ഇന്ത്യയിലേക്ക് പോകുന്നതില്‍ യു.എ.ഇ പൗരന്മാര്‍ക്ക് വിലക്ക്
ദുബായ്: ഇന്ത്യ, ബംഗ്ലാദേശ്, നേപ്പാള്‍ തുടങ്ങിയ രാജ്യങ്ങളിലേക്ക് പോകുന്നതില്‍നിന്ന് യു.എ.ഇ പൗരന്മാരെ അധികൃതര്‍ വിലക്കി. ശ്രീലങ്ക, വിയറ്റ്‌നാം, നമീബിയ, സാംബിയ, കോംഗോ, ഉഗാണ്ട, സിയറ ലിയോണ്‍, ലൈബീരിയ, സൗത്ത് ആഫ്രിക്ക, നൈജീരിയ എന്നിവയാണ് മറ്റു രാജ്യങ്ങള്‍.
യാത്രാ സീസണ്‍ ആരംഭിച്ച സാഹചര്യത്തില്‍ പൗരന്മാര്‍ എല്ലാ കോവിഡ് മുന്‍കരുതലുകളും പാലിക്കണമെന്ന് വിദേശ മന്ത്രാലയവും നാഷണല്‍ എമര്‍ജന്‍സി, ക്രൈസിസ്, ഡിസാസ്റ്റര്‍ മാനേജ്‌മെന്റ് അതോറിറ്റിയും അറിയിച്ചു.
ഇന്ത്യ,പാക്കിസ്ഥാന്‍ തുടങ്ങി 13 രാജ്യങ്ങളില്‍നിന്നുള്ളവര്‍ക്ക് യു.എ.ഇയിലേക്ക് പ്രവേശനം വിലക്കിയതായി യു.എ.ഇ ജനറല്‍ സിവില്‍ ഏവിയേഷന്‍ അതോറിറ്റി (ജി.സി.എ.എ) കഴിഞ്ഞ ദിവസം അറിയിച്ചിരുന്നു.
ജൂലൈ ഏഴു മുതല്‍ ഇന്ത്യയില്‍നിന്ന് സര്‍വീസ് പുനരാരംഭിക്കുമെന്ന് ദുബായ് എമിറേറ്റ്‌സ് എയര്‍ലൈന്‍സ് അറിയിച്ചിട്ടുണ്ടെങ്കിലും മാറ്റത്തിനു സാധ്യതയുണ്ടെന്നും വ്യക്തമാക്കിയിട്ടുണ്ട്.
