ഒലവക്കോട് ഫുട്‌ബോൾ റാലിക്കിടെ കല്ലേറുണ്ടായ സംഭവം; 40 പേർ കസ്റ്റഡിയിൽ
Nov 21, 2022, 08:30 IST
പാലക്കാട് ഒലവക്കോട് ഫുട്‌ബോൾ ആരാധകരുടെ റാലിക്കിടെ കല്ലേറുണ്ടായ സംഭവത്തിൽ 40 പേരെ പോലീസ് കസ്റ്റഡിയിലെടുത്തു. കണ്ടാലറിയാവുന്ന ആളുകളെയാണ് കസ്റ്റഡിയിലെടുത്തത്. കല്ലേറിൽ രണ്ട് പോലീസുകാർക്ക് പരുക്കേറ്റിരുന്നു. നോർത്ത് പോലീസ് സ്‌റ്റേഷനിലെ എ എസ് ഐ മോഹൻദാസ്, സിപിഒ സുനിൽ കുമാർ എന്നിവർക്കാണ് പരുക്കേറ്റത്
റാലി അവസാനിപ്പിക്കുന്നതിനെ ചൊല്ലിയുള്ള തർക്കത്തിനിടെയാണ് കല്ലേറുണ്ടായത്. പോലീസ് ലാത്തി വീശി ആളുകളെ ഓടിക്കുന്നതിനിടെ പോലീസിന് നേരെയും കല്ലേറുണ്ടായി. പരുക്കേറ്റ പോലീസുകാരെ ജില്ലാ ആശുപത്രിയിൽ പ്രാഥമിക ചികിത്സക്ക് വിധേയരാക്കി. സംഭവത്തിൽ കൂടുതൽ പേരെ കസ്റ്റഡിയിലെടുക്കാൻ സാധ്യതയുണ്ട്.
