ഇന്ത്യക്കാര്ക്ക് വിസിറ്റ് വിസയില് യു എ ഇയില് എത്താന് അനുമതിയില്ല
Aug 4, 2020, 15:29 IST
അബുദബി: നിലവിലെ മാര്ഗ്ഗനിര്ദ്ദേശമനുസരിച്ച്, ഇന്ത്യന് പൗരന്മാര്ക്ക് വിസിറ്റ് വിസയില് യു എ ഇയില് എത്താന് അനുമതിയില്ല. യു എ ഇയിലെ ഇന്ത്യന് അംബാസഡര് പവന് കപൂര് ആണ് ഇക്കാര്യം അറിയിച്ചത്.
വിസിറ്റ് വിസയില് എത്തുന്നവരെ യു എ ഇ പ്രവേശിപ്പിക്കുന്നുണ്ടോയെന്നതില് വ്യക്തതയില്ല. വിസിറ്റ് വിസയില് യാത്ര ചെയ്യാന് ഇന്ത്യന് സര്ക്കാര് ഏതായാലും അനുമതി നല്കുന്നില്ലെന്നും അദ്ദേഹം ചൂണ്ടിക്കാട്ടി.
വിസിറ്റ് വിസയുള്ള യാത്രക്കാരെ വിമാനക്കമ്പനികളും യാത്രക്ക് അനുവദിക്കുന്നില്ല. മാത്രമല്ല, ഈ മാസം അവസാനം വരെ അന്താരാഷ്ട്ര വിമാന സര്വ്വീസുകള്ക്കുള്ള നിരോധനം ഇന്ത്യ നീട്ടിയിട്ടുമുണ്ട്. നിലവില് വന്ദേഭാരത് മിഷന്റെ വിമാനങ്ങളിലാണ് ഇന്ത്യക്കാര് യു എ ഇയിലെത്തുന്നത്.