് അവൾടെ നോട്ടം എന്റെ മുഖത്തേക്ക് ആയി.... "സോറി....ഞാൻ ഡിസ്റ്റർബ് ചെയ്തോ..."

ഹേയ് നോ.... എന്ന് ഞാൻ പറയാൻ വാ തുറന്നപ്പോഴേക്കും,,,, "ആ ചെയ്തു...." എന്ന് ദീക്ഷി പെട്ടെന്ന് പറഞ്ഞപ്പോ ഞാൻ അവളെ നോക്കി ഇല്ലെന്ന് തലയാട്ടി.... "നിങ്ങളോട് ആരേലും ചോദിച്ചോ....? ഞാൻ ഈ കുട്ടിയോടാണ് ചോദിച്ചത്.... " "ഗൗരി....നീ ഇപ്പൊ പോ....എനിക്ക് ഇപ്പൊ മീറ്റിങ് ഉണ്ട്....നിന്നോട് സംസാരിക്കാൻ ഉള്ള നേരമില്ല...." അവൻ അവളുടെ പേരെടുത്ത് വിളിച്ചപ്പോഴാണ് എനിക്ക് ആളെ മനസിലായത്.... "ഹാ.....ഗൗതമിന്റെ സിസ്റ്റർ ഗൗരി ആണോ താൻ...." ഞാൻ പെട്ടെന്ന് അവളെ നോക്കി ചോദിച്ചപ്പോ അവള് എന്നെ അതിശയത്തോടെ നോക്കി.... "എന്നെ അറിയോ....?" "പിന്നെ അറിയാതെ.....തന്നെ വെയിറ്റ് ചെയ്ത് ഇരിക്കുവായിരുന്നു ഞാൻ.... ഞാൻ ദിയ...."

"ഓഹ്....ദിയ.... ഏട്ടൻ ഇന്നലെ പറഞ്ഞിരുന്നു തന്നെ കുറിച്ച്.... അപ്പൊ താനാണ് ആളല്ലേ....സത്യം പറയാലോ... ഇവന്മാരെ തളയ്ക്കാൻ എനിക്കൊരു കൂട്ട് ആവശ്യമായിരുന്നു....താൻ എന്റെ കൂടെ ഉണ്ടാവുമെന്ന് ഞാൻ കരുതുന്നു..." "തീർച്ചയായും ഉണ്ടാവും...." 🔹🔹🔹🔹🔹🔹🔹🔹🔹🔹🔹🔹🔹🔹🔹🔹 【ദീക്ഷിത്】 സഭാഷ്‌....എനിക്ക് തൃപ്തി ആയി.... ഇനി ഇതിന്റെ കൂടെ കുറവ് മാത്രമേ ഉണ്ടായിരുന്നുള്ളൂ.... അതും ആയി.... എന്നാലും ഇവളുമാർ ഇങ്ങനെ പെട്ടെന്ന് കമ്പനി ആവുമെന്ന് ഞാൻ കരുതിയില്ല... അല്ലെങ്കിൽ തന്നെ എനിക്ക് ഗൗരിയെ മാനേജ് ചെയ്യാൻ കഴിയാറില്ല.... അപ്പോ ഇനി ദിയ കൂടെ അവളോടൊപ്പം കൂടിയാൽ തീർന്നു.... "അതേ ചെക്കാ....ഞാനിപ്പോ പോകുവാ... എന്തായാലും ഞാൻ വിളിക്കും ഏട്ടന്റെ ഫ്‌ളാറ്റിലേക്ക്....

