💞ചൂടൻ വിത്ത്‌ കാന്താരി 💞 : ഭാഗം 75

രചന: ഷഹല ഷാലു

 [ഇശ] ഇശു മോളെ….. എണീക്…. നേരം ഒരുപാടായി എണീച്ചെ…. (ഉമ്മ) ഉമ്മ തട്ടി വിളിച്ചപ്പോഴാണ് ഉറക്കിൽ നിന്ന് ഞെട്ടി എണീറ്റത്, റൂം മൊത്തം ഒന്ന് കണ്ണോടിച്ചത് മിച്ചുക്കയെ നോക്കി കൊണ്ടാണ്, അപ്പോഴാണ് മ്മക്ക് ഓർമ്മ വന്നത് ഞാൻ എന്റെ വീട്ടിൽ ആണെന്ന്, ഇന്നലെത്തെ കാര്യങ്ങൾ എല്ലാം മിന്നായം പോലെ മനസ്സിൽ മിന്നി മറിഞ്ഞു, ഞാൻ പോലും അറിയാതെ കണ്ണുകൾ ഈറനിട്ടു….

മോളെ…. എന്താ ശെരിക്കും നടന്നത്, മിച്ചുനെ ആരെകാളും എനിക്ക് വിശ്വാസമാണ്, അവൻ ഒരിക്കലും അങ്ങനെ ചെയ്യില്ല, എന്റെ മോളെ ചതിക്കാൻ ഉള്ള മനസ്സ് ഒന്നും അവനില്ല, കണ്ണ് കൊണ്ട് കണ്ടത് സത്യം ആവണം എന്നില്ല ഉള്ള കൊണ്ട് കാണാൻ ശ്രമിക്കണം…. ഇഷാ ഞാൻ പറയുന്നത് കേൾക്കുന്നുണ്ടോ….. (ഉമ്മ)

(ചിന്തകളിൽ നിന്ന് വിരാമം ഇട്ട് ഒരു ഞെട്ടലോടെ ഉമ്മാനെ നോക്കി, ഉമ്മ എന്തൊക്കെയോ പറഞ്ഞു അതൊന്നും ഞാൻ കേട്ടില്ല ) എന്താ ഇശു, നീ ഇങ്ങനെ ഇരുന്ന ഞങ്ങൾക്ക് എന്ത് സന്തോഷാ ഉള്ളെ, നീയല്ലേ ഞങ്ങടെ ആശ്വാസം, ഉപ്പാക്ക് ഇതൊന്നും സഹിക്കാൻ പറ്റൂലട്ടാ….. വേഗം കുളിച് ഒരുങ്ങി മിച്ചുന് വിളിച്ച് വീട്ടിലേക്ക് ചെല്ല്, നിങ്ങൾ ഒന്ന് സംസാരിച്ചാൽ തീരാവുന്ന പ്രശ്നേ ഇപ്പൊ ഒള്ളു… ഉമ്മാടെ കുട്ടി ചെല്ല്… (ഉമ്മ)

ഇല്ലാ ഉമ്മാ, അത് മാത്രം എന്നോട് പറയല്ലേ, ഞാൻ ഒരു കാര്യത്തിന് വേണ്ടി വെയിറ്റ് ചെയ്യുകയാണ്. അത് കഴിഞ്ഞ് ഞാൻ പോയികോളാം, ഉമ്മ ഉപ്പാടെ അടുത്ത്ക്ക് ചെല്ല്….. (ഇശു ) ഹഹഹ നല്ല കഥ, ഉപ്പയാ നിന്നെ വിളിക്കാനും പറഞ്ഞ് എന്നെഇങ്ങോട്ട് വിട്ടേ…. എന്നിട്ടിപ്പോ നിന്നെ കൂട്ടാതെ ചെന്ന നല്ല ചേലാവും….. എണീറ്റ്‌ ചായ കുടിക്കാൻ വാ (ഉമ്മ) (എന്റെ കൈ പിടിച്ച് ഉമ്മ ബെഡിൽന്നും എണീപിച്ചു, )

