അറിയാതെ : ഭാഗം 31
നോവൽ എഴുത്തുകാരി: അഗ്നി കാശി ഓടിച്ചെന്ന് സൈറയെ തന്റെ കൈകളിൽ കോരിയെടുത്തു…വണ്ടിയിടിച്ച കാറുകാരൻ തന്നെ സൈറയെ ഹോസ്പിറ്റലിൽ എത്തിക്കുവാനായി അവളെ വണ്ടിയിലേക്ക് കയറ്റുവാൻ കാശിയോടായി പറഞ്ഞു… കാശിയുടെ
Sep 14, 2020, 06:48 IST
നോവൽ
എഴുത്തുകാരി: അഗ്നി
കാശി ഓടിച്ചെന്ന് സൈറയെ തന്റെ കൈകളിൽ കോരിയെടുത്തു…വണ്ടിയിടിച്ച കാറുകാരൻ തന്നെ സൈറയെ ഹോസ്പിറ്റലിൽ എത്തിക്കുവാനായി അവളെ വണ്ടിയിലേക്ക് കയറ്റുവാൻ കാശിയോടായി പറഞ്ഞു…
കാശിയുടെ ലെമൺ യെല്ലോ ഷർട്ട് നിറയെ ചോരയായിരുന്നു….അവളുടെ തലയുടെ പിൻഭാഗത്തുകൂടെ ഒഴുകിയിറങ്ങുന്ന ചോര കാശിയുടെ കൈകളെ നനച്ചിരുന്നു..
അവൻ വേഗം തന്നെഅവളെയെടുത്ത് വണ്ടിയുടെ പിന്നിൽ കയറി…കാശിയുടെ കണ്ണിൽ നിന്നും കണ്ണുനീർ വന്ന് അവളുടെ മുഖത്തേക്ക് പതിച്ചുകൊണ്ടിരുന്നു…
അവളുടെ ശരീരത്തിൽ ഉണ്ടാകുന്ന വേദനയുടെ പ്രതിഫലനമെന്നോണം അവളുടെ കൈകൾ അവന്റെ ഷർട്ടിൽ മുറുകി…
അപ്പോഴേക്കും അയാൾ വണ്ടി സ്റ്റാർട്ട് ചെയ്ത് ആശുപത്രിയുടെ കാഷ്വാലിറ്റിയിലേക്ക് തിരിച്ചിരുന്നു…