24 മണിക്കൂറിനിടെ 26,506 രോഗബാധിതര്‍; രാജ്യത്ത് കൊവിഡ് രോഗികളുടെ എണ്ണം എട്ട് ലക്ഷത്തിലേക്ക്

രാജ്യത്ത് കഴിഞ്ഞ 24 മണിക്കൂറിനിടെ 26,506 പേര്‍ക്ക് കൂടി കൊവിഡ് സ്ഥിരീകരിച്ചു. ഇതുവരെയുള്ളതില്‍ ഏറ്റവുമുയര്‍ന്ന പ്രതിദിന വര്‍ധനവാണിത്. 475 പേര്‍ ഇന്നലെ മരിച്ചു.

രാജ്യത്തെ ആകെ കൊവിഡ് ബാധിതരുടെ എണ്ണം 7,93,802 ആയി ഉയര്‍ന്നു. ഇതില്‍ 4,95,513 പേര്‍ രോഗമുക്തി നേടി. 2,76,685 പേര്‍ നിലവില്‍ ചികിത്സയില്‍ കഴിയുന്നുണ്ട്. 21,604 പേരാണ് ഇതിനോടകം കൊവിഡ് ബാധിച്ച് മരിച്ചത്.

മഹാരാഷ്ട്രയില്‍ രോഗികളുടെ എണ്ണം 2.30 ലക്ഷം കടന്നു. 9667 പേര്‍ മരിച്ചു. 1.27 ലക്ഷം പേര്‍ രോഗമുക്തി നേടി. 93,673 പേര്‍ നിലവില്‍ ചികിത്സയില്‍ കഴിയുന്നു. തമിഴ്‌നാട്ടില്‍ 1,26, 581 പേര്‍ക്കാണ് ഇതിനോടകം കൊവിഡ് സ്ഥിരീകരിച്ചത്. 78,161 പേര്‍ രോഗമുക്തി നേടി. 46,655 പേര്‍ ചികിത്സയിലുണ്ട്. 1765 പേര്‍ മരിച്ചു

ഡല്‍ഹിയില്‍ 1,07,051 പേര്‍ക്ക് രോഗം സ്ഥിരീകരിച്ചു. 82,226 പേര്‍ രോഗമുക്തി നേടി. 21,567 പേര്‍ നിലവില്‍ ചികിത്സയില്‍ കഴിയുന്നു. 3258 പേര്‍ മരിച്ചു