ഉമ്മാ നിങ്ങൾ ചെല്ല്, എനിക്കിപ്പോ ഫുഡ്‌ ഒന്നും വേണ്ട, വിശപ്പില്ല, (ഇശു ) കള്ളം പറയല്ലേ ഇശു, ഇന്നലെ വന്നപാടെ ഉള്ള കിടപ്പാ, നീ ഒന്നും കഴിക്കാത്തോണ്ട് ഞങ്ങളും കഴിച്ചില്ല, ഭക്ഷണത്തിനോട്‌ ഇഷ്ടക്കേട് കാണിക്കാൻ പാടില്ല ഇശുട്ടി…. ഇത് പോലും കിട്ടാത്ത എത്ര പേർ കാണും, (ഉമ്മ) മതി മതി, ചരിത്രം കേൾക്കാനുള്ള മൂഡില്ല, ഞാൻ ഇതാ വരുന്ന്, നിങ്ങൾ താഴേക്ക് പോയിക്കോ.. (ഇശു ) ഇല്ലാ, നിന്നെ കൂട്ടീട്ടെ ഞാൻ പോകുന്നൊള്ളു.. (ഉമ്മ )

(ഈ ഉമ്മാടെ ഒരു കാര്യം, ഞാൻ പിന്നെ മറുത്ത് ഒന്നും പറഞ്ഞില്ല, വേഗം ഫ്രഷ് ആയി വന്ന് ഉമ്മാടെ ഒപ്പം താഴേക്ക് പോയി…., ഉപ്പ ടേബിളിലും തലവെച്ച് കിടപ്പായിരുന്നു, അത് കണ്ടപ്പോ ആകെ വല്ലാതായി ,, ഞൻ ചെയർ എടുത്തിട്ട് ഉപ്പാന്റെ അടുത്ത് പോയി ഇരുന്നു,, ഉപ്പാന്റെ കയ്യിൽ പിടിച്ചതും ഉപ്പ തല ഉയർത്തി എന്നെ നോക്കി, എന്റെ ഉള്ളിൽ ഒരു സങ്കടവും ഇല്ലാത്തത് പോലെ ഞാൻ ഉപ്പാനെ നോക്കി മനസ്സ് തുറന്ന് ഒന്ന് ചിരിച്ചു,

ഉപ്പയും എന്നോട് അത് പോലെ ചിരിച്ചു, അപ്പോഴേക്കും ഉമ്മ ചായ എടുത്ത് വെച്ചു, ചായ കുടിക്കുമ്പോഴെല്ലാം മൗനം തളം കെട്ടിനിന്നു, ആരും പരസ്പരം അങ്ങോട്ടും ഇങ്ങോട്ടും ഒന്നും തന്നേ സംസാരിച്ചില്ല. ഞാൻ ചായകുടി കഴിഞ്ഞ് കൈ കഴുകി റൂമിലേക് പോകാൻ നിന്നതും ഉപ്പ എന്റെ കയ്യിൽ പിടിച്ചു നിർത്തി…. എന്താ എന്നുള്ള അർത്ഥത്തിൽ ഉപ്പാനെ നോക്കിയതും… മോളെ നീ പുറത്തേക്ക് വാ, മുറിയിൽ ഇങ്ങനെ ചടഞ്ഞു കൂടി ഇരിക്കേണ്ട, ഒന്ന് ഗാർഡൻലൊക്കെ പോയി വരാം നമുക്ക്, വാ എന്റെകൂടെ…. (ഉപ്പ )

അതിന് ശെരിവെച്ച് ഉപ്പാക്ക് ഒന്ന് മൂളികൊണ്ട് ഞാനും ഉപ്പയും കൂടെ ഗാർഡൻലേക്ക് നടന്നു…. മോളെ ഇശു…… മിച്ചുനെ എനിക്ക് അറിയാം മോളെ, എന്റെ പെങ്ങടെ മോൻ ആയോണ്ട് പറയല്ല, ഒരാളെ ചതിക്കാൻ ഉള്ള മനസ്സ് ഒന്നും അവനില്ല, ഒരു മുൻകോപക്കാരനാ പക്ഷെ നിനക്ക് എന്തെലും ആബത്ത് വന്ന അവിടെ ഓടിയെത്തും, നീയെന്ന് വെച്ചാ അവന് ജീവനാ, മോൾ അവനെ വിളിക്ക്… നിങ്ങൾ ഒന്ന് സംസാരിച്ചാൽ തീരും എല്ലാ പ്രശ്നങ്ങളും, മോൾ ഈ വാശിയൊക്കെ മാറ്റി വെച്ച് ചെല്ല്, ഉപ്പ ആക്കിതരാം…. (ഉപ്പ )