മര്യാദക്ക് വന്നോണം.... ഇല്ലെങ്കിൽ എന്നെ അറിയാലോ..... അപ്പൊ ദിയ,,,,ഞാൻ പോകുവാണ്.... നമുക്ക് ഇനി ഡെയിലി കാണാമല്ലോ.... നമ്മൾ താമസിക്കുന്നത് ഒരേ സ്ഥലത്ത് ആണല്ലോ.....ബൈ...." അവൾ ദിയയോട് ബൈ പറഞ്ഞു എന്നെ നോക്കി കണ്ണുരുട്ടി കാണിച്ച് പോയപ്പോ ദിയ ഒരു ചിരിയോടെ എന്നെ നോക്കി.... "ദിയ....താൻ ഇനി അവളെ ഇവിടേക്ക് കൂട്ടി കൊണ്ട് വരാനൊന്നും നിൽക്കേണ്ട....കേട്ടല്ലോ..." "അവൾ വരണമെന്ന് പറഞ്ഞാൽ ഞാൻ കൊണ്ട് വരും സെർ....സേറിന് അത് ഇഷ്ടമല്ലെങ്കിൽ സെർ തന്നെ അവളെ വിലക്കിയാൽ മതി... അപ്പൊ ഓകെ സെർ ..." എന്നും പറഞ്ഞു അവളും പോയപ്പോ ഈനാംപേച്ചിക്ക് മരപ്പട്ടി കൂട്ട് എന്ന് പിറുപിറുത്തോണ്ട് ഞാൻ അവിടെ ഇരുന്നു..... 🔹🔹🔹🔹🔹🔹🔹🔹🔹🔹🔹🔹🔹🔹🔹🔹

ദിവസങ്ങൾ പലതും കഴിഞ്ഞു....വിക്രമും ദിയയും ഒരുപാട് അടുത്തു.... കൂടാതെ ദിയയും ഗൗരിയും അനുവും ആമിയും നല്ല ഫ്രണ്ട്സ് ആയി.....ഉറങ്ങാൻ ഒഴികെ അല്ലാത്ത സമയങ്ങളിൽ ഗൗരി അവൾടെ ഫ്‌ളാറ്റിലേക്ക് പോകാറില്ല.... ഇതിനിടയിൽ വിക്രമിനെയും ദീക്ഷിയെയും അവൾ അവിടേക്ക് വിളിച്ചെങ്കിലും ഇല്ലാത്ത തിരക്ക് പറഞ്ഞു അവര് ഒഴിഞ്ഞു മാറി..... ഒരു ദിവസം അവൾ രണ്ടുപേരെയും നിർബന്ധിച്ച് വിളിച്ചു....കൂട്ടത്തിൽ ദിയയെയും.... "ഇനിയും നിങ്ങളുടെ വഴക്ക് ഇങ്ങനെ നീട്ടി കൊണ്ട് പോകാൻ ഞാൻ സമ്മതിക്കില്ല....ഒരു കാര്യവും ഇല്ലാതെയാണ് രണ്ടുപേരും ഇങ്ങനെ കീരിയും പാമ്പും ആയി നടക്കുന്നത്.... വന്ന സ്പോട്ടിൽ തന്നെ രണ്ടിനോടും വഴക്കിന് പോവേണ്ട എന്ന് കരുതിയാണ് ഇത്രയും ദിവസം ഞാൻ കുറച്ച് അടങ്ങിയത്.... ഇനി അത് നടക്കില്ല..." 🔹🔹🔹🔹🔹🔹🔹🔹🔹🔹🔹🔹🔹🔹🔹 【ദിയ】

