ഹൗസ് ഡ്രൈവര്‍മാരുടെ സ്‌പോണ്‍സര്‍ഷിപ് മാറ്റം ഓണ്‍ലൈനില്‍ ചെയ്യാമെന്ന് അധികൃതര്‍

Saudi

റിയാദ്: ഹൗസ് ഡ്രൈവര്‍മാരുള്‍പ്പെടെയുള്ള ഗാര്‍ഹിക ജോലിക്കാരുടെ തൊഴിലുടമ മാറ്റം ഓണ്‍ലൈനിലൂടെ ചെയ്യാന്‍ സംവിധാനമൊരുക്കി സൗദി. സ്‌പോണ്‍സര്‍ഷിപ് മാറ്റം സൗദി ആഭ്യന്തര വകുപ്പിന്റെ ഓണ്‍ലൈന്‍ പോര്‍ട്ടല്‍/ആപ്ലിക്കേഷന്‍ ആയ 'അബ്ഷിര്‍' വഴി ചെയ്യാമെന്ന് അധികൃതര്‍ അറിയിച്ചു. 

നിലവിലെ സ്‌പോണ്‍സറുടെ അബ്ഷിര്‍ വഴി പുതിയ സ്‌പോണ്‍സറുടെ പേരിലേക്ക് മാറുന്ന രീതിയാണിത്. നിലവിലെ സ്‌പോണ്‍സര്‍ തൊഴിലാളിയെ സ്വീകരിക്കണമെന്നാവശ്യപ്പെട്ട് പുതിയ സ്‌പോണ്‍സര്‍ക്ക് അബ്ഷിര്‍ ഓണ്‍ലൈന്‍ സര്‍വീസ് വഴി അപേക്ഷയയക്കും.

അദ്ദേഹത്തിന് അത് സ്വീകരിക്കുകയും തള്ളുകയും ചെയ്യാം. സ്വീകരിച്ചു എന്നറിയിക്കുന്ന ഭാഗം ക്ലിക്ക് ചെയ്താല്‍ തൊഴിലാളിയുടെ സ്‌പോണ്‍സര്‍ഷിപ് മാറും. എന്നാല്‍ ഒന്നിലധികം ഹൗസ് ഡ്രൈവര്‍മാരോ ഒരേ പ്രൊഫഷനില്‍ കൂടുതല്‍ തൊഴിലാളികളോ ഉണ്ടെങ്കില്‍ ഇ സ്‌പോണ്‍സര്‍ഷിപ് മാറ്റം സാധ്യമാകില്ല.

Share this story