എനിക്ക് അറിയാമായിരുന്നു ഉപ്പ ഇത് പറയാൻ തന്നെയാ എന്നെ പുറത്തേക്ക് കൊടുന്നെന്ന്, പക്ഷെ ഈ കാര്യം ഞാൻ ആര് പറഞ്ഞാലും അനുസരിക്കില്ല, ദയവ് ചെയ്ത് എന്നെ നിർബന്ധിക്കരുത് പ്ലീസ്…. (ഇശ) (ഉപ്പാനോട് അതും പറഞ്ഞ് ഞാൻ വേഗം അകത്തേക്ക് ഓടി റൂമിൽ കയറി ബെഡിലേക്ക് വീണുകൊണ്ട് കമിഴ്ന്നുകിടന്ന് കുറെ കരഞ്ഞു, പാവം മിച്ചുക്ക എന്നെ എത്ര ആബത്തിൽ നിന്ന രക്ഷിച്ചത്,

എന്നോട് ആര് മോശമായി പറഞ്ഞാലും അവർക്ക് പലിശയും കൂട്ടുപലിശയും ചേർത്ത് കൊടുക്കും, ഒരു സൂപ്പർ മാനെ പോലെ എല്ലാ പ്രശ്നങ്ങളിൽ നിന്നും രക്ഷിക്കാൻ ഓടി എത്തും, എനിക്ക് ഇത് എന്ത് പറ്റി ഇക്കനോട് ഞാൻഇന്നലെ എന്തൊക്കെയാ പറഞ്ഞെ, ഒരു പക്ഷെ റിച്ചുന് ഇതൊന്നും കണ്ടെത്താൻ സാദിച്ചില്ലേൽ പിന്നെ ഇക്കാനെ എനിക്ക് എന്നെന്നെകുമായി നഷ്ടമാകൊ, ഇക്കാക് എന്നോടിപ്പോ ദേഷ്യം ഉണ്ടാകോ,

റബ്ബേ എന്റെ ഇക്കാക്ക് ക്ഷമ കൊടുക്ക്,എന്തൊക്കെ പറഞ്ഞാലും എനിക്ക് എന്റെ ചൂടൻ ഇല്ലാതെ ഒരു നിമിഷം പോലും നിൽക്കാൻ കഴിയില്ലന്ന് മനസ്സിലായി, ഓരോന്നും പിറു പിറുത്ത് കൊണ്ട് കുറെ കരഞ്ഞു, പെട്ടന്നാണ് ഫോൺ റിംഗ് ചെയ്തത്,മിച്ചുക്കയായിരിക്കുംന്ന് കരുതി കിടക്കുന്നിടത്ത് നിന്ന് എണീറ്റ്‌ ഫോൺ എടുത്ത് നോക്കിയതും റിച്ചുവായിരുന്നു… കാൾ അറ്റൻഡ് ചെയ്ത് ചെവിയിൽ വെച്ചു…. ഹലോ…. ബാബി സുഖല്ലേ…. (റിച്ചു )

ആഹ് സുകാ, എല്ലാം ചെയ്യാൻ പറഞ്ഞ് ഏല്പിച്ചിട്ട്, ഞങ്ങളെ പിരിച്ചപ്പോ സമാധാനായല്ലോ അനക്ക് (ഇഷ) ബാബി…. ഇങ്ങള് എന്തൊക്കെയാ ഈ പറയുന്നേ, നിങ്ങളെ ലൈഫിൽ ഉള്ള ശത്രുക്കളെ നിങ്ങൾ പിരിഞ്ഞു എന്ന് കൺവെൻസ് ചെയ്യിപ്പിക്കുകയാണ് നമ്മൾ വേണ്ടത്, എല്ലാം കലങ്ങി തെളിയും…. ബാബി കരഞ്ഞ് അസുഖം വരുത്തി വെക്കേണ്ട, കൂൾ ആയി ഇരിക്ക് ബാബിടെ ചൂടന്റെ അനിയനാ പറയുന്നേ… (റിച്ചു )

