കുവൈറ്റിൽ ദിവസേന 10000 പേർക്ക് വാക്സിൻ ലഭ്യമാക്കും: ആരോഗ്യ മന്ത്രി ബാസിൽ അൽ സബാ
Dec 11, 2020, 00:06 IST
കുവൈറ്റ് സിറ്റി: കുവൈറ്റിൽ ദിവസേന 10000 പേർക്ക് വാക്സിൻ ലഭ്യമാക്കുമെന്ന് ആരോഗ്യ മന്ത്രി ബാസിൽ അൽ സബാ അറിയിച്ചു നിലവിൽ ഇന്റർനാഷണൽ ഫെയർ ഗ്രൗണ്ട് , അഹ്മദി, ജഹ്‌റ എന്നിവിടങ്ങളിലാണ് വാക്സിൻ കേന്ദ്രങ്ങൾ സജ്ജമാക്കിയിരിക്കുന്നത്. 9 വാക്‌സിനുകളാണ് വിതരണത്തിനായി ലഭ്യമായിട്ടുള്ളതെന്നും അദ്ദേഹം കൂട്ടിച്ചേർത്തു.
കുവൈറ്റിൽ മൂന്ന് ലൊക്കേഷനുകൾ ഇതിനായി സജ്ജമാണെന്നും അദ്ദേഹം വ്യക്തമാക്കി. ഇവിടെനിന്നും ദിവസേന 10000 പൗരന്മാർക്കും താമസക്കാർക്കും വാക്സിൻ സ്വീകരിക്കാനാവും, വാക്സിൻ കുവൈറ്റിലേക്കെത്തിക്കാനായി മൂന്ന് കമ്പനികളെ ചുമതലപ്പെടുത്തിയതായും അദ്ദേഹം വ്യക്തമാക്കി.
