മസ്കത്തിൽ ഐ ഡി കാര്ഡില്ലെങ്കിലും കോവിഡ് പരിശോധന സൗജന്യം
Apr 14, 2020, 20:22 IST
മസ്കത്ത്: ഒമാന് തലസ്ഥാനമായ മസ്കത്തിലെ മത്ര മേഖലയില് വീടുകളും തോറും കയറി കോവിഡ് പരിശോധനക്ക് വേണ്ടിയുള്ള ബോധവത്കരണം നടത്തുന്നു. പനി ലക്ഷണങ്ങളുള്ളവര് പരിശോധനക്ക് തയ്യാറാകാനാണിത്. ഐ ഡി കാര്ഡില്ലെങ്കിലും സൗജന്യമായി പരിശോധന നടത്തുമെന്ന് ആരോഗ്യ മന്ത്രാലയം അറിയിച്ചു.
പേരും അടിസ്ഥാന വിവരങ്ങളും ശരിയായ മൊബൈല് നമ്പറും കൈമാറിയാല് മതി. പരിശോധനാ ഫലം അറിയിക്കാനാണിത്. ഐ ഡിയുള്ളവര് അത് കൊണ്ടുവരണം. ഐ ഡിയില്ലാത്തവര്ക്ക് നടപടി നേരിടേണ്ടി വരില്ല. രാവിലെ ഒമ്പത് മുതല് ഉച്ചക്ക് ഒരു മണി വരെയാണ് അധികൃതരുടെ ഫീല്ഡ് വര്ക്ക്. രാജ്യത്തെ പ്രധാന കോവിഡ് ഹോട്ട്സ്പോട്ടാണ് മത്ര. ഈ പ്രദേശമുള്പ്പെടുന്ന മസ്കത്ത് ഗവര്ണ്ണറേറ്റ് മുഴുക്കെ ലോക്ക്ഡൗണ് ചെയ്തിരിക്കുകയാണ്.