അടുത്ത നിയമ സഭയിൽ OIOP മൂവ്മെന്റിന്റെ MLA മാർ ഉണ്ടായിരിക്കും; ബിബിൻ ചാക്കോ

കുവൈറ്റ് : അടുത്ത നിയമസഭയിലേക്കുള്ള OIOP മൂവ്മെന്റിന്റെ കന്നി അങ്കത്തിൽ തന്നെ MLA മാർ ഉണ്ടാകുമെന്നു ഫൗണ്ടർ മെമ്പറും ഓവർസീസ് പ്രസിഡണ്ടുമായ ബിബിൻ ചാക്കോ
പ്രസ്താവിച്ചു. കേരളത്തിലെ നിയമസഭാതെരഞ്ഞെടുപ്പിനുള്ള തയ്യാറെടുപ്പിന്റെ ഭാഗമായി വിവിധ രാജ്യങ്ങളിലുള്ള OIOP നാഷണൽ കമ്മിറ്റി പ്രസിഡന്റുമാരും പ്രതിനിധികളും സൂമിലൂടെ നടത്തിയ ഓവർസീസ് യോഗത്തിലാണ് അർദ്ധശങ്കയില്ലാതെ അദ്ദേഹം തൻ്റെ നിലപാട് അറിയിച്ചത്.

മത്സരിക്കുന്ന മണ്ഡലങ്ങളിൽ സംഘടനക്ക് തികഞ്ഞ ആത്മവിശ്വാസം ഉണ്ടെന്നും , നിലവിലുള്ള ഒരു രാഷ്ട്രീയ മുന്നണിയുമായി സഖ്യമില്ലാതെ അവരുടെ പൊള്ളത്തരങ്ങളെ തുറന്നുകാട്ടിയാകും OIOP മൂവ്മെന്റ് ജനവിധി തേടുകയെന്നും അദ്ദേഹം വ്യക്തമാക്കി.

OIOP വരണം കേരളം വളരണം എന്ന് ജനങ്ങൾ മനസ്സിൽ കുറിച്ചിട്ടുവെന്നും , കേരളത്തിൽ OIOP മൂവ്മെന്റിനെ ജനങ്ങൾ അധികാരത്തിൽ എത്തിച്ചാൽ ആദ്യ മന്ത്രിസഭ യോഗത്തിൽ തന്നെ 60 വയസ്സ് പൂർത്തിയായ എല്ലാവർക്കും പ്രതിമാസം 10000/- രൂപ പെൻഷൻ പ്രഖ്യാപിച്ചു അതിനുള്ള നടപടികൾ ആരംഭിക്കുമെന്നും അദ്ദേഹം പറഞ്ഞു. ജനങ്ങൾ ആഗ്രഹിക്കുന്ന സദ്ഭരണം കേരളത്തിൽ ഉണ്ടാകും , പൊതു കടം കുറച്ചു കൊണ്ട് വരും , ധനധൂർത്തു അവസാനിപ്പിക്കും , അഴിമതി ഇല്ലാതാക്കും , പ്രവാസികളേയും കുടുബത്തെയും ചൂഷണം ചെയ്യാത്ത, കർഷകരെയും. തൊളിലാളികളെയും സംരക്ഷിക്കുന്ന സർക്കാർ ആയിരിക്കും ഉണ്ടാകുക എന്നും അദ്ദേഹം കൂട്ടിച്ചേർത്തു.

കെ .എം .തോമസ് (കാനഡ ), ബേബി ജോസഫ് (യു എസ് എ ), ജൂഡ്സ് ജോസഫ് (ഇറ്റലി), സാജൻ വർഗീസ് , ജെസ്സി മാർട്ടിൻ (ഇസ്രായേൽ ), അബ്ദുൾ ഹമീദ് (കുവൈറ്റ്) , പയസ് തലക്കോട്ടൂർ (ഒമാൻ),സിനോജ്‌ (യു .എ .ഈ ), ജോബി എലിയാസ് (ഖത്തർ), സിറിയക് കുരിയൻ (സൗദി അറേബ്യ) , ബിജു എം .ഡാനിയേൽ (ബഹ്‌റൈൻ ), തുടങ്ങിയ പതിനൊന്നു രാജ്യങ്ങളിലെ നാഷണൽ കമ്മിറ്റി പ്രസിഡന്റുമാരും മറ്റു പ്രതിനിധികളും ഈ സും മീറ്റിംഗിൽ പങ്കെടുത്തു. വർദ്ധിച്ചു വരുന്ന പെട്രോൾ വിലവർദ്ധനവിനെതിരെയും , പ്രവാസികളിക്കെതിരെയുള്ള അനീതികൾക്കെതിരെയും യോഗം പ്രതിഷേധം രേഖപ്പെടുത്തി. OIOP യുടെ സ്ഥാനാർത്ഥികളെ ജനഹിതമനുസരിച്ചു കണ്ടുപിടിക്കാനും മുൻകൂട്ടി തന്നെ അവരുടെ പേരുകൾ പ്രഖ്യാപിക്കാനും സംസ്ഥാന കമ്മിറ്റിയെ യോഗം ചുമതലപ്പെടുത്തി.

റിപ്പോർട്ട് : ജോബി എൽ ആർ ( ഓവർസീസ് സെക്രെട്ടറി )