സംസ്ഥാന നിയമസഭാ തെരഞ്ഞെടുപ്പ് ഐക്കണായി സഞ്ജു സാംസണെ തെരഞ്ഞെടുത്തു

ഏപ്രിൽ ആറിന് നടക്കുന്ന സംസ്ഥാന നിയമസഭാ തെരഞ്ഞെടുപ്പ് ഐക്കണായി മലയാളി ക്രിക്കറ്റ് താരം സഞ്ജു സാംസണെ തെരഞ്ഞെടുത്തു. മുഖ്യ തെരഞ്ഞെടുപ്പ് ഓഫീസർ ടിക്കാറാം മീണയാണ് സഞ്ജു സാംസണെ നിയമസഭാ തെരഞ്ഞെടുപ്പ് ഐക്കണായി തെരഞ്ഞെത്തത്.

ഗായിക കെഎസ് ചിത്ര, ഇ ശ്രീധരൻ എന്നിവരായിരുന്നു ലോക്‌സഭാ തെരഞ്ഞെടുപ്പ് ഐക്കണുകൾ. ബിജെപിയിൽ ചേർന്നതിനെ തുടർന്ന് ഇ ശ്രീധരനെ പദവിയിൽ നിന്നും ഒഴിവാക്കി.

ഗായിക കെഎസ് ചിത്ര തുടർന്നേക്കും. തെരഞ്ഞെടുപ്പ് കമ്മീഷൻ ഇതുമായി ബന്ധപ്പെട്ട് കെഎസ് ചിത്രയുടെ സമ്മതം തേടി.