എന്നാലും റിച്ചു, എനിക്ക് എന്തോ പേടി പോലെ, ഇക്കനോട് അന്ന് ഞാൻ പറഞ്ഞതൊക്കെ ഇക്കാക്ക് നല്ലോണം ഫീൽ ആയിട്ടുണ്ട് കണ്ണ് നിറഞ്ഞത് ഞാൻ കണ്ടതാ, ഒരു പക്ഷെ നമ്മുടെ പ്ലാൻ വിജയിച്ചില്ലേൽ എന്നെന്നേകുമായി ഇക്ക എന്നിൽ നിന്ന് അകന്ന് പോവോ, എനിക്ക് ആകെ പേടിയാവുന്നു റിച്ചു… (ഇശു ) എന്റെ ബാബി, ഇങ്ങനെ പേടിക്കാതെ, എന്ത് റിസ്ക് എടുത്തിട്ട് ആണെങ്കിലും നിങ്ങളെ ഞാൻ ഒന്നിപ്പിക്കും…. ഇത് ഈ മൻസൂറിന്റെ മോൻ റിച്ചു തരുന്ന വാക്കാ…. (റിച്ചു )

എന്നാലും റിച്ചു…. ഇക്കനോട് ഒന്ന് പറഞ്ഞേക്ക് നമ്മുടെ പ്ലാനിനെ കുറിച്ച്, എന്നാ ഇക്കാക്ക് എന്നോട് വെറുപ്പ് ഉണ്ടാവില്ലല്ലോ…. (ഇശു ) അത് വേണ്ട ബാബി, എന്നെ പോലെ സൈലന്റ് ആയി ഡീൽ ചെയ്യാൻ കാകുന് അറിയില്ല, തത്കാലം ഇത് ഇങ്ങനെ തന്നേ കിടക്കട്ടെ, ഇക്ക ഇപ്പൊ ഇവിടെ ഇല്ല രാവിലെ പോയതാ….. (റിച്ചു )

എടാ…. എങ്ങോട്ടാ ഇക്ക പോയെ… ഇക്കാനെ ശ്രദ്ധിക്ക്ട്ടാ… (ഇശു ) ഡബിൾ ഓകേ ബാബി, ഞാൻ പിന്നെ വിളിക്കാം ബൈ…. (റിച്ചു ) (അങ്ങനെ അവൻ ഫോൺ വെച്ചു, എന്തോ ക്ഷീണം പോലെ, ശരീരം ആകെ തളരുന്നത് പോലെ, ജഗ്ഗ് എടുത്ത് വെള്ളം കുടിച്ചു, ബാത്‌റൂമിൽ ചെന്ന് മുഖം ഒക്കെ കഴുകി പുറത്തേക്ക് വന്നതും, വൊമിറ്റ് ചെയ്യാൻ വരുന്ന പോലെ കൂടെ തലകറക്കവും, പെട്ടെന്ന് ഞാൻ നിലത്തേക്ക് വീണു…. ——————————— [മിച്ചു ]

ഇന്നലെ ഒരു പോള കണ്ണടച്ചിട്ടില്ല, രാവിലെയുള്ള അവളെ ശല്ല്യ പെടുത്തലുംഎല്ലാം നല്ലോണം മിസ്സ്‌ ചെയ്യുന്നുണ്ട്…. അവളില്ലാതെ ആകുമ്പോഴാ അവളെ വില മനസ്സിലാവുക,, ഇശു എന്റെ ലൈഫിൽ വന്നെ പിന്നെ എനിക്ക് സന്തോഷം മാത്രേ ഉണ്ടയിട്ടൊള്ളു, ഇഷാ ഐ മിസ്സ്‌ യൂ, സ്റ്റിൽ ഐ ലവ് യൂ.. 😘😘😘 അവളെ ഫോട്ടോയും നോക്കി കുറെ നേരം കിടന്നു, അവൾക്ക് വിളിക്കണം എന്ന് തോന്നിയെങ്കിലും അവൾ ഇന്നലെ പറഞ്ഞതോർത്ത് വിളിക്കാൻ തോന്നിയില്ല,

