സമൂഹമാധ്യമങ്ങളിൽ താരമായ ദേവു ചന്ദനയുടെ പിതാവ് ആത്മത്യ ചെയ്ത നിലയിൽ

ചെണ്ട മേളത്തോടൊപ്പം നൃത്തം ചെയ്ത് സമൂഹമാധ്യമങ്ങളിൽ വൈറലായ ദേവു ചന്ദനയുടെ അച്ഛൻ ആത്മഹത്യ ചെയ്ത നിലയിൽ ആലപ്പുഴ നൂറനാട് കിഴക്കേക്കര വീട്ടിൽ ബി ചന്ദ്രബാബുവാണ് തൂങ്ങിമരിച്ചത്. തിരുവനന്തപുരം എസ് എ ടി ആശുപത്രിയുടെ പിന്നിലെ നഴ്‌സിംഗ് ഹോസ്റ്റലിന് സമീപത്തെ മരത്തിലാണ് ചന്ദ്രബാബുവിനെ തൂങ്ങിമരിച്ച നിലയിൽ കണ്ടെത്തിയത്.

പെയിന്റിംഗ് തൊഴിലാളിയായിരുന്നു ചന്ദ്രബാബു. തലച്ചോറിലെ കോശങ്ങൾ നശിച്ചു പോകുന്ന ഗുരുതര രോഗം ബാധിച്ച ദേവുവിനെ കഴിഞ്ഞാഴ്ച എസ് എ ടി ആശുപത്രിയിൽ പ്രവേശിപ്പിച്ചിരുന്നു. സ്ഥിതി ഗുരുതരമായതിനെ തുടർന്നാണ് കുട്ടിയെ തിരുവനന്തപുരത്തേക്ക് എത്തിച്ചത്

നൂറനാട് സിബിഎംഎച്ച്എസ് സ്‌കൂൾ വിദ്യാർഥിനിയാണ് ഒമ്പതുവയസ്സുകാരിയായ ദേവു. സാമ്പത്തികമായി പിന്നാക്കം നിൽക്കുന്ന കുടുംബമാണ് ഇവരുടേത്. ചികിത്സക്ക് ഉൾപ്പെടെ പണം കണ്ടെത്താൻ വിഷമിക്കുന്ന സ്ഥിതിയിലായിരുന്നു. ഈ മനോവിഷമമാണ് ചന്ദ്രബാബുവിനെ മരണത്തിലേക്ക് നയിച്ചതെന്നാണ് കരുതുന്നത്.