കോട്ടയത്ത് കൊറോണ സ്ഥിരീകരിച്ചവർ യാത്ര ചെയ്ത സ്ഥലങ്ങളുടെ റൂട്ട് മാപ്പ് പുറത്തുവിട്ടു; ഈ സമയങ്ങളിൽ ഇവിടെയുണ്ടായിരുന്നവർ ശ്രദ്ധിക്കുക

കോട്ടയം ജില്ലയിൽ കൊറോണ വൈറസ് ബാധ സ്ഥിരീകരിച്ചവർ യാത്ര ചെയ്ത സ്ഥലങ്ങളുടെ വിശദാംശങ്ങൾ ആരോഗ്യ വകുപ്പ് പുറത്തുവിട്ടു. ഫെബ്രുവരി 29 മുതൽ ഇവരെ ആശുപത്രിയിൽ പ്രവേശിപ്പിച്ച മാർച്ച് എട്ട് വരെ യാത്ര ചെയ്ത സ്ഥലങ്ങളുടെ വിവരങ്ങളാണ് പുറത്തിറക്കിയത്.

ഈ തീയതികളിൽ നിശ്ചിത സമയങ്ങളിൽ അതാത് സ്ഥലങ്ങളിലുണ്ടായിരുന്നവർ ആരോഗ്യ വകുപ്പിന്റെ സ്‌ക്രീനിംഗ് പരിശോധനകളിൽ ഉൾപ്പെട്ടിട്ടുണ്ടോയെന്ന് ഉറപ്പു വരുത്തണം. ഇവർ 0481 2583200, 7034668777 എന്നീ നമ്പറുകളിൽ വിളിക്കണം