കഅ്ബയിലെ കിസ്‌വ മോഷ്ടിച്ചു കടത്താൻ ശ്രമിച്ചവർ അറസ്റ്റിൽ

Share with your friends

മക്ക: വിശുദ്ധ കഅ്ബാലയത്തെ അണിയിച്ച കിസ്‌വയുടെ (പുടവ) ഭാഗങ്ങൾ വിദേശത്തേക്ക് കടത്താൻ ശ്രമിച്ച രണ്ടു പാക്കിസ്ഥാനികളെ മക്കയിൽ നിന്ന് സുരക്ഷാ വകുപ്പുകൾ അറസ്റ്റ് ചെയ്തു. മക്ക അൽശിശ ഡിസ്ട്രിക്ടിൽ പ്രവർത്തിക്കുന്ന സൗദി പോസ്റ്റ് ശാഖ വഴി വിദേശത്തേക്ക് കൊറിയർ ആയി ഏഴു കിസ്‌വ ഭാഗങ്ങൾ അയക്കാൻ ശ്രമിക്കുന്നതിനിടെയാണ് ഇരുവരും സുരക്ഷാ വകുപ്പുകളുടെ പിടിയിലായത്. കിസ്‌വ ഭാഗങ്ങൾ കൊറിയർ ആയി അയക്കാൻ എത്തിയവരെ കുറിച്ച് സൗദി പോസ്റ്റ് അധികൃതർ സുരക്ഷാ വകുപ്പുകൾക്ക് രഹസ്യ വിവരം നൽകുകയായിരുന്നു.

സിത്തീൻ സ്ട്രീറ്റിൽ വെച്ച് അജ്ഞാതനായ ഇന്ത്യക്കാരനിൽ നിന്നാണ് തങ്ങൾ കിസ്‌വ ഭാഗങ്ങൾ വാങ്ങിയതെന്ന് ചോദ്യം ചെയ്യലിൽ പാക്കിസ്ഥാനികൾ പറഞ്ഞു. ഇന്ത്യക്കാരനെ തങ്ങൾക്ക് മുൻ പരിചയമില്ലെന്നും 300 റിയാലിനാണ് കിസ്‌വ ഭാഗങ്ങൾ വാങ്ങിയതെന്നും പാക്കിസ്ഥാനികൾ വാദിച്ചു. വിശദമായി ചോദ്യം ചെയ്യാനും തുടർ നടപടികൾ സ്വീകരിക്കാനും ഇരുവരെയും പിന്നീട് അൽഖറാറ പോലീസ് സ്റ്റേഷന് കൈമാറി. അന്വേഷണം പൂർത്തിയാക്കി ഇരുവർക്കുമെതിരായ കേസ് പോലീസ് പിന്നീട് പബ്ലിക് പ്രോസിക്യൂഷന് കൈമാറിയതായി ബന്ധപ്പെട്ടവർ വെളിപ്പെടുത്തി.

-

ഞങ്ങളുടെ വാർത്തകൾ നിങ്ങളുടെ വാട്‌സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

-

-


Nishikanth padoor വന്ധ്യതയ്ക്ക് പാരമ്പര്യ നാട്ടുചികിത്സയുമായി വൈദ്യരത്നം നിഷികാന്ത് പാടൂർ

-


Nikahinkerala ഇസ്ലാമിക താൽപര്യങ്ങൾക്ക് ഇണങ്ങുന്ന അനുയോജ്യമായ ഇണയെ അതിവേഗം കണ്ടെത്താം

-


digital marketing സോഷ്യൽ മീഡിയയിൽ പരസ്യം നൽകൂ; നിങ്ങളുടെ ബിസിനസ് വളർത്തൂ

-


Image One സംരംഭകര്ക്കുള്ളതെല്ലാം ഇനി ഒരു കുടക്കീഴില്; കമ്പനി രെജിസ്ട്രേഷന് മുതല് വെബ്സൈറ്റ് വരെ!!