കൊവിഡ് പ്രതിരോധത്തിൽ കേരളത്തിന് വീഴ്ച സംഭവിച്ചതായി കേന്ദ്ര ആരോഗ്യമന്ത്രി

കൊവിഡ് പ്രതിരോധത്തിൽ കേരളത്തിന് വീഴ്ച സംഭവിച്ചതായി കേന്ദ്ര ആരോഗ്യമന്ത്രി ഡോ. ഹർഷവർധൻ. ആദ്യ ഘട്ടത്തിൽ രോഗനിയന്ത്രണം സാധ്യമായ കേരളത്തിൽ പിന്നീട് പ്രതിരോധത്തിൽ വന്ന വീഴ്ചകൾക്ക് വലിയ വില നൽകേണ്ടി വരുന്നുവെന്ന് ആരോഗ്യമന്ത്രി പറഞ്ഞു

രാജ്യത്ത് നിലവിൽ ഏറ്റവുമധികം പ്രതിദിന വർധനവുണ്ടാകുന്ന സംസ്ഥാനങ്ങളിലൊന്നാണ് കേരളം. ആദ്യ ഘട്ടത്തിൽ കൊവിഡിനെ ഏറ്റവും ഫലപ്രദമായി കേരളത്തിന് പിടിച്ചു നിർത്താൻ സാധിച്ചിരുന്നു. എന്നാൽ ആഗസ്റ്റ് മുതൽ കേരളത്തിലെ കേസുകൾ കുത്തനെ ഉയരുന്നതാണ് കാണുന്നത്. ഒരുഘട്ടത്തിൽ പ്രതിദിന വർധനവ് പതിനായിരത്തിന് മുകളിലെത്തിയിരുന്നു.