യുവ സംവിധായിക നയന സൂര്യയുടെ മരണം കൊലപാതകമെന്ന് സൂചന

യുവ സംവിധായിക നയന സൂര്യയുടെ മരണം കൊലപാതകമെന്ന സംശയം ബലപ്പെടുന്നു. നയനയുടെ കഴുത്ത് ശക്തമായി ഞെരിഞ്ഞിരുന്നുവെന്നാണ് പോസ്റ്റുമോർട്ടം റിപ്പോർട്ടിൽ പറയുന്നത്. 2019 ഫെബ്രുവരി 2നായിരുന്നു തിരുവനന്തപുരത്തെ മുറിക്കുള്ളിൽ നയനയെ മരിച്ച നിലയിൽ കണ്ടെത്തിയത്. 

കഴുത്തിന് ചുറ്റും ഉരഞ്ഞുണ്ടായ നിരവധി മുറിവുകളുണ്ട്. അടിവയറ്റിൽ ചവിട്ടേറ്റത് പോലുള്ള ക്ഷതവും ആന്തരികാവയവങ്ങളിൽ രക്തസ്രാവവുമുണ്ടായി എന്നും പോസ്റ്റുമോർട്ടം റിപ്പോർട്ടിൽ പറയുന്നു. പോസ്റ്റുമോർട്ടത്തിലെ കണ്ടെത്തലുകൾ കൊലപാതക സാധ്യത സംശയിക്കാവുന്നതാണ്

അസ്വാഭാവിക മരണത്തിന് കേസെടുത്തെങ്കിലും അന്വേഷണം നിലവിൽ നിലച്ച നിലയിലാണ്. നയനയുടെ മരണത്തിൽ വിശദമായ അന്വേഷണം നടത്തണമെന്നാണ് സുഹൃത്തുക്കളുടെ ആവശ്യം.