കേന്ദ്ര-സംസ്ഥാന സര്‍ക്കാരുകള്‍ക്കെതിരെ രൂക്ഷവിമര്‍ശനവുമായി രാഹുല്‍ ഗാന്ധി

Share with your friends

കേരളത്തിലെ ഇടതുപക്ഷത്തിന്റെ അക്രമത്തിന് ഇരയായിക്കൊണ്ടിരിക്കുന്ന യു.ഡി.എഫ് പ്രവര്‍ത്തകര്‍ പിന്‍മാറില്ലെന്നും എന്നാല്‍ തിരിച്ച് അക്രമം കാട്ടില്ലെന്നും രാഹുല്‍ ഗാന്ധി. എല്ലാം ശരിയാക്കുമെന്ന് പറഞ്ഞ് അധികാരത്തിലേറിയത് ഇടത് പ്രവര്‍ത്തകരെ നന്നാക്കാനാണോ? ഇടത് പ്രവര്‍ത്തകര്‍ക്ക് ജോലി, നിങ്ങള്‍ അവരുടെ കൊടിപിടിച്ചാല്‍ മുഖ്യമന്ത്രിയുടെ ഓഫീസിലിരുന്ന് സ്വര്‍ണക്കടത്ത് നടത്താം. കൊടിപിടിച്ചില്ലെങ്കിലോ സെക്രട്ടറിയേറ്റിന് മുന്നില്‍ ഇരുന്ന് സമരം ചെയ്യണം. നിരാഹാരം കിടന്ന് മരിച്ചാലും മുഖ്യമന്ത്രി തിരിഞ്ഞ് നോക്കില്ല. എന്നാല്‍ ഇടത് പ്രവര്‍ത്തകര്‍ക്ക് അര്‍ഹതയില്ലെങ്കിലും ജോലി നല്‍കുമെന്നും രാഹുല്‍ ഗാന്ധി പറഞ്ഞു. പ്രതിപക്ഷനേതാവ് രമേശ് ചെന്നിത്തല നടത്തിയ ഐശ്വര്യകേരള യാത്രയുടെ സമാപന സമ്മേളനം തിരുവനന്തപുരത്ത് ഉദ്ഘാടനം ചെയ്യുകയായിരുന്നു അദ്ദേഹം.

ഇന്ത്യ മഹാരാജ്യം ഇന്ന് നാല് പേരാണ് ഭരിക്കുന്നത്. ഇത് ഞാന്‍ പാര്‍ലമെന്റില്‍ പ്രസംഗിച്ചിരുന്നു. പ്രധാനമന്ത്രി എടുക്കുന്ന നടപടികള്‍ രാജ്യത്തിന്റെ നിര്‍മിതിയെ നശിപ്പിക്കുന്നതാണ്. കോടിക്കണക്കിന് രൂപയുടെ നികുതി ഇളവ് അദ്ദേഹം അതിസമ്പന്നര്‍ക്ക് നല്‍കുന്നു. നോട്ട് നിരോധത്തോടെ പാവങ്ങളുടെ പോക്കറ്റില്‍ പണമില്ലാതായി. ജി.എസ്.ടി വന്നതോടെ നികുതി 28 ശതമാനമായി. അങ്ങനെ സാധാരണക്കാരുടെ കയ്യില്‍ പണമില്ലാതായി. ഈ പണം രാജ്യത്തെ കോടിശ്വരന്‍മാരുടെ പോക്കറ്റിലേക്കാണ് പോകുന്നതെന്നും രാഹുല്‍ ഗാന്ധി പറഞ്ഞു.

