ബാങ്കില്‍ നിന്നിറങ്ങുന്നവരെ ആക്രമിച്ചു പണം തട്ടല്‍; യുവാവ് പിടിയില്‍
Apr 30, 2021, 02:15 IST
റിയാദ്: ബാങ്കില്‍ നിന്ന് പണം പിന്‍വലിച്ചു പുറത്തിറങ്ങിയ ആളെ രഹസ്യമായി നിരീക്ഷിച്ചു പിന്‍തുടര്‍ന്ന് ആക്രമിച്ചു പണം പിടിച്ചു പറിച്ച യുവാവിനെ റിയാദ് പൊലീസ് പിടികൂടി. 40 കാരനായ യെമനി പൗരനാണ് അറസ്റ്റിലായത്. ഇയാള്‍ ഇത്തരത്തില്‍ പണം തട്ടിയെടുക്കുന്നത് പതിവായിരുന്നു.
പ്രമുഖ ബാങ്കിന്റെ റിയാദിലെ ഒരു ശാഖയില്‍ നിന്ന് പുറത്തിറങ്ങിയയാളെ പിന്‍തുടര്‍ന്ന് പണം തട്ടിപ്പറിക്കാന്‍ ശ്രമിക്കുന്നതിനിടെയാണ് ഇന്നലെ പൊലീസ് പിടികൂടിയത്. ഇതേ രീതിയില്‍ നേരത്തെ രണ്ടുപേരില്‍ നിന്ന് 2,30,000 റിയാല്‍ പിടിച്ചുപറിച്ചതായി കണ്ടെത്തി