ഗൗരി അവിടുന്ന് ഉറഞ്ഞു തുള്ളുന്നുണ്ട്... എന്തായാലും അവളിൽ എനിക്ക് കുറച്ച് വിശ്വാസം ഉണ്ട്....ചിലപ്പോ അവളെ കൊണ്ട് കഴിയും ഇതിനൊരു സൊല്യൂഷൻ കാണാൻ..... വിക്രമും ദീക്ഷിയും ഒരേ സമയം ആയിരുന്നു കയറി വന്നത്.... രണ്ടിന്റെയും മുഖം കടന്നൽ കുത്തിയത് പോലെ ഉണ്ട്...എനിക്ക് അത് കണ്ടിട്ട് ചിരി വന്നെങ്കിലും അടക്കി പിടിച്ച് ഇരുന്നു....ദീക്ഷി നേരെ വന്ന് എന്റെ കൂടെ ഇരിക്കാനാണ് പോകുന്നത് എന്ന് കണ്ടപ്പോ വിക്രം അവനെ ഓവർടേക്ക് ചെയ്ത് എന്റെ അടുത്ത് വന്നിരുന്ന് ദീക്ഷിയേ നോക്കി..... ഇവന്മാരുടെ കാട്ടിക്കൂട്ടൽ കണ്ടിട്ട് ഗൗതം ചിരിക്കാതിരിക്കാൻ പെടാപ്പാട് പെടുന്നുണ്ട്....ഗൗരി ആണേൽ ഇതെന്താ എന്ന രീതിയിൽ ഞങ്ങളെ മൂന്നിനെയും മാറി മാറി നോക്കുന്നുണ്ട്.... വിക്രമിനെ അങ്ങനെ വിടാൻ ഉള്ള ഉദ്ദേശം ഇല്ലെന്ന രീതിയിൽ അവനെ നോക്കി പുച്ഛിച്ച് കാണിച്ച് ദീക്ഷിയും എന്റെ അടുത്ത് തന്നെ വന്നിരുന്നു...

ഇതിപ്പോ ചെകുത്താനും കടലിനും നടുവിൽ പെട്ട പാവം ആയിപ്പോയി ഞാൻ..... ദീക്ഷി അങ്ങനെ ഇരുന്നത് വിക്രമിന് ഒട്ടും ഇഷ്ടമായില്ലെന്ന് അവന്റെ ചുളിഞ്ഞ മുഖത്ത് നിന്ന് എനിക്ക് മനസിലായി.... പെട്ടെന്ന് വിക്രം എന്റെ കയ്യിൽ പിടിച്ച് അവന്റെ കാൽ മുട്ടിന് മേലെ എന്റെ കൈ വെച്ച് അവനെ നോക്കിയപ്പോ ഞാൻ കണ്ണ് മിഴിച്ച് വിക്രമിനെ നോക്കി.... നീ ചെയ്യുന്നത് ഞാനും ചെയ്യും എന്ന ഭാവത്തോടെ ദീക്ഷിയും അതുപോലെ എന്റെ അടുത്ത കൈ പിടിച്ച് അവന്റെ മുട്ടിനു മേലെ വെച്ചപ്പോ ദേവ്യെ എന്ന് മനസ്സിൽ വിളിച്ച് ഞാൻ ഗൗരിയെ ഒന്ന് പാളി നോക്കിയപ്പോ പെണ്ണ് നടുവിന് കയ്യും കൊടുത്ത് ഞങ്ങളെ മൂന്നിനേയും നോക്കുന്നുണ്ട്.....

ഞാൻ വിക്രമിനെ നോക്കിയപ്പോ ചെക്കൻ എന്നെ മൈൻഡ് പോലും ചെയ്യാതെ ദീക്ഷിയെ നോക്കി പേടിപ്പിക്കുന്ന തിരക്കിൽ ആണ്....ഔ,,, ആ കണ്ണുരുട്ടി കാണിക്കൽ കണ്ടാൽ ഇപ്പൊ ദീക്ഷി പേടിക്കും....ഹും.... ദീക്ഷിയെ നോക്കിയപ്പോ അവൻ എന്നെ നോക്കി ഹൃദ്യമായ ഒരു പുഞ്ചിരി നൽകി സൈറ്റടിച്ച് കാണിച്ചതും ആവശ്യമില്ലാത്തത് കിട്ടിയത് പോലെ ഞാൻ ഒന്ന് ഞെട്ടി അവിഞ്ഞ ഒരു ഇളി പാസാക്കി.....ഇനിയിപ്പോ അതിന്റെ ആഫ്റ്റർ എഫക്റ്റ് ആയി വിക്രം എന്താണാവോ ചെയ്യാൻ പോകുന്നത് എന്ന് മനസ്സിൽ കരുതിയതും ചെക്കൻ എന്റെ ഇടുപ്പിൽ പിടിച്ച് അവന്റെ അടുത്തേക്ക് നീക്കി ഇരുത്തി.....

