തൃശ്ശൂരിൽ നിർത്തിയിട്ടിരുന്ന ലോറിയിലേക്ക് മറ്റൊരു ലോറി ഇടിച്ചുകയറി; ഒരാൾ മരിച്ചു

തൃശ്ശൂർ കല്ലിടുക്ക് ദേശീയപാതയിൽ ലോറികൾ കൂട്ടിയിടിച്ചുണ്ടായ അപകടത്തിൽ ഒരാൾ മരിച്ചു. നിർത്തിയിട്ടിരുന്ന ലോറിയിലേക്ക് മറ്റൊരു ലോറി ഇടിച്ചുകയറുകയായിരുന്നു.

നിർത്തിട്ടിരുന്ന ലോറിയുടെ ക്ലീനർ തമിഴ്‌നാട് സ്വദേശി അറുമുഖ സുന്ദര പെരുമാളാണ്(40) മരിച്ചത്. ഡ്രൈവർ കരൂർ സ്വദേശി വേലു സ്വാമി പരുക്കുകളോടെ ചികിത്സയിലാണ്.

ഇടിച്ച ലോറിയുടെ ഡ്രൈവർ സംഭവസ്ഥലത്ത് നിന്നും രക്ഷപ്പെട്ടു. ഇന്ന് പുലർച്ചെ രണ്ട് മണിയോടെയാണ് സംഭവം.