സ്വകാര്യ മേഖലയില്‍ നിന്ന് സര്‍ക്കാര്‍ മേഖലയിലേക്കുള്ള പ്രവാസികളുടെ വിസാ മാറ്റം നിരോധിച്ച് കുവൈത്ത്
Jul 17, 2020, 16:39 IST
കുവൈത്ത് സിറ്റി: സ്വകാര്യ മേഖലയില്‍ തൊഴിലെടുക്കുന്നയാള്‍ക്ക് കുവൈത്തില്‍ ഇനി മുതല്‍ സര്‍ക്കാര്‍ ജോലി ലഭിക്കില്ല. സ്വകാര്യ മേഖലയില്‍ നിന്ന് സര്‍ക്കാര്‍ മേഖലയിലേക്കുള്ള പ്രവാസികളുടെ വിസാ മാറ്റം കുവൈത്ത് നിരോധിച്ചതോടെയാണിത്.
മാന്‍പവര്‍ പബ്ലിക് അതോറിറ്റി ഡയറക്ടര്‍ ജനറല്‍ അഹ്മദ് അല്‍ മൂസയാണ് നിരോധന ഉത്തരവ് പുറപ്പെടുവിച്ചത്. ഈ മാസം 14നാണ് നിരോധനം നിലവില്‍ വന്നത്.
അതേസമയം, കുവൈത്തി പൗരന്മാരെ വിവാഹം കഴിച്ചവര്‍ക്കും ഫലസ്തീന്‍ പൗരന്മാര്‍ക്കും മെഡിക്കല്‍ പ്രൊഫഷന്‍ പ്രാക്ടീസ് ചെയ്യാന്‍ ലൈസന്‍സുള്ള ആരോഗ്യരംഗത്തെ പ്രൊഫഷണലുകള്‍ക്കും ഇതില്‍ ഇളവുണ്ട്. ഇവര്‍ക്ക് സര്‍ക്കാര്‍ മേഖലയിലേക്ക് വിസ മാറ്റാം.