ദേഹത്തൂടെ കറന്റ് പാസ് ചെയ്ത് പോയത് പോലെ തോന്നിയതും ഞാൻ അവനെ നോക്കിയപ്പോ അവൻ ഒട്ടും കൂസൽ ഇല്ലാത്ത മട്ടിൽ എന്റെ പുറത്ത് അവന്റെ നെഞ്ച് ചേർത്ത് വെച്ചതും അവന്റെ നെഞ്ചിടിപ്പ് എനിക്ക് ഫീൽ ചെയ്യാൻ പറ്റി....ഇതൊന്നും പോരാഞ്ഞിട്ട് അവന്റെ താടി എന്റെ ഷോള്ഡറില് വെച്ച് പിറകിലൂടെ രണ്ട് കയ്യും കൊണ്ട് വന്ന് വയറിലൂടെ ചുറ്റി പിടിച്ചതും മേലാസകലം കുളിര് കയറിയത് പോലെ തോന്നി എനിക്ക്.... ഇതൊന്നും ഞാൻ പ്രതീക്ഷിക്കാത്തത് ആയതിനാൽ എന്റെ കണ്ണ് രണ്ടും ആവശ്യത്തിൽ കൂടുതൽ തള്ളി വന്നിട്ടുണ്ട്.... ഇതൊക്കെ കണ്ടിട്ട് എന്നെക്കാൾ പകച്ച് പണ്ടാരടങ്ങി ഇരിക്കുവാണ് ഗൗരിയും ഗൗതമും ദീക്ഷിയും.....അവരെ ഒക്കെ നോക്കി വേണോ വേണ്ടയോ എന്ന മട്ടിൽ സൈക്കിളീന്ന് വീണ ഒരു ചിരി പാസാക്കി..... "ഞാൻ നിന്നോട് പലതവണ പറഞ്ഞിട്ടുണ്ട് ഇവളെന്റെ പെണ്ണാണ് എന്ന്.....

നിനക്ക് എന്താ അതൊന്നും തലയിൽ കയറിയില്ലേ...." വിക്രം എന്റെ ഷോള്ഡറില് തന്നെ താടി അമർത്തി വെച്ച് അതേ ഇരുപ്പിൽ ചോദിച്ചപ്പോ ദീക്ഷി അവനെ നോക്കി പല്ലിറുമ്മി.... "അതൊക്കെ നീ നിനക്ക് ജയിക്കാൻ വേണ്ടി മെനഞ്ഞ കഥയല്ലേ....അല്ലാതെ ഇവൾ ശരിക്കും നിന്റെ ഗേൾഫ്രണ്ട് ഒന്നും അല്ലല്ലോ...." "ആണ്.....എന്റെ പെണ്ണ് തന്നെയാണ് ഇവൾ....എന്റെ മാത്രം....വിക്രമിന്റെ മാത്രം...." എന്ന് വിക്രം ഉറച്ച ശബ്ദത്തോടെ പറഞ്ഞപ്പോ ഞാൻ കേട്ടത് സത്യമാണോ എന്നറിയാൻ കഴിയാതെ ഐസ് പോലെ ഇരുന്നു..... "അത് നീ മാത്രം അങ്ങ് തീരുമാനിച്ചാൽ മതിയോ.....?" "പിന്നല്ലാതെ,,,,അവരുടെ ലവ് മാറ്റർ അവരല്ലാതെ പിന്നെ നിങ്ങളാണോ തീരുമാനിക്കുന്നത്....