ഒന്ന് ഫ്രഷ് ആയി വന്ന് കീയും എടുത്ത് താഴേക്ക് ഇറങ്ങിയപ്പോ റിനു ഉണ്ട് ഇഷാൻ മോനെയും എടുത്ത് ഇരിക്കുന്ന്, മോനെ കണ്ടപ്പോൾ എനിക്ക് ഓർമ്മവന്നത് അന്ന് ഞാനും ഇശുവും കൂടെ മോനെ എടുക്കാൻ അടിയുണ്ടാകിയതാണ് മോന്റെ കവിളിൽ ഒന്ന് പിടിച്ച് കൊണ്ട് ഞാൻ പുറത്തേക് പോയി, ബുള്ളറ്റ് എടുത്ത് എങ്ങോട്ടെന്നില്ലാതെ യാത്ര തുടർന്നു,

ഇശുന്റെ വീടിന്റെ മുന്നിലൂടെ രണ്ട് മൂന്നു തവണ റൗണ്ട് അടിച്ചു അവളെ ഒരു നോക്ക് കാണാൻ കഴിഞ്ഞെങ്കിൽ എന്ന പ്രതീക്ഷയോടെ, പക്ഷെ അവളെ ഒരു നോക്ക് പോലും കണ്ടില്ല, സങ്കടം കടിച്ചമർത്തി കൊണ്ട് വണ്ടി ബീച്ചിലേക്ക് വിട്ടു…. ബീച്ചിൽ എത്തി വണ്ടി സൈഡ് ആക്കി മണൽ പരപ്പിൽ മുട്ടും കുത്തി ഇരുന്ന് മുടിയും വലിച്ച് കൊണ്ട് കുറെ അലറി……

അവളുമായുള്ള നിമിഷങ്ങളും, ഇന്നലെ അവൾ എന്നെ തള്ളി പറഞ്ഞു കൊണ്ട് തിരിഞ്ഞ് നോക്കുക പോലും ചെയ്യാതെ പോയതും എല്ലാം മനസ്സിലേക്ക് ഇടിച്ചു കയറുന്ന പോലെ, ഞാൻ പോലും അറിയാതെ എന്റെ കണ്ണിൽ നനവ് പടർന്നു….. മഴ മേഘം…………… മനമുരുകിഅലയുമൊഴിയാലെ….. …………………………………………………………… ………………………………………………………….

വിരൽ ദൂരം കാണുമോ… കടലോളം മോഹമോ…….. അവളാകും തീരമെ……. ഒന്ന് തൊടുവാനോ…… പറയാതെ പോയൊരാ……. വരിയാവും പൂവിതാ………….. പലരാവായ് കാത്തുവോ…… മെല്ലെ വിടരാനോ…………. പെട്ടെന്നാണ് ആദിയും ജാസിയും കൂടെ എന്റെടുത്ത് വന്നിരുന്നത്… എന്താണ് നിരാശ കാമുകൻ മാനസ മൈനയും പാടി ഇരിപ്പാണോ (ജാസി ) നിങ്ങൾ എങ്ങനെ ഞാൻ ഇവിടുന്നുണ്ടെന്ന് അറിഞ്ഞേ (മിച്ചു)

നല്ല ചോദ്യം, അത് ആരേലും പറഞ്ഞിട്ട് വേണോ മോനെ, ഞാനും ഇവനും കൂടി ചുമ്മാ വീട്ടിലേക്ക് വന്നതാ, അപ്പോഴാ റിച്ചു കാര്യങ്ങൾ എല്ലാം പറഞ്ഞെ, അപ്പൊ ഞങ്ങൾ നേരെ ഇങ്ങോട്ട് വിട്ടു, എന്ത് സങ്കടം ഉണ്ടായാലും ഈ തീരത്ത് അല്ലെ നീ ഉണ്ടാവൂന്ന് ഞങ്ങൾക്ക് അറിയുന്നത് അല്ലെ, (ആദി ) അതന്നെ…. എന് നന്പൻ പോൽ ആരുമില്ലെ……..എന്തെ ഭൂമിയിലേ.. (ജാസി ) (ജാസി മിച്ചുന്റെ തോളിലൂടെ കയ്യിട്ട് പാട്ട് പാടിയതും )

