കരിമ്പ് പിഴിഞ്ഞെടുക്കുന്നത് പോലെ അവര്‍ ബുംറയെ ഉപയോഗിച്ചു; ഇനി ഉപേക്ഷിക്കും

ഇന്ത്യന്‍ പേസ് ബൗളര്‍ ജസ്പ്രിത് ബുംമ്രയുടെ പരിക്കിന് കാരണം ടീം മാനേജ്മെന്റാണെന്ന് മുന്‍ താരം ഹര്‍ഭജന്‍ സിംഗ്. കുറ്റപ്പെടുത്തി മുന്‍ താരം ഹര്‍ഭജന്‍ സിങ്. സിഡ്നി ടെസ്റ്റിന്റെ അവസാന ദിനം കഠിനമായ നടുവേദന കാരണം ഇന്ത്യയുടെ സ്റ്റാന്‍ഡ് ഇന്‍ ക്യാപ്റ്റനായ ബുംമ്രയ്ക്ക് പൂര്‍ണമായും വിട്ടുനില്‍ക്കേണ്ടി വന്നിരുന്നു. പരമ്പരയില്‍ ബുംമ്രയെ അമിതമായി ആശ്രയിക്കേണ്ടിവന്നതും വര്‍ക്ക് ലോഡുമാണ് താരത്തിന്റെ പരിക്കിന് കാരണമെന്നാണ് ഹര്‍ഭജന്‍ സിങ് ആരോപിക്കുന്നത്.’കരിമ്പില്‍ നിന്ന് നീര് പിഴിഞ്ഞെടുക്കുന്നതുപോലെയാണ് നിങ്ങള്‍ ജസ്പ്രിത് ബുംമ്രയെ ഉപയോഗിച്ചത്. ട്രാവിസ് ഹെഡ് വന്നു, ബുംമ്രയ്ക്ക് പന്ത് നല്‍കൂ. മാര്‍നസ് ലബുഷെയ്ന്‍ വന്നു, പന്ത് ബുംമ്രയ്ക്ക് നല്‍കൂ. സ്റ്റീവ് സ്മിത്ത് വന്നു, പന്ത് ബുംമ്രയ്ക്ക് നല്‍കൂ, എന്നതുപോലെയായിരുന്നു പരമ്പരയിലുടനീളം ഇന്ത്യയുടെ സമീപനം’, ഹര്‍ഭജന്‍ തന്റെ യൂട്യൂബ് ചാനലില്‍ പറഞ്ഞു.’ബുംമ്രയ്ക്ക് എത്ര ഓവര്‍ ബൗള്‍ ചെയ്യാന്‍ സാധിക്കും? അവസാനം പന്തെറിയാന്‍ ഒട്ടും കഴിയാത്ത അവസ്ഥയിലേക്ക് അദ്ദേഹത്തിനെ ഒതുക്കുകയും ചെയ്തു. അദ്ദേഹം ഉണ്ടായിരുന്നെങ്കില്‍ അഞ്ചാം ടെസ്റ്റ് ഓസ്‌ട്രേലിയ ജയിച്ചേനെ. പക്ഷേ അവര്‍ക്ക് എട്ട് വിക്കറ്റെങ്കിലും നഷ്ടമാവുമായിരുന്നു. അവര്‍ക്ക് ഇത്ര എളുപ്പത്തില്‍ വിജയത്തിലെത്താന്‍ സാധിക്കുമായിരുന്നില്ല. ഇന്ത്യയുടെ ടീം മാനേജ്മെന്റാണ് ബുംമ്രയുടെ നട്ടെല്ല് തകര്‍ത്തത്. അദ്ദേഹത്തിന് എത്ര ഓവര്‍ നല്‍കണമെന്ന് മാനേജ്മെന്റ് തീരുമാനിക്കേണ്ടതായിരുന്നു,’ ഹര്‍ഭജന്‍ കൂട്ടിച്ചേര്‍ത്തു. വരാനിരിക്കുന്ന ഐസിസി ചാമ്പ്യന്‍സ് ട്രോഫി 2025 ന് തൊട്ടുമുമ്പായിരുന്നു ബുംറയുടെ പരിക്ക്, ഇത് ടൂര്‍ണമെന്റിനുള്ള ഇന്ത്യയുടെ തയ്യാറെടുപ്പുകളെ തടസ്സപ്പെടുത്തിയേക്കാം. ഫെബ്രുവരി 19 മുതല്‍ ടൂര്‍ണമെന്റ് ആരംഭിക്കാനിരിക്കെ, ബുംറയുടെ പങ്കാളിത്തത്തെ ചുറ്റിപ്പറ്റിയുള്ള അനിശ്ചിതത്വം, പരിക്കിനെ കുറിച്ച് വ്യക്തമായ ഒരു അപ്ഡേറ്റ് ഇല്ലാതെ വളരുകയാണ്. ബോര്‍ഡര്‍-ഗവാസ്‌കര്‍ ട്രോഫിയില്‍ അഞ്ച് മത്സരങ്ങളില്‍ നിന്ന് മൊത്തം 32 സ്‌കോളുകള്‍ പോക്കറ്റ് ചെയ്ത ബുംറയാണ് മുന്‍നിര വിക്കറ്റ് വേട്ടക്കാരന്‍. എന്നിരുന്നാലും, സിഡ്നിയില്‍ നടന്ന അവസാന ടെസ്റ്റില്‍ നിന്ന് അദ്ദേഹം വിട്ടുനിന്നത്, മത്സരത്തിന്റെ മധ്യത്തില്‍ സ്‌കാന്‍ ചെയ്യുന്നതിനായി ഫീല്‍ഡ് വിട്ടതിന് ശേഷം, ഇന്ത്യയുടെ ആറ് വിക്കറ്റിന്റെ തോല്‍വിക്ക് കാരണമായി, ഇത് ടീമിന്റെ അമിതാശ്രയത്തെ എടുത്തുകാണിച്ചു. ഓസ്ട്രേലിയയ്ക്കെതിരായ ടെസ്റ്റ് പരമ്പരയില്‍ ഇന്ത്യയുടെ ബൗളിംഗ് ആക്രമണത്തെ ബുംറ ഒറ്റയ്ക്ക് തോളിലേറ്റി. ബോര്‍ഡര്‍-ഗവാസ്‌കര്‍ ട്രോഫിയ്ക്കിടെ 150 ഓവറുകള്‍ കവിഞ്ഞ അദ്ദേഹത്തിന്റെ നിരന്തരമായ ജോലിഭാരം, സിഡ്നി ടെസ്റ്റിന്റെ രണ്ടാം ഇന്നിംഗ്സില്‍ നിന്ന് പിന്മാറാന്‍ അദ്ദേഹത്തെ നിര്‍ബന്ധിതനാക്കി. വരാനിരിക്കുന്ന ഐസിസി ചാമ്പ്യന്‍സ് ട്രോഫി 2025-ല്‍ അദ്ദേഹത്തിന്റെ ലഭ്യത ഇപ്പോള്‍ അനിശ്ചിതത്വത്തിലാണ്.