കോവിഡ് കാലത്ത് കുടിയേറ്റ തൊഴിലാളികള്‍ സ്വന്തംനാട്ടിലേക്ക് മടങ്ങാന്‍ യാത്രാ ടിറ്റിക്കറ്റിന് 300 രൂപ ചോദിച്ചിട്ട് പ്രധാനമന്ത്രി നല്‍കിയില്ല. എന്നാല്‍ ശതകോടീശ്വരന്‍മാര്‍ക്ക് ഒന്നരലക്ഷം കോടിയുടെ നികുതി ഇളവ് നല്‍കി. ആറ് വര്‍ഷമായി തൊഴില്‍ മേഖലയുടെ നട്ടെല്ല് തകര്‍ത്തു. ചെറുകിട കച്ചവടക്കാര്‍, വ്യാപാരികള്‍, കര്‍ഷകര്‍, ഇടത്തരം കച്ചവടക്കാര്‍ യുവസംരംഭകര്‍ എന്നിവരാണ് ഈ രാജ്യത്ത് തൊഴില്‍ ഉത്പാദിപ്പിക്കുന്നത്. ആറ് വര്‍ഷമായി ഇവരുടെ കയ്യിലെ പണം പിടിച്ചെടുത്ത് കോര്‍പ്പറേറ്റുകളെ സഹായിക്കുകയാണ് നരേന്ദ്രമോദി സര്‍ക്കാര്‍. നോട്ട് നിരോധനം , ജി.എസ്.ടി എന്നിവ കൊണ്ട് കര്‍ഷകര്‍ക്കോ കച്ചവടക്കാര്‍ക്കോ എന്തെങ്കിലും പ്രയോജനം ഉണ്ടായോ എന്ന് അവരോട് ചോദിച്ചാല്‍ കൃത്യമായ മറുപടി ലഭിക്കും.

ഇപ്പോള്‍ സര്‍ക്കാര്‍ മൂന്ന് കാര്‍ഷിക നിയമങ്ങള്‍ കൊണ്ടുവന്നു. കര്‍ഷക ചന്തകള്‍ ഇല്ലാതാക്കുകയാണ് ഒന്നാമത്തെ നിയമത്തിന്റെ ലക്ഷ്യം. രണ്ടാമത്തെ നിയമം വ്യവസായികളെ സഹായിക്കാനാണ്. അളവില്ലാത്ത പൂഴ്ത്തിവയ്പ്പിന് അവര്‍ക്ക് അവസരം ഒരുക്കുന്നു. പഴം, പച്ചക്കറി, ധാന്യം എന്നിവയുടെ വില കോര്‍പ്പറേറ്റുകളുടെ ഇഷ്ടത്തിനനുസരിച്ച് നിയന്ത്രിക്കുകയാണ് ലക്ഷ്യം. കര്‍ഷകര്‍ക്ക് കൃത്യമായ വില ലഭിക്കുന്നില്ലെന്ന് ഉറപ്പാക്കുകയാണ് ലക്ഷ്യം. ഇതോടെ കൂടുതല്‍ പണം ഭക്ഷണത്തിന് ചെലവാക്കേണ്ടി വരും. മൂന്നാമത്തെ നിയമം ഏറെ വിചിത്രമാണ്, കരാറുകാരനുമായി വിലയെ പറ്റി തര്‍ക്കം ഉണ്ടായാല്‍ കര്‍ഷകന് കോടതിയില്‍ പോകാനാകില്ല. അതിനര്‍ത്ഥം നിതി ലഭിക്കില്ലന്നാണ്. അതുകൊണ്ടാണ് ലക്ഷക്കണക്കിന് കര്‍ഷകര്‍ രാജ്യതലസ്ഥാനത്ത് സമരം നയിക്കുന്നത്. അപ്പോള്‍ പ്രധാനമന്ത്രി പറയുന്നു, കര്‍ഷകര്‍ ഭീകരവാദികളാണ്.

-

ഞങ്ങളുടെ വാർത്തകൾ നിങ്ങളുടെ വാട്‌സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക

-

-


Nishikanth padoor വന്ധ്യതയ്ക്ക് പാരമ്പര്യ നാട്ടുചികിത്സയുമായി വൈദ്യരത്നം നിഷികാന്ത് പാടൂർ

-


Nikahinkerala ഇസ്ലാമിക താൽപര്യങ്ങൾക്ക് ഇണങ്ങുന്ന അനുയോജ്യമായ ഇണയെ അതിവേഗം കണ്ടെത്താം

-


digital marketing സോഷ്യൽ മീഡിയയിൽ പരസ്യം നൽകൂ; നിങ്ങളുടെ ബിസിനസ് വളർത്തൂ

-


Image One സംരംഭകര്ക്കുള്ളതെല്ലാം ഇനി ഒരു കുടക്കീഴില്; കമ്പനി രെജിസ്ട്രേഷന് മുതല് വെബ്സൈറ്റ് വരെ!!