മാവോയിസ്റ്റുകളുടെ കൊലപാതകം: ലഘുലേഖകൾ വിതരണം ചെയ്ത യുവാക്കൾ കോഴിക്കോട് അറസ്റ്റിൽ
Nov 2, 2019, 10:05 IST
കോഴിക്കോട് മാവോയിസ്റ്റ് ലഘുലേഖകൾ വിതരണം ചെയ്ത രണ്ട് യുവാക്കൾ അറസ്റ്റിൽ. അലൈൻ ഷുഹൈബ്, താഹ ഫസൽ എന്നിവരാണ് അറസ്റ്റിലായത്. പന്തീരങ്കാവിൽ നിന്ന് വെള്ളിയാഴ്ച രാത്രിയായിരുന്നു അറസ്റ്റ്.
യു എ പി എ നിയമം ചുമത്തിയാണ് ഇരുവരെയും അറസ്റ്റ് ചെയ്തിരിക്കുന്നത്. നിരവധി ലഘുലേഖകൾ ഇവരിൽ നിന്ന് പിടിച്ചെടുത്തു. കണ്ണൂർ സർവകലാശാലാ നിയമവിദ്യാർഥികളാണ് ഇരുവരും.
നിരോധിത ഇടതുപക്ഷ സംഘടനയുമായി ബന്ധമുള്ളവരാണ് ഇവരെന്ന് പോലീസ് പറയുന്നു. പാലക്കാട് മഞ്ചക്കണ്ടി ഏറ്റുമുട്ടൽ കൊലപാതകത്തിൽ പ്രതിഷേധിച്ചാണ് ഇവർ ലഘുലേഖകൾ വിതരണം ചെയ്തത്.