അല്ലേലും നിങ്ങളെന്തിനാ അവരുടെ കാര്യത്തിൽ തലയിടുന്നത്....നിങ്ങൾക്ക് നമ്മുടെ കാര്യം മാത്രം നോക്കിയാൽ പോരെ മനുഷ്യ...." ദീക്ഷി ചോദിച്ചതിന് ഇടയിൽ കയറി ഗൗരി പറഞ്ഞത് കേട്ടപ്പോ ഗൗതം "ആ ചോദിച്ചത് ന്യായം..." എന്ന് പറഞ്ഞു.... "ഗൗരി....എനിക്ക് നിന്നോട് ഒരു കാര്യം പറയാൻ ഉണ്ട്....നിന്നെ എനിക്ക് ആ സ്ഥാനത്ത് കാണാൻ കഴിയില്ല.... പിന്നെ നീ എന്തിനാ പെണ്ണേ എന്റെ പിന്നാലെ നടന്ന് ടൈം കളയുന്നത്...." "അല്ല,,,,എന്തുകൊണ്ടാണ് കാണാൻ കഴിയാത്തത്....കെട്ട് കഴിഞ്ഞു പോയ ലച്ചു ചേച്ചി ഇപ്പോഴും ഏട്ടന്റെ മനസിൽ ഉണ്ടോ....?" "ദേ ഒരൊറ്റ കീറങ്ങ് വെച്ചു തരും ഞാൻ... മിണ്ടാതെ പൊക്കോ...." "പിന്നെ അതിനുള്ള റീസൺ പറയ്..." "അത്....അതുപിന്നെ...."

ദീക്ഷി വിക്കി കളിക്കാൻ തുടങ്ങിയപ്പോ ഞാൻ ഉള്ളിൽ ചിരിച്ചു.... സത്യത്തിൽ ദീക്ഷിക്ക് അവളെ ഇഷ്ടമാണെന്ന് എനിക്ക് മനസിലായി...പക്ഷെ സമ്മതിച്ച് കൊടുക്കുന്നില്ല....ഈഗോ ആണ് ചെക്കന്..... "പറയ്....." -ഗൗരി "അതോ,,,അതുപിന്നെ,,,,ഇപ്പൊ എനിക്ക് ദിയയെ ആണ് ഇഷ്ടം...." എന്ന് ദീക്ഷി പറഞ്ഞത് കേട്ടപ്പോ ഉള്ളിൽ ഒരു വെള്ളിടി വെട്ടി....അവൾടെ അടുത്ത് നിന്ന് എസ്കേപ്പ് ആവാൻ വേണ്ടി നുണ പറഞ്ഞതാണെന്ന് മനസിലായി.... എങ്കിലും ഇനി ഗൗരിക്ക് എന്നോട് നീരസം തോന്നുമോ എന്ന് കരുതി ഞാൻ അവളെ നോക്കിയപ്പോ പെണ്ണ് എന്നെ നോക്കി സൈറ്റടിച്ച് കാണിച്ചു.... ഇപ്പൊ ശരിയാക്കി തരാം എന്ന മട്ടിൽ അവൾ ദീക്ഷിയെ നോക്കി ഗൗതമിന്റെ നേരെ തിരിഞ്ഞു....

"ഏട്ടാ....ഇന്നെനിക്ക് ഇതിനൊരു പരിഹാരം കണ്ടെത്തി തരണം...." "ഹ്മ്മ....ദിയ....ചോദ്യം നിന്നോടാണ്,,,,, നീയിപ്പോ ചെകുത്താനും കടലിനും നടുവിൽ ഇരിക്കുന്നത് കാണുമ്പോൾ എനിക്ക് വിഷമം ഉണ്ട്....സൊ,,,,നിനക്ക് തീരുമാനിക്കാം,,,,വിക്രമിനെ വേണോ ദീക്ഷിയെ വേണോ എന്ന്...." ഗൗതം ചോദിച്ചപ്പൊ ഞാൻ അവനെ നോക്കി ഇളിച്ചു കാണിച്ചു....ഗൗരിയെ നോക്കിയപ്പോ അവളും തമ്പ്സ്‌അപ് കാണിച്ചപ്പോ ഞാൻ വിക്രമിനെ ചേർത്തു പിടിച്ചു.... "എനിക്ക് ഈ ചെക്കനെ മതി...." ..............................തുടരും…………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...