സ്കൂളിലേക്ക് കുട്ടികളെ പറഞ്ഞയക്കാന് ആശങ്കയുള്ള രക്ഷിതാക്കള്ക്ക് ഓണ്ലൈന് ക്ലാസുകള് ലഭ്യമാക്കി ദുബൈ
ദുബൈ: സെപ്തംബറിലെ പുതിയ അധ്യയന വര്ഷത്തില് സ്കൂളുകളിലേക്ക് കുട്ടികളെ പറഞ്ഞയക്കാന് ആശങ്കയുള്ള രക്ഷിതാക്കള്ക്ക് ഓണ്ലൈന് ക്ലാസുകള് ലഭ്യമാക്കി ദുബൈയിലെ സ്കൂളുകള്. അതേസമയം, സ്കൂളുകളിലേക്ക് വരുന്ന കുട്ടികള്ക്ക് എല്ലാവിധ ആരോഗ്യ സുരക്ഷാ ക്രമീകരണങ്ങളും വരുത്തും.
സ്കൂളുകള് തുറന്നാല്, പഠനരീതി മാറ്റുന്നതിന് വിജ്ഞാന- മാനവ വികസന അതോറിറ്റി (കെ എച്ച് ഡി എ)യുടെ അനുമതി ആവശ്യമാണ്. സ്കൂളുകളിലേക്ക് കുട്ടികളെ പറഞ്ഞയക്കുന്നതില് പല രക്ഷിതാക്കളും ആശങ്ക പ്രകടിപ്പിച്ചിട്ടുണ്ട്.
ഓണ്ലൈന്- ക്ലാസ് റൂം സമ്മിശ്ര പഠനമായിരിക്കും നല്കുക. കുട്ടികളെ പറഞ്ഞയക്കാന് ആശങ്കയുള്ളവര്ക്ക് ക്ലാസ് റൂമിലെ പഠനം ലൈവ് ആയി നല്കുമെന്ന് ക്രെഡന്സ് ഹൈസ്കൂള് അറിയിച്ചു. ദുബൈയിലെ ക്രസന്റ് ഇംഗ്ലീഷ് സ്കൂള്, ഗള്ഫ് മോഡല് സ്കൂള് എന്നിവയും ഈ സാധ്യത മുന്നോട്ടുവെച്ചിട്ടുണ്ട്.