തൊഴിലാളികളുടെ വേതനം ഉറപ്പാക്കാന് സ്വകാര്യ മേഖലയിലും ബോണ്ട് കൊണ്ടുവരാന് കുവൈത്ത്
Jul 15, 2020, 16:13 IST
കുവൈത്ത് സിറ്റി: തൊഴിലാളികളുടെ അവകാശങ്ങള് സംരക്ഷിക്കുന്നതിന് സ്വകാര്യ മേഖലയിലും ബോണ്ട് സംവിധാനം കൊണ്ടുവരാനൊരുങ്ങി കുവൈത്തിലെ മാന്പവര് പബ്ലിക് അതോറിറ്റി. സര്ക്കാര് കരാറുകള്ക്ക് ഉള്ളതുപോലെ ഗ്യാരന്റി സംവിധാനം ഏര്പ്പെടുത്താനാണ് നീക്കം.
250 ദിനാര് ഗ്യാരന്റി നിക്ഷേപമായി ഏര്പ്പെടുത്തും. ജീവനക്കാരന്/ തൊഴിലാളി രാജ്യം വിടുമ്പോള് മാത്രമേ ഈ തുക പിന്വലിക്കാനാകൂ. തുടര്ന്ന് തൊഴില് വകുപ്പ് മുഖേനയുള്ള പരാതികള് കമ്മീഷന് അന്വേഷിക്കുകയും സ്പോണ്സറെ വിളിപ്പിച്ച് നടപടി സ്വീകരിക്കുകയും ചെയ്യും.
ശമ്പളം നല്കിയില്ലെന്ന് കണ്ടാല് കോടതി നടപടികളിലേക്ക് നീങ്ങും. വേതനം ഉറപ്പുവരുത്തുക മാത്രമല്ല വിസാ കച്ചവടം തടയാനും സാധിക്കും.