എന്താ ജാസി, ചെക്കൻ സാട് ആയി ഇരിക്കുമ്പോ നീ ഒരുമാതിരി മറ്റേടത്തെ പരിപാടി കാണിക്കല്ലേ… (ആദി ) അവർ എന്റെ മൂഡ് മാറ്റാൻ വേണ്ടി ഓരോന്ന് പറയുന്നുണ്ടെങ്കിലും എനിക്ക് എന്തോ സന്തോഷിക്കാൻ കഴിയുന്നില്ല….. എടാ മിച്ചു, നീ ഇത് എന്ത് ഇരിപ്പ, നിന്റെ ഇരുത്തം കണ്ടാ തോന്നും ഓൾ നാട് വിട്ട് പോയീന്ന്, എടാ അത് ഇഷാ മെഹറിനാ, അവളെ എനിക്ക് അറിയാം, നീ ഒന്ന് ഇഷ്ടം പറയാൻ ഒരുപാട് നേർച്ച ചെയ്തിട്ടുണ്ടാകും,

ആ ഓൾ അന്നേ വിട്ട് പോകും എന്ന് അനക്ക് തോന്നുന്നുണ്ടോ…… ഇതിൽ എന്തോ ഒരു കളി നടക്കുന്നുണ്ട്, നീ ഇവിടെ ഈ ഇരിക്കുന്ന അവസ്ഥ തന്നെയാകും അവൾക്കും, നീ ഒന്ന് കൂൾ ആവ്..(ജാസി ) അതന്നെ, മ്മടെ പെങ്ങളുട്ടി ഒരിക്കലും ഓളെ ചൂടനെ വിട്ട് പോവൂല, അത് ഞങ്ങൾക്ക് ഉറപ്പാ, നീ വാ നമുക്ക് ഒന്ന് ട്രിപ്പ്‌ അടിക്കാം നിന്റെ ഈ മൂഡ് ഓഫും മാറിക്കോളും…. (ആദി )

(ഇതും പറഞ്ഞ് രണ്ടും കൂടി എന്നെ പിടിച്ച് വലിച്ചതും ഫോൺ റിംഗ് ചെയ്തതും ഒരുമിച്ച്, ഇശു ആണോ വിളിക്കുന്നേന്ന് കരുതി പോക്കറ്റിൽന്ന് ഫോൺ എടുത്തതും അവളെ ഉപ്പയായിരുന്നു, അവൾ ഉപ്പാടെ ഫോണിൽന്ന് വിളിക്കുന്നത് ആണോ, എന്തായാലും വളരെ പ്രതീക്ഷയോടെ തന്നേ കാൾ അറ്റൻഡ് ചെയ്ത് ചെവിയിൽ വെച്ചതും…. മോനെ…. മിച്ചു… നീ എവിടെയാ പെട്ടെന്ന് സിറ്റി ഹോസ്പിറ്റൽ വരെ ഒന്ന് വരാമോ, ഇശുവുമായി ഞങ്ങൾ ഹോസ്പിറ്റലിൽ വന്നിരിക്കുവാ…..

