അഞ്ചലിൽ യുവാവിനെ കനാലിൽ മരിച്ച നിലയിൽ കണ്ടെത്തി; ഒരു കിലോമീറ്റർ അകലെ കാറും ചെരുപ്പും ഉപേക്ഷിച്ച നിലയിൽ

കൊല്ലം അഞ്ചലിൽ യുവാവിനെ കനാലിൽ മരിച്ച നിലയിൽ കണ്ടെത്തി. കരുവാളൂർ സ്വദേശി ഷിബുവാണ് മരിച്ചത്. ഇൻഷുറൻസ് ഏജന്റാണ് മരിച്ച ഷിബു.

അഞ്ചൽ-പുനലൂർ റോഡിൽ മാവിള ജംഗ്ഷന് സമീപത്തെ കനാലിലാണ് മൃതദേഹം കണ്ടെത്തിയത്. ഇതിന് ഒരു കിലോമീറ്റർ അകലെ ഷിബുവിന്റെ കാറും ചെരുപ്പും പോലീസ് കണ്ടെത്തിയിട്ടുണ്ട്.

ആത്മഹത്യയാണോ എന്ന കാര്യത്തിൽ വ്യക്തതയില്ല. പോലീസ് കേസെടുത്ത് അന്വേഷണം ആരംഭിച്ചു.