താദാത്മ്യം : ഭാഗം 7
നോവൽ എഴുത്തുകാരി: മാലിനി വാരിയർ ജനൽ വിരികൾ തണുത്ത കാറ്റിൽ പാറിനടന്നു, അതവളുടെ മുഖത്തെ മെല്ലെ തോലോടി. മനോഹരമായ പുഞ്ചിരിയോടെ മിഥുന കണ്ണുകൾ തുറന്നു. ജനൽ പഴുതിലൂടെ
Aug 28, 2020, 10:36 IST
നോവൽ
എഴുത്തുകാരി: മാലിനി വാരിയർ
ജനൽ വിരികൾ തണുത്ത കാറ്റിൽ പാറിനടന്നു, അതവളുടെ മുഖത്തെ മെല്ലെ തോലോടി. മനോഹരമായ പുഞ്ചിരിയോടെ മിഥുന കണ്ണുകൾ തുറന്നു. ജനൽ പഴുതിലൂടെ അവളാ സൂര്യോദയത്തെ അഭിവാദ്യം ചെയ്തു. സൂര്യ കിരണങ്ങൾ ആകാശത്ത് വെട്ടം വിതറി തുടങ്ങി..മിഥുനയുടെ കണ്ണുകൾ അത് രസിച്ചുകൊണ്ട് ആകാശത്തിലേക്ക് നോക്കി നിന്നു.
“മിഥൂ… എഴുന്നേറ്റോ…? വേഗം എഴുന്നേറ്റ് കുളിക്ക്… ആ പുതിയ ചുരിദാർ ഇട്ട് വന്നമതി കേട്ടോ.. ”
മീനാക്ഷിയമ്മയുടെ സ്നേഹവാചകങ്ങൾക്ക് ശരിയെന്ന അർത്ഥത്തിൽ തല ചലിപ്പിച്ചുകൊണ്ട് അവൾ കുളിമുറിയിലേക്ക് നടന്നു.