കുത്തകകളെ സംരക്ഷിക്കാനുള്ള നടപടി: വിമാനത്താവളം അദാനിക്ക് കൈമാറിയതിനെതിരെ മുഖ്യമന്ത്രി

തിരുവനന്തപുരം വിമാനത്താവളം അദാനി ഗ്രൂപ്പിനെ കൈമാറിയ നടപടിയെ ശക്തമായി എതിർത്ത് മുഖ്യമന്ത്രി. വിമാനത്താവളനടത്തിപ്പിൽ പരിചയമില്ലാത്ത അദാനി ഗ്രൂപ്പിന് ഈ മേഖലയിൽ കുത്തകാവകാശം നൽകാനാണ് കേന്ദ്രസർക്കാർ നീക്കം. അദാനിക്ക് കൈമാറിയാൽ തിരുവനന്തപുരം വിമാനത്താവളത്തിന്റെ വികസനം ഒരിഞ്ചു പോലും മുന്നോട്ടുപോകില്ല.

കുത്തകകളെ സംരക്ഷിക്കാനുള്ള നടപടികളുടെ ഭാഗമായാണ് വിമാനത്താവളം നടത്തിപ്പ് അദാനിക്ക് കൈമാറിയത്. സുപ്രീംകോടതിയിലെ ഹർജി പോലും പരിഗണിക്കാതെയുള്ള നീക്കം തടയാൻ സാധ്യമായതെല്ലാം ചെയ്യും. വിമാനത്താവളം നടത്തിപ്പിൽ അനുഭവ പരിചയവും വിജയവുമുള്ള സംസ്ഥാന സർക്കാരിനോടുള്ള അവഗണനയാണിതെന്നും മുഖ്യമന്ത്രി പറഞ്ഞു

തിരുവനന്തപുരത്തിന് പുറമെ ജയ്പൂർ, ഗുവാഹത്തി വിമാനത്താവളങ്ങളുടെ നടത്തിപ്പ് ചുമതലയും ഓപറേഷൻസ്, വികസനം എന്നീ ചുമതലകളുമാണ് അദാനി ഗ്രൂപ്പിന് കൈമാറിയത്. 50 വർഷത്തേക്കാണ് കരാർ