(ഉപ്പ ) മാമ….ഇശുന് എന്താ… ഹലോ.. ഹലോ…. (മിച്ചു ) (നോക്കുമ്പോൾ കാൾ കട്ട് ആയിട്ടുണ്ട്, എന്താ റബ്ബേ ഇശുന് പറ്റിയെ, ഞാൻ വേഗം വണ്ടി എടുത്തു, പിറകിൽ ജാസിയോട് കയറാൻ പറഞ്ഞു, ആദിയോട് അവരെ വണ്ടി എടുത്ത് ഹോസ്പിറ്റലിലേക്ക് വരാൻ പറഞ്ഞു, ജാസി എന്തൊക്കെയോ ചോദിക്കുന്നുണ്ട് അവനോട് ഒന്നും പറയാൻ കഴിഞ്ഞില്ല, ഹോസ്പിറ്റലിലേക്ക് എത്തുക എന്നുള്ള ചിന്ത മാത്രേ ഉണ്ടായിരുന്നൊള്ളു,

അവിടെ എത്തിയതും ജാസി മുന്നിൽ തന്നേ നിൽപുണ്ടായിരുന്നു, എന്നെ കണ്ടതും അവൻ എന്നെയും കൂട്ടി അവൾ കിടക്കുന്ന അവിടേക്ക് കൊണ്ട് പോയി, ഉമ്മയുംമാമനും ഇശടെ ഉമ്മയും എല്ലാരും എത്തിയിട്ടുണ്ട്, മാമനോട് എന്താ ഉണ്ടായെന്ന് ചോദിച്ചപ്പോ പറഞ്ഞത് ഒന്ന് തലകറങ്ങി വീണത്‌ ആണെന്ന്….. ചെക്കപ്പ് ചെയ്യാണ്, ഡോക്ടർ പുറത്തേക് വന്നിട്ടില്ല…. ഞാനും ജാസിയും ആദിയും ഒരു സൈഡിലേക്ക് നീങ്ങിനിന്നു,

കുറച്ച് നേരത്തിനു ശേഷം ഡോക്ടർ പുറത്തേക്ക് വന്നു, അവളെ വിവരം എന്തായിന്ന് അറിയാൻ ഡോക്ടറെ അടുത്തേക്ക് നീങ്ങിയതും…. ഇശാ മെഹറിന്റെ ഹസ്ബൻഡ് ആരാണ്…. (ഡോക്ടർ ) . ഡോക്ടർ…. ഞാനാണ് അവളെ ഹസ്ബൻഡ്, (മിച്ചു ) ഹ ഓക്കേ നെയിം പ്ലീസ്.. (ഡോക്ടർ ) മിഷാൽ മൻസൂർ…. സാർ അവൾക്ക് എന്തേലും…. (മിച്ചു) ഏയ് ഡോണ്ട് വറി ഷീ ഈസ്‌ അബ്സൊലൂട്ട്ലി ഫൈൻ, മിസ്റ്റർ മിഷാൽ കന്ഗ്രത്സ്…

ഒരു ഗുഡ് ന്യൂസ്‌ ഉണ്ട് താങ്കൾ ഒരു അച്ഛൻ ആകാൻ പോകുന്നു, ഷീ ഈസ്‌ പ്രക്നന്റ്…(ഡോക്ടർ ) റിയലി, അവളെ ഒന്ന് കാണാൻ പറ്റോ…. (മിച്ചു ) ഓ ശുവർ…. ട്രിപ്പ്‌ ഇട്ടിരിക്കാ, ചെറിയ ഒരു ക്ഷീണം വേറെ ക്വാബ്ളിക്കേഷൻസ് ഒന്നും ഇല്ലാ, ഇന്ന് ഡിസ്ചാർജ് ചെയ്യാം ഓക്കേ.. ശെരി എന്നാ… (ഡോക്ടർ )

ഇതും പറഞ്ഞ് ഡോക്ടർ പോയി, ഒരുനിമിഷം എനിക്ക് പറഞ്ഞ് അറിയിക്കാൻ പറ്റാത്ത സന്തോഷം തോന്നി, എല്ലാരെ മുഖത്തും അതെ സന്തോഷം, ഞാൻ അവളെ കാണാൻ വേണ്ടി അകത്തേക്ക് കയറി, കണ്ണും അടച്ചു കിടപ്പാണ്, അവളെ അരികിൽ ചെന്ന് ഇരുന്നുകൊണ്ട് നെറ്റിയിൽ തലോടികൊണ്ട് അവളെ നെറ്റിയിൽ എന്റെ ചുണ്ടുകൾ ചേർക്കാൻ നിന്നതും………കാത്തിരിക്